Ölümcül döyüş (film, 1995)

Ölümcül döyüş
Orijinal ad:	ing. Mortal Combat
Ssenari müəllifi:	Kevin Druni
Rejissor:	Pol Anderson
Prodüser:	Lourens Kazanoff
Rollarda:	Robin Şu Keri-Hiroyuki Taqava Linden Eşbi Bricitt Uilson Talisa Soto Kristofer Lambert
Dil:	İngilis dili
Ölkə:	ABŞ
İstehsalçı qurum:	New Line Cinema Alliance Communications
Filmin növü:	Döyüş
Vaxt:	101 dəq
İl:	1995
Büdcəsi:	$20 000 000 milyon
Gəliri:	$122,195,920 milyon
0113855 IMDb səhifəsi

Ölümcül döyüş (ing. Mortal Combat) – 1995-ci ildə Pol Anderson tərəfindən döyüş janrında çəkilən filmdir. 1997-ci ildə filmin davamı olan Ölümcül döyüş 2: Məhv etmək filmi çəkilmişdir. Mortal Kombat adlı video oyunu ardıcıllığından kinoya köçürülən "Ölümcül Döyüş" filmində, Kristofer Lambertin canlandırdığı ildırımlar tanrısı Rayden bir-birinnə buyğunlaşmasız üç döyüşçü ilə dünyanı xilas edəcək "Ölümcül Döyüş" turnirinin mahiyyətini başa salacaqdır.

Mortal Kombat bir döyüş turniridir. Bu döyüş turnirində Liu Kenqin komandası dunyani məhv etmək istəyən döyüşçülər ilə vuruşur. Liu Kenq komandasına Lord Rayden kömək edir. Rayden əvvəlvə Liu Kenqin turnirə qatılmamasını istəsə də, onun şücaətindən sonra fikrini dəyişir. Filmdə Liu Kenq və onun komandasi Şanq Tsunqun komandası ilə vuruşur. Şanq Tsunqun ən güclü döyüşçüsü Qoro olur. Qoro və Şanq Tsunq İmperator Şao Kanna tabe olur. Conni Keyc sonuncu döyüşlərin birində Qoronu məğlub edir. Buna məğlubiyyətə tab gətirməyən Şanq Tsunq Sonya Bleydi oğurlayır. Filmin sonunda Şanq Tsunq zəifləyib Liu kanga məğlub olur. Liu Kenqin komandası bu qələbəni qeyd edərkən, gözlənilmədən İmperator Şao Kann peyda olur. Onlar yeni döyüşə hazırlaşırlar.

Məzmun

Min ildən bir Böyük Allahlar tərəfindən Yeraltı Qara qüvvələrin Yerə hücumunu dəf etmək üçün "Ölümcül döyüş" adlı qədim turnir keçirilir. Əgər Qara qüvvələrin gücü turnirdə 10 dəfə dalbadal qalib gəlsə, onda Qara qüvvələrin İmperatoru Şao Kann (Frenk Uelker) Yerə gələcəkdir. Hal-hazırda Yeraltı Qara qüvvələrin gücü 9 dəfə qələbə qazanmışdır və sonrakı döyüş Yer üçün sonuncu olacaqdır. Köhnə Şaolin məbədi şagirdi olan Liu Kenq və onun tərəfdaşları: Hollivud kino ulduzu Conni Keyc (Linden Eşbi), məxfi polis Sonya Bleyd (Bricit Nilsen) öz həyatlarını riskə ataraq qəribə və heç də insansa bənzəməyən döyüşçülər ilə döyüşməlidirlər ki, 10-cu "Ölümcül döyüş" turnirində qalib çıxaraq Yeri Qara qüvvələrdən xilas etsinlər.

Filmin əvvəli Lui Kenqin (Robin Şu) yuxuda Şanq Tsunqun (Keri-Hiroyuki Taqava) qardaşı Çeni (Stiven Hu) necə öldürməsini görməsi ilə başlayır. Liu Kenqin qardaşı Çen sehrbaz Şanq Tsunqa qalib gələrək, "Ölümcül döyüş" turnirinin qalibi olmaq istəyir. Lakin döyüş zamanı Şanq Tsunq Çenin əlini sındırır. Şanq Tsunq Çeni yerı atmamışdan əvvəl Çenin belinə bərk zərbə endirir. Şanq Tsunq deyir: Onun ruhu özünə məxsusdur. Sonrakı ölüm üçün haazırlaş. Bu ifadələrdən sonra Şanq Tsunq skeletə dönür və Liu Kenq dəhşət içində yuxudan oyanır. Liu Kenq qardaşının ölümünü hiss edir. Bu səbəbdən Dayısının məbədinə qayıdır.

