Çingiz Abdullayev

ÇİNGİZ ABDULLAYEV
Çingiz Akif oğlu Abdullayev
Doğum tarixi	7 aprel 1959-cu il (1959-04-07)
Doğum yeri	Bakı, Azərbaycan

Abdullayev Çingiz Akif oğlu – nasir, publisist, 1989-cu ildən Azərbaycan Yazıçılar Birliyinin üzvü, hüquq elmləri doktoru (1991).

Həyatı

Çingiz Abdullayev 1959-cu il aprelin 7-də Bakı şəhərində ziyalı ailəsində anadan olmuşdur. Atası Abdullayev Akif Abdulla oğlu Böyük Vətən müharibəsinin iştirakçısı olmuş, Naxçıvan Muxtar Respublikasında prokuror, Bakı şəhərində prokuror müavini, Azərbaycan Vəkillər Rəyasət Heyətinin sədri vəzifələrində çalışmışdır. Ç.Abdullayev Bakıda 189 saylı şəhər məktəbini bitirmişdir (1976). Azərbaycan Dövlət Universitetinin hüquq fakültəsində təhsilini davam etdirmişdir (1976-1981). Əmək fəaliyyətinə Bakı istehsalat birliyində hüquq məsləhətçisi, böyük hüquq məsləhətçisi və şöbə rəisi kimi başlamışdır (1981). Afrika, Asiya və Avropa ölkələrində ezamiyyətdə olmuşdur (1984-1986). Sonra Bakı şəhəri Əzizbəyov rayonu icraiyyə komitəsində şöbə müdiri, KP Qaradağ rayonu komitəsində təşkilat şöbəsinin təlimatçısı, siyasi-maarif kabinetinin müdiri vəzifələrində çalışmışdır. 1989-cu ilin fevralından Azərbaycan Yazıçılar İttifaqının katibi olmuşdur. Beynəlxalq təcavüz problemi barədə dissertasiya müdafiə edib hüquq elmləri namizədi alimlik dərəcəsi almışdır (1988). Polşanın Krakov universitetinin fəxri professorudur (1989). H.Z.Tağıyev adına Xeyriyyə Cəmiyyətinin sədri (1990-cı ildən) və Azərbaycan Yazıçılar Birliyinin katibi (1991-ci ildən) seçilmişdir. Azərbaycan Demokratik Ziyalılar İttifaqı nəzdində olan milli akademiyanın doktorudur (1990). Beynəlxalq cinayət problemi barədə doktorluq dissertasiyası müdafıə etmişdir (1991). Azərbaycan PEN klubunun vitse-prezidentidir (1990).

Ədəbi fəaliyyətə tələbəlik dövründən başlamışdır. 1983-cü ildən dövri mətbuatda oçerk, məqalə və detektiv janrda yazdığı hekayələrlə müntəzəm çıxış edir. Rus dilində yazıb-yaradır. İngilis və italyan dillərində sərbəst danışır. Əsərləri xarici ölkə xalqlarının dillərinə tərcümə olunmuşdur. Almaniyada, İrlandiyada, Fransada, Rusiyada kütləvi tirajla buraxılmış, 20 milyon nüsxədə olan 600-dən çox kitabı dünyada yayılmışdır. Bütün bu kitablar onu siyasi detektiv janrında yazan ən yaxşı müasir yazıçı kimi tanıtdırmışdır. Xidmətlərinə görə Qırmızı Bayraq ordeni və medallarla təltif olunmuşdur. Keçmiş SSRİ Yazıçılar İttifaqının nümayəndələri tərkibində Çexoslovakiya, Yuqoslaviya (1978), Bolqarıstan (1986), Danimarka (1989), Polşada (1989) səfərdə olmuşdur.

Çingiz Abdullayev 2009-cu il aprel ayının 7-də Azərbaycanın ədəbi həyatında fəal iştirakına görə şöhrət ordeni ilə təltif edilib.

