Zülfiyyə Xanbabayeva
Vikipediya, açıq ensiklopediya - ویکیپدیا ، آچیق انسایکلوپدیا
| ZÜLFİYYƏ XANBABAYEVA | |
 |
|
| Doğum tarixi | 16 oktyabr, 1967 |
| Doğum yeri | Bakı |
|
|
|
Zülfiyyə Xanbabayeva - Azərbaycanın xalq artisti, müğənni.
Mündəricat |
[redaktə / تحریر] Həyatı
[redaktə / تحریر] Uşaqlıq illəri - Bakı Payızı
Zülfiyyə Xanbabayeva 16 oktyabr 1967-ci ildə Bakı şəhərində anadan olmuşdur. Ailədə üç uşaq idilər: iki qız, bir oğlan. Uşaqlıqdan incəsənətə marağı olan Zülfiyyə babasını, nənəsini və qohumlarını bir yerə yığaraq onlar üçün kiçik "konsertlər" verirdi.
Zülfiyyə 161 № məktəbdə oxuyurdu. Məktəbi qədər çox sevməsə də musiqini, ədəbiyyatı və biologiyanı çox sevirdi. Artıq o vaxtlar Əfsər Cavanşirovun xorunda oxuyurdu. İlk dəfə qəzetlər Zülfiyyə haqqında onun 12 yaşı olanda yazdılar. O zaman o Üzeyir Hacıbəyovun ev muzeyində Füzulinin "Şəbi-Hicran" şerini oxumuşdu. Məktəbdə oxuduğu zaman Cəfər Cabbarlının eyni adlı əsərində Sevil rolunu oynamaqla o özünü aktrisa amplusanda da sınadı. Zülfiyyə anasından xalq mahnıları ifa etməyi öyrəndi. Eyni zamanda müasir rus estradasına, əsasən Alla Puqaçovanın, Sofiya Rotarunun yaradıcılığa böyük maraq göstərirdi. Bu vaxtlar o bilirdi ki, ya aktrisa, ya da müğənni olacaq. Atasının Zülfiyyəni Xarici Dillər İnstitunun tələbəsi görmək arzusuna baxmayaraq, məktəbi bitirdikdən sonra Zülfiyyə İncəsənət İnstitutunun “Teatr rejissorluğu” fakultəsinə daxil oldu. Məktəbdə oxuduğu vaxtlar arası onu fars, ingilis dilləri kursuna aparsa da onun dilə heç bir marağı yox idi. Zülfiyyə İncəsənt İnstitutuna daxil olmaqla öz qarşısına qoyduğu məqsədə nail oldu. İnstitutda oxuduğu dövrdə o, Mirzə İbrahimovun “Mahnı dağlarda gəzər” pyesində oynamış və bir neçə tamaşa qurmuşdur. Zülfiyyə ilə bir kursda indi onun prodüsseri olan Nigar adlı bir qız –Nigar Hacızadə oxuyurdu. Məhz o 1987-ci ildə öz rəfiqəsini Brilliant Dadaşova ilə tanış etdi. Brillianr Zulyanı dinləmiş və onun ifasından məmnun qalmışdı. O bəstəkar Cavanşir Quliyevə yeni addımlar atan müğənninin ifasına qulaq asmağı tövsiyə etmişdir. Bəstəkar Zülfiyyəni istedadını layiqincə qiymətləndirmiş və onunla işləməyə başlamışıdr. Zülfiyyə 1989-ci ildə “Bakı Payızı-88” musabiqəsində iştirak edir və Vaqif Gərayzadənin “Səni xatırlayarkən” mahnısını ifa etməklə finala çıxır.
[redaktə / تحریر] Aypara qrupu - bugün
1994-cü ildə Zülfiyyə Vaqif Gərayzadənin “Aypara” qrupunda iştirak etişdir. Qrupdan ayrıldıqdan bir müddət sonra Zülfiyyə solo karyerasına başlamışdır. 2005-ci ildə “Canım Məmlətim ” adı altında Azərbaycanın dilbər güşələrinə öz konsert proqramları ilə turneyə çıxmışdır. İndiyə kimi Zülfiyyənin 12 klipi və 4 albomu işıq üzü görüb. 2003-cü ildə Zülfiyyə Azərbaycan Respublikasının Əməkdar Artisti adına layiq görülüb. 2008-ci il 17 sentyabr tarixindən isə Azərbaycan Respublikası Prezidentinin müvafiq Sərəncamı ilə Xalq Artisti adına layiq görülüb.