Liu Kenq "Ölümcül döyüş" turnirinə getməmişdən əvvəl Şaolin məbədinə baş çəkir. Liu Kenq onlara söyləyir ki, bu turnirdə qardaşının qisası mütləq alınacaqdır. Lakin bu zaman gözləri ildırım saçan Lord Rayden (Kristofer Lambert) gəlir. Rayden Liu Kenqə onun döyüş üçün hazır olmadığını söyləyir. Liu Kenq Raydenə zərbə vurmaq istəyir. Rayden isə onu bir əli ilə tullayır. Amma Liu Kenq fikrindən dönmür və turnirə qatılmaq fikrindədir. Conni Keyc isə uğursuz film çəkilişdən sonra yaşlı kişi Boyd ilə qarşılaşır. Həmin adam onu "Ölümcül döyüş" turnirinə dəvət edir. Əslində, Şanq Tsunq həmin adamın özüdür. Sonya Bleyd isə dostunun Kano adlı monyak qatil tərəfindən öldürüləndən sonra onun izinə düşür.

Döyüşçülərin "Ölümcül döyüş" turniri üçün seçilmələrinə baxmayaraq onlardan hər biri öz məqsədləri üçün qatılıb. Liu Kenq qardaşı Kenq Çenin qisasını almaq üçün, Sonya Bleyd polis dostunun qisasını Kanodan (Trevor Qoddard) almaqdan ötrü, Conni Keyc isə həmin turnirdə öz gücünü bütün dünyaya göstərərək, həqiqətən də əsl döyüş ustası və yalançı olmadığını sübut etmək üçün "Ölümcül döyüş" turnirinə qatılmışlar. Onlardan başqa turnirdə Şan Tsunq hiyləgər planı ilə dünyanın hər yerindən dəvət olunmuş güclü döyüşçülər iştirak edir.

Qəhrəmanlar "Ölümcül döyüş" turnirinə qatılmaq üçün gəmi ilə gedirlər. Gəmi Honq Konqda olur. Döyüşçülərin hamısı gəmi ilə Şanq Tsunqun adasına gəlməyə hazırlaşırlar. Qəhrəmanlar burada bir-birini daha yaxından tanıyırlar. Gəmidə Sonya Bleyd Şanq Tsunq ilə rastlaşır. Həmçinin, Liu Kenq və Conni Keyc Sonya Bleydə kömək üçün gəlirlər. Bu zaman qapıdan içəriyə qəribə döyüşçü nindzalar Sab-Zero (Fransua Peti) və Skorpion (Kris Kasamasa) daxil olur. Sonya Bleyd Sab-Zeroya tərəf atəş açmaq istəyir. Sab-Zero buz ilə tapançanı dondurur. Skorpion isə əlinin ovucunun içindən İlana bənzər hərəkət edən qırmağını çıxarır. Lakin bu zaman onları ildırım vurur. Döyüşçüləri ildırımnan vuran Raydendir. Rayden onlara kömək üçün gəlmişdir. Sonra Şanq Tsunq gəminin otağını tərk edir.

Sabahısı gün qəhrəmanlar gəmidən yerə enirlər. Onlar Kompas ilə harada olduqlarını öyrənmək istəyirlər. Lakin Kompasın əqrəbləri bütün istiqamətlərə dönməyə başlayır. Onlar dağa çıxmağa başlayırlar. Conni Keyc özü ilə çoxlu yüklər götürür. Bu yüklərin hamı yerə düşür. Conni Keyc çox əziyyət ilə dağın başına çıxır. Onlar qəribə döyüşçülər ilə qarşılaşırlar. Döyüşçülər arasında döyüş baş verir. Döyüşçülərdən biri adi döyüşçü, biri isə qəhrəmanların gəmidə qarşılaşdıqları qəribə nindzalardan biri Sab-Zerodur. Adi döyüşçü onun üzərinə hücum edir. Lakin bu zaman Sab-Zero ona buz atır. Həmin adi döyüşçü buzdan donaraq parçalanır. Şanq Tsunq deyir: Təmiz qələbə!

Turnir gecəsində qəhrəmanlar dörd əlli Qoro və monyak Kanonun Şanq Tsunqun yerinə keçmək haqqında danışdıqlarını görürlər. Danışıq bitməmişdən əvvəl onlar buranı tərk edirlər. Bu müddətdə Şanq Tsunq onların ardınca sürünənlər sinfinə mənsub olan canlı məxluqu (Reptayl) göndərir. Qəhrəmanlar bir qədər yol getdikdən sonra qəribə paltarlı adamlarla döyüşürlər və onları məğlub edirlər. Sonra döyüşdükləri adamlardan çox döyüşçülər peyda olur. Gözlənilmədən onların yanına Rayden gəlir. Rayden onlara Şanq Tsunq haqqında danışır və "Ölümcül döyüş" turnirinin mahiyyətini izah edir. Bu zaman Şanq Tsunq "Ölümcül döyüş" turnirini başladır.