Filmoqrafiya

1. Dronqo (serial, 2002)
2. Məhkumlar (film, 2007)
3. Tərsinə çevrilən dünya (2011)

Əsərləri

Romanlar

1. Çingiz Abdullayev. Mavi mələklər. Bakı: Yazıçı, 1993
2. Çingiz Abdullayev. Əclafların qanunu. Bakı: Zaman, 1997
3. Çingiz Abdullayev. Qanın üç rəngi. Bakı: Azərbaycan, 2001
4. Çingiz Abdullayev. Allahın tərəfində. Bakı: Çıraq, 2003
5. Çingiz Abdullayev. Müqəddəs olmaq istəyi. Bakı: Adiloğlu, 2004
6. Çingiz Abdullayev. Alçağın üslubu . Bakı: Çıraq, 2005
7. Çingiz Abdullayev. Məhşər ayağında. 2 cilddə. I cild. Bakı: Çıraq, 2005
8. Çingiz Abdullayev. Məhşər ayağında. 2 cilddə. II cild. Bakı: Çıraq, 2005
9. Çingiz Abdullayev. Payız madriqalı. Bakı: Yurd, 2005
10. Çingiz Abdullayev. Monte-Mario təpəsində ölüm. Bakı: Çıraq, 2005
11. Çingiz Abdullayev. Mənim gözəl alibim . Bakı: Nurlan, 2006
12. Çingiz Abdullayev. Bağdadlı əlaqələndirici. Bakı: Çıraq, 2006
13. Çingiz Abdullayev. Unudulmuş röya. Bakı: Çıraq, 2006
14. Çingiz Abdullayev. Yalnız özümüzünkülər. Bakı: Çıraq, 2007
15. Çingiz Abdullayev. Qatil üçün Qran-Pri. Bakı: Kitab klubu, 2007
16. Çingiz Abdullayev. Üçüncü variant. Bakı: Nurlan, 2007
17. Çingiz Abdullayev. Döyüşçünün yolu. Bakı: Çıraq, 2007
18. Çingiz Abdullayev. Manyakın idrakı. Bakı: UniPrint, 2008
19. Çingiz Abdullayev. Gedər-gəlməz. Bakı: Nurlan, 2008
20. Çingiz Abdullayev. Quba kapriççiosu. Bakı: Nurlar, 2008
21. Çingiz Abdullayev. Qisasın ölçüsü. Bakı: Çıraq, 2008
22. Çingiz Abdullayev. Məhəbbət və nifrətin ölçüsü. Bakı: Çıraq, 2009
23. Çingiz Abdullayev. Etiraflar vadisi. Bakı: Çıraq, 2009
24. Çingiz Abdullayev. Hammurapi məcəlləsi. Bakı: UniPrint, 2009
25. Çingiz Abdullayev. Centlmen sövdələşməsi. Bakı: Çıraq, 2009
26. Çingiz Abdullayev. Manipulyator. Üç payız günü. Bakı: UniPrint, 2009
27. Çingiz Abdullayev. Göy mələklər. Bakı: Çıraq, 2009
28. Çingiz Abdullayev. Payız madriqalı. Bakı: Nurlar, 2009
29. Çingiz Abdullayev. Saturnun tövbəsi. Bakı: Nurlar, 2010
30. Çingiz Abdullayev. Paralel həyat. Bakı: 2010
31. Çingiz Abdullayev. Veneranın ikinci dəfə həyata gəlməsi. Bakı: 2010
32. Çingiz Abdullayev. Əfsanəyə çevrilmə haqqı. Bakı: Xatun Plyus, 2010
33. Çingiz Abdullayev. Kandaqardan agent. Bakı: 2010
34. Çingiz Abdullayev. Sonuncu divarın daşları. Bakı: Nurlar, 2010
35. Çingiz Abdullayev. İrodun kölgəsi. Bakı: UniPrint, 2010
36. Çingiz Abdullayev. Tənha ürəklərin evi. Bakı: 2010
37. Çingiz Abdullayev. Mavi mələklər. Bakı: Qanun, 2011
38. Çingiz Abdullayev. İnsan ovu. Bakı: Qanun; Əli və Nino, 2011
39. Çingiz Abdullayev. İnsan ovu. (tərcümə M.Dadaşqızı) Bakı: Zərdabi LTD, 2011
40. Çingiz Abdullayev. İngilis bulvarı. Bakı: Qanun, 2011
41. Çingiz Abdullayev. Ölümü özün seç. Bakı: Qanun, 2011
42. Çingiz Abdullayev. Bakı bulvarı. Bakı: Qanun, 2011
43. Çingiz Abdullayev. Milad bayramında açılan atəş. Bakı: Zərdabi LTD, 2011
44. Çingiz Abdullayev. Abırlı adam. Bakı: Qanun, 2011
45. Çingiz Abdullayev. Tver bulvarı. Bakı: Qanun, 2011
46. Çingiz Abdullayev. Məntiq qaydaları. Bakı: Qanun; Əli və Nino, 2012
47. Çingiz Abdullayev. Dərdimə şərik ol. Bakı: Qanun; Əli və Nino, 2012
48. Çingiz Abdullayev. Hammurapi qanunu. Bakı: Qanun; Əli və Nino, 2012
49. Çingiz Abdullayev. Prezident ovu. Bakı: Qanun; Əli və Nino, 2012
50. Çingiz Abdullayev. Xəzinadar. Bakı: Qanun; Əli və Nino, 2012
51. Çingiz Abdullayev. Yekun diaqnoz. Bakı: Qanun; Əli və Nino, 2012
52. Çingiz Abdullayev. Sutenyorun qəlbi. Bakı: Zərdabi LTD, 2012

Povestlər

1. Çingiz Abdullayev. Bir ümman nifrət. Bakı: Çıraq, 2004
2. Çingiz Abdullayev. Pəri busəsi. Bakı: Nağıl evi, 2007
3. Çingiz Abdullayev. Aşkar metamorfoza. Bakı: 2011
4. Çingiz Abdullayev. Milyardın dəyəri. Bakı: Qanun; Əli və Nino, 2012
5. Çingiz Abdullayev. Andorra sevməli və ölməli yerdir. Bakı: Qanun; Əli və Nino, 2012

Xarici keçidlər

• Çingiz Abdullayev
• Çingiz Abdullayevin bioqrafiyası (rusca)
• Çingiz Abdullayevin əsərləri (rusca)
• A spy in from the cold, sort of
• Sərt Məntiq Səadət Məmmədova ilə: Çingiz Abdullayev

Həmçinin bax

	Azərbaycan kino sənəti portalı