Çester Artur

	Çester Alan Artur; ing. Chester Alan Arthur
	Çester Artur 1882-ci ildə
19 sentyabr 1881 — 4 mart 1885
Vitse-prezident:	olmayıb
Sələfi:	Ceyms Qarfild
Xələfi:	Qrover Klivlend
4 mart 1881 — 19 sentyabr 1881
Prezident:	Ceyms Qarfild
Sələfi:	Uilyam Uiler
Xələfi:	Tomas Hendriks (1885-dən)
Partiya:	Respublikaçılar Partiyası
Təhsili:	Yunion Kolleci
Dini:	Yepiskopal
Təvəllüdü:	5 oktyabr 1829-cu il; Feyrfild, Vermont, ABŞ
Vəfatı:	18 noyabr 1886-cı il (57 yaşında); Nyu-York, Nyu-York ştatı, ABŞ
Atası:	Uilyam Artur
Anası:	Malvina Stoun
Həyat yoldaşı:	Ellen Artur
Uşaqları:	Uilyam Lüis Herndon Artur; Çester Alan Artur II; Ellen Hansbrou Herndon
İmzası:

Çester Alan Artur (ing. Chester Alan Arthur; 5 oktyabr 1829, Feyrfild, Vermont, ABŞ — 18 noyabr 1886, Nyu-York, Nyu-York ştatı, ABŞ) — Amerika dövlət xadimi, hüquqşünas. Amerika Birləşmiş Ştatlarının 21-ci prezidenti (1881-1885) və 20-ci vitse-prezidenti.

1881-ci il sentyabrın 19-da prezident Ceyms Qarfildin qətlindən sonra həmin vaxt vitse-prezident vəzifəsini daşıyan Çester Artur prezident vəzifələrinin icrasına başlamış və sentyabrın 22-də konstitusiyaya sədaqət andı içmişdir.

Dövlət vəzifələrinin hakim partiyanın nümayəndələri arasında bölüşdürülməsi qaydasını ləğv edərək 1883-cü ildə dövlət qulluğu haqqında qanun qəbul etmişdir. Qanuna əsasən ABŞ dövlət aparatında vəzifəyə təyinatlar müsabiqə yolu ilə həyata keçirilməyə başlandı.