Sabahısı günü "Ölümcül döyüş" turniri başlayır. Çoxlu döyüşlər baş verir. Bu müddətdə Rayden qəhrəmanlara turnir haqqında başa salır. Qəhrəmanlar bütün döyüşlərin üstəsindən gəlir. Liu Kenq ilk döyüşünü qələbə ilə bitirir. Döyüşlərin birində Sonya Bleyd Şanq Tsunqda Kano ilə döyüşmək istədiyini bildirir. Şanq Tsunq onun arzusunu yerinə yetirir. Çıxış qapısından Kano peyda olur. Kanonun əlində iti bıçağı vardır. Sonya Bleyd və Kano döyüşməyə başlayırlar. Əvvəlcə Sonya Bleyd ona qalib gəlməyə başlayır. Amma döyüşün ortasında məğlub olmağa başlayır. Gözlənilmədən Sonya Bleyd Kanonun başını ayağı ilə tutur və boğmağa başlayır. Sonya Bleyd döyüşdə Kanonun başını ayağı ilə sındıraraq onu öldürür və döyüşdən qalib çıxır. Şanq Tsunq bundan məmnundur.

Turnir başlamamışdan əvvəl Liu Kenq Qara qüvvələr İmperatoru Şao Kannın qızı Şahzadə Kitana (Talisa Soto) ilə rastlaşır. Döyüşlərin birində onunla qarşılaşır. Kitana ona döyüşmək üçün hazırlıqlı olmasını və daha sonrakı döyüşdə rəqibi məğlubiyyətə uğratmaq üçün yeni elementdən istifadə etməsini deyir. Liu Kenq onun sözlərini tam başa düşmür. Döyüş Kitana tərəfindən pozulduğundan, Şanq Tsunq Kitananı döyüş turnirindən kənarlaşdırır.

Sab-Zero və Liu Kenq döyüşərkən

Meşədə Conni Keyc Skorpion ilə qarşılaşır. Skorpion əlindən qırmaq çıxarır. Conni Keyc bu qırmağı dəf edir. Skorpion dərhal gözdən və sonra peyda olur. Skorpion yenidən qırmağını çıxarır. Bu zaman Conni Keyc elə edir ki, qırmaq ağaca ilişərək sıradan çıxsın. Belə də olur. Skorpionun qırmağı geri qayıtmağa başlayarkən, Conni Keyc Skorpionun üzərinə hücum edir. Lakin Conni Keyc Skorpionu tullanaraq təpiklə zərbə vurmaq istərkən, naməlum bir yerə düşür. Sonra Skorpion peyda olur və deyir: Xoş gəlmisən! Bu zaman Skorpion Conni Keycə zərbə endirir. Conni Keyc güclü zərbədən yerə düşür. Amma zərbənin güclü olmasına baxmayaraq Conni Keyc Skorpion ilə döyüşü davam edir. Döyüşün sonunda Skorpion öz məğlubiyyətini görür. Bu səbəbdən Skorpion başındakı maskanı açır. Bu zaman başın yerində skelet başı peyda olur və alov üfürməyə başlayır. Conni Keyc möhkəm dəmiri onun üzərinə tullayır və bu zaman Skorpion partlayır. Conni Keyc isə yenidən yerə düşür. Ətrafda Conni Keycin şəkli olur və alov səbəbindən yanmağa başlayır. Şəklin üzərində yazılmışdır: "Bizim ən çox sevdiyimiz Conni Keyc"

Sonrakı döyüş Sab-Zero ilə Liu Kenq arasında olur. Rayden ətrafa qabda su qoyur və gözdən itir. Bu zaman Liu Kenq və Sab-Zero peyda olurlar. Onlar vuruşmağa başlayırlar. Liu Kenq əvvəlcə məğlub olmağa başlayır. Döyüşün sonuna yaxın artıq Liu Kenq qalib olmağa hazırlaşır. Bu zaman Sab-Zero məğlub olacağını görərək, içindən buzlu dalğa çıxarmağa başlayır. Amma bu zaman Liu Kenq Kitananın: "Yeni elementdən istifadə etməsi" yadına düşür. Liu Kenq ətrafı göz gəzdirməyə başlayır və içi su ilə dolu qabı görür. Liu Kenq həmin qabda olan suyu fırladaraq buzlu dalğanın içinə atır. Bu zaman su buza çevrilir və Sab-Zeroya dəyir. Sab-Zero partlayır.

