"İstiqlal" ordeni

Vikipediya, açıq ensiklopediya
Keçid et: naviqasiya, axtar
"İstiqlal" ordeni
İstiqlal ordeni-lent.png İstiqlal ordeni.png
Orijinal adı "İstiqlal" ordeni
Ölkə Flag of Azerbaijan.svg Azərbaycan
Tip orden
Kimə verilir

Azərbaycan Respublikasında milli-azadlıq hərəkatında müstəsna xidmətlərinə görə;
Azərbaycan Respublikasının dövləti və xalqı qarşısında xüsusilə görkəmli xidmətlərinə görə;
Azərbaycan Respublikasının milli-dövlət quruculuğu işlərində xüsusi xidmətlərinə görə.

Status təqdim olunur
Statistika
Parametrlər 27 mm x 47,5 mm
Təsis tarixi 6 dekabr 1993
Əvvəlki mükafat "Heydər Əliyev" ordeni
Sonrakı mükafat "Şah İsmayıl" ordeni

Statutu[redaktə]

Azərbaycan Respublikasının "İstiqlal" ordeni Azərbaycan Respublikasının vətəndaşlarına aşağıdakılara görə verilir:

  1. Azərbaycan Respublikasında milli-azadlıq hərəkatında müstəsna xidmətlərinə görə;
  2. Azərbaycan Respublikasının dövləti və xalqı qarşısında xüsusilə görkəmli xidmətlərinə görə;
  3. Azərbaycan Respublikasının milli-dövlət quruculuğu işlərində xüsusi xidmətlərinə görə.

"İstiqlal" ordeni döşün sol tərəfinə, Azərbaycan Respublikasının digər orden və medalları olduqda onlardan əvvəl taxılır.

Təsviri[redaktə]

"İstiqlal" ordeni bir-birinin üzərinə qoyulmuş, biri digərinə nisbətən ox ətrafında dönmüş və ikiüzlü hamarşüaları olan iki gümüş səkkizguşəli ulduzdan ibarətdir. Üstdəki ulduzun ortasında mavi mina ilə örtülmüş girdə lövhə yerləşir. Bu lövhənin üzərində qanadları açılmış quş və qanadların arasında — yuxarıda səkkizguşəli ulduz təsvir olunmuşdur. Ulduzdan yuxarıda qanadlar arasında çevrə boyunca "İstiqlal" sözü yazılmışdır. Quşun, ulduzun təsviri və yazı qabarıqdır, qızıl suyuna çəkilmişdir. Arxa tərəfi hamar səthlidir, ortasında ordenin nömrəsi həkk olunmuşdur.

Təltif dəstinə aşağıdakılar daxildir:

- boyundan asmaq üçün 27 mm enində, göy çalarlı lenti olan, 50 mm qabarit ölçülü orden;
- paltara bərkidilmək üçün elementi olan, beşguşəli 27 mm x 47,5 mm ölçüdə göy çalarlı xara lentə halqa və ilgək vasitəsilə birləşdirilən, 35 mm qabarit ölçülü orden;
- paltara bərkidilmək üçün elementi olan, göy çalarlı, üzərində alov simvolu təsvir edilmiş, ölçüsü 27 mm x 9 mm olan qəlib.

Poçt markası üzərində[redaktə]

2011-ci ildə buraxılmış poçt markası

2011-ci ilin sentyabr ayının 5-də Bakı şəhərində Azərbaycan Respublikası Rabitə və İnformasiya Texnologiyaları Nazirliyinin "Azərmarka" şirkəti tərəfindən Azərbaycan ordenlərinə həsr olunmuş yeni poçt markaları təqdim edilmişdir. Qiyməti 60 qəpik, tirajı isə 5000 ədəd olan həmin markalardan biri "İstiqlal" ordeninə həsr olunmuşdur[1][2].

Maraqlı məlumat[redaktə]

Azərbaycan Respublikasında "İstiqlal" ordeni ilə təltif olunmuş işçilərə məzuniyyət 46 təqvim günündən az olmayaraq verilir[3].

İstinadlar[redaktə]

  1. Yeni markalar çap olunub. ictnews.az (azərb.)
  2. 05.09.2011. Azərbaycan Respublikasının Ordenləri. azermarka.az (azərb.)
  3. Azərbaycan Respublikası Əmək Məcəlləsi. Maddə 120. (azərb.)

Mənbə[redaktə]

  • "Azərbaycan Respublikasının "İstiqlal" ordeninin Statutu", Azərbaycan Respublikasının 1993-cü il 6 dekabr tarixli 754 saylı Qanunu
  • "Azərbaycan Respublikasının "İstiqlal" ordeninin Təsviri", Azərbaycan Respublikasının 1998-ci il 6 fevral tarixli 429-IQD saylı Qanunu

Xarici keçidlər[redaktə]

Həmçinin bax[redaktə]

"İstiqlal" ordeni ilə təltif edilənlərin siyahısı