Çərkəz Məcid
| ÇƏRKƏZ MƏCİD | |
| Çərkəz Müğdət oğlu Məcid | |
 |
|
| Doğum tarixi: | 1937 |
|---|---|
| Doğum yeri: | Böyük Mərcanlı, Cəbrayıl |
| Vəfatı: | 1990 |
| Vəfat yeri: | Cəbrayıl |
| Vəfat səbəbi: | infarkt |
Məcidov Çərkəz Müğdət oğlu (Çərkəz Məcid) — şair.
[redaktə] Həyatı
Çərkəz Məcid 1937-ci ilin payızında Cəbrayıl rayonunun Böyük Mərcanlı kəndində ruhani ailəsində anadan olmuşdur. Burada kənd orta məktəbini bitirmişdir (1956). Azərbaycan Dövlət Pedaqoji İnstitutunun fılologiya fakültəsində təhsilini davam etdirmişdir (1956-1960). Əmək fəaliyyətinə Böyük Mərcanlı kəndində müəllim kimi başlamışdır. Bədii yaradıcılığa erkən başlasa da, 60-cı illərdən dövri mətbuatda öz şeirləri ilə çıxış etmişdir. Onun poeziyasında uşaq şeirləri başlıca yer tutur: "Ağ çiçəklər" (1973), "Aşıq telləri" (1984) şeir topluları bu cəhətdən diqqəti cəlb edir. Doğma yurda bağlılıq, vətən sevgisi, təbiətin əsrarəngiz gözəlliklərinə məhəbbət, ülvi təmizliyə, saflığa və doğruluğa çağırış onun doğma mövzuları olmuşdur. Yeri gəldikcə, özbaşınalığı, haqsızlığı və yaramaz halları satira atəşinə tutub ifşa etməkdən çəkinməmişdir. Azərbaycanın azadlığı və istiqlaliyyəti uğrunda qeyrətlə mübarizə aparmışdır. 1990-cı ildə müəllimlərin Cəbrayıl rayonunda keçirilən avqust müşavirəsində kəskin tənqidi çıxış etdiyi zaman ürək infarktından vəfat etmişdir.
- Jurnalist Elnur Məcidlinin əmisidir.