Hər döyüş qurtardıqdan sonra Şanq Tsunq məğlub olmuş döyüşçünün ruhunu əli ilə öz bədəninə yeridir. Beləcə də özünə güc qazandırır. Döyüşlərdə Liu Kenq Sab-Zero və Reptayla (Keyt-Kuk Xirabayasi), Conni Keyc isə Skorpiona və məğlub edilməz dörd əlli Qoroya (Kevin Maykl Riçardson) qalib gəlirlər. Qoro döyüşçü ilə vuruşarkən onu öldürür. Bu zaman Qoro həmin döyüşçünü başı üzərinə qaldırır və Şanq Tsunq deyir: Sənin ruhun mənimdir! deyərək, onun ruhunu olur. Bundan qəzəblənən qəhrəmanlardan olan Conni Keyc Qoro ilə vuruşmaq istəyir. Conni Keycin Qoro ilə döyüşməmişdən əvvəl Şanq Tsunq ona qeyd edir ki, hansı döyüşçü ilə döyüşmək istəyirsə, nə vaxt istəsə onu seçə bilər.

Conni Keyc döyüşdən əvvəl Raydenlə də danışır. Rayden ona deyir ki, əgər o, Qoronu həqiqətən öldürmək istəyirsə, onda döyüşdən hazırlıq vəziyyətdə olmalı və özünə inamı olmalıdır. Sonya Bleyd onun məğlub olacağına inanır. Buna baxmayaraq Conni Keyc döyüşə qatılır. Rayden sevinir ki, axırkı onlar arasında Qoro ilə döyüşmək istəyən bir şücaətli çıxdı. Conni Keyc ilə Qoro "Ölümcül döyüş" turnirində üz-üzə gəlirlər. Qoro Conni Keycin eynəyini sındırır. Bu zaman Conni Keyc ona yumruqla möhkəm zərbə endirir. Zərbə o qədər möhkəm olur ki, Qoro bir müddət özünə gələ bilmir. Şanq Tsunq ona Conninin ardınca getməsini göstərir. Qoro onu izləməyə başlayır. Sonda Conni Keyc ona təpiklə zərbə endirərək yerə tullayır. Amma Qoro dağın bir küncündən yapışmışdır. Qoro hələ yerə düşməyib və sağ qalıb. Bu zaman Conni Keyc ona bir dəfə də zərbə endirir. Qoro dağdan yerə düşməyə başlayır. Conni Keyc döyüşdən qalib çıxır.

Conni Keyc Qoronu məğlub etdikdən sonra Şanq Tsunq Sonya Bleydi oğurlayır. Şanq Tsunq onlara deyir ki, buna onun tam ixtiyarı çatır. Rayden onlarla birgə getmir. Ona görə ki, əks halda qələbə Yeraltı Qara qüvvələrə veriləcəkdir. Qəhrəmanlar Liu Kenq və Conni Keyc onun ardınca gedirlər. Onlar onun ardınca gedən zaman kiminsə onları izlədiyini görürlər. Liu Kenq divardan canlı məxluq çıxarır. Bu canlı məxluq Skeletin içinə girir və Yaşıl paltarlı nindza Reptayla (Keyt H. Kuk) dönərək, Liu Kenqə təpiklə möhkəm zərbə endirir. Zərbədən Liu Kenq divarı sındırır. Lakin Liu Kenq döyüşün ortasında özünə gəlir və Reptayl ilə döyüşməyə başlayır. Döyüşün sonunda Liu Kenq qalib gəlir və skeletin içindən çıxmış canlı məxluqu əzir. Bu zaman Kitana peyda olur. Kitana onları lazım olan yerə aparır.

Şanq Tsunq ətrafdakı adamlarla əlləri bağlı olan Sonya Bleydin ətrafında dayanmışlar. Şanq Tsunq Sonya ilə döyüşməyə hazırlaşır. Lakin Sonya bundan imtina edərək, ona dostlarının onu xilas etməsi ilə təhdid edir. Bu zaman gözlənilmədən ətrafdakı insanlar öz bağlı üzlərini açırlar. Onlar Liu Kenq, Kitana və Conni Keycdir. Şanq Tsunq əvvəlcə Conni Keyc ilə döyüşmək istəyir. Lakin Liu Kenq onunda qardaşını öldürdüyü üçün döyüşmək istəyir. Şanq Tsunq onu tanıyır və döyüşməyə hazırlaşır. Döyüş zamanı Şanq Tsunq məəğlub olacağını görür və bu səbəbdən başqa Qara qüvvələr döyüşçülərini çağırır. Liu Kenq isə onların hamısına qalib gəlir. Sonra Şanq Tsunq Liu Kenqi aldatmaq üçün onun qardaşına (onun bədənində hər bir məğlub olmuş döyüşçünün ruhu vardır. Ona görə də, Şanq Tsunq istənilən ölmüş döyüşçünün cildinə girə bilir) dönür. Bu zaman yerdən iynə uclu dəmirlər çıxmağa başlayır. Liu Kenq ona