[redaktə / تحریر] Ailə həyatı
Xalq artisti Zülfiyyə Xanbabayevanın ilk evliliyi ötən əsrin 90-cı illərinə təsadüf edir. Xanım sənətçi Aydın adlı şəxslə ailə həyatı qurub. Sonradan ilk ailə həyatına rəsmi şəkildə son qoyan Z.Xanbabayeva uzun müddətdən sonra ikinci evliliyə imza atıb. O, “Simurq” futbol klubunun prezidenti Zaur Məmmədovla evlənib. Hazırda da davam edən bu evlilikdən xalq artistinin bir qızı var.[1] 26 oktyabr 2007-ci il tarixdə qızı Dəniz dünyaya gəlib. Qızı ilə birlikdə şəkilləri ilk dəfə OK Azərbaycan jurnalında yayımlanıb.
[redaktə / تحریر] Diskoqrafiyası
[redaktə / تحریر] Studiya albomları
2000 Gecə
2001 Sən Gedən Gündən
2003 Qəlbinə Yol
2005 Sənsiz
2009 Dəniz (Zülfiyyə xanım intervyusunda yeni albomun qızının ad günü - 26 oktyabr tarixində buraxılacağını demişdi)
[redaktə / تحریر] Heç bir alboma daxil olmayan mahnılar
1999 Dəyişir Dünya - bu mahnı həm də Qəlbinə Yol albomuna Popurrinin bir parçası kimi daxil olub. Mahnı türk müğənnisi Nilufərin repertuarındandır.
2006 Gözümün Qarası (mus-söz: Hüseyn Abdullayev) - mahnı yay üçün radio-sinql olaraq təqdim olundu, bir çox mənbələr tərəfindən ilin mahnısı seçildi.
2006 Sevgilim, Süz (mus: Vaqif Gərayzadə, söz: Teymur Məmmədov) - Aygün Kazımovanın Son Söz albomundan bir mahnı. Mahnını Zülfiyyə xanım Sual qrupu ilə birlikdə Aygün Kazımovanın ad günü üçün hazırlamışdılar.
2007 Mənimsən (mus: Vüqar Camalzadə, söz: İsmayıl Dadaşov) - radio-sinql kimi təqdim olunmuşdu, çox sevildi və nəticədə video çəkildi. Videoklipdə Fəxrəddin Manafov və Meral Konrat da çəkildi.
2007 Səni Gəzəcəyəm (mus: Hüseyn Abdullayev) - demo versiya olaraq piratlar tərəfindən internet vasitəsilə yayıldı. Zülfiyyə xanım tərəfindən mahnı ilə bağlı heç bir rəsmi məlumat səslənmədi. Sonradan bu mahnını Sevəcəyəm adı ilə Nadir Qafarzadə ifa etdi və sonuncu albomuna da daxil etdi.
2008 Məhrəm - Lider telekanalında yeni il gecesində hazırlanan şounun bir hissəsi kimi Zülfiyyə xanım Ququşun repertuarından bu mahnını ifa etmişdi, mahnı ele Ququşun da baş rolunu oynadığı Uzun Gecə filmindəndir.
2009 Elegiya/Элегия (mus: Kamal, söz: Leyla Əliyeva) - mahnı hələ 2006-cı ildə yazılsa da, efirə 2009-cu ildə təqdim olundu. Ümummilli lider Heydər Əliyevin xatirəsinə həsr olunub.
2009 Yuxuma Gəlsən (mus: Muxtar, söz: Zahir Abbas) - radio-sinql olaraq təqdim olundu.
2009 Yox Demə - radio sinql olaraq təqdim olundu.
2009 *Gələcəyəm (mus-söz: Gövhər Həsənzadə) - mahnı haqqında Gövhər Həsənzadə intervyularından birində deyib. Hələ efirə verilməyib.
[redaktə / تحریر] Videoqrafiyası
| Videonun adı | daxix olduğu albom | Tarixi |
|---|---|---|
| Demirəm Gecikməyin Sevməyə |
Gecə | 1999 2000 |
| Aləm Oyansın Sən Gedən Gündən Son Gecə İşıqlı Zülmət Xatırla Məni [remix] |
Sən Gedən Gündən | 2000 2001 2001 2002 2006 |
| Qəlbinə Yol | Qəlbinə Yol | 2003 |
| Sənsiz Azərbaycan Səninlə Ayrılığa Dözərəm |
Sənsiz | 2003 (16 oktyabr) 2004 2004 2005 |
Sonrakı illərdə Zülfiyyə xanım daha iki video təqdim etdi ki, bu mahnılar heç bir albomuna daxil deyil:
2006 Gözümün Qarası
2007 Mənimsən
[redaktə / تحریر] Həmçinin bax
- Azərbaycan müğənniləri
- Azərbaycan Xalq artistləri
- Gecə
- Sən Gedən Gündən
- Qəlbinə Yol
- Sənsiz
- Gözümün qarası (mahnı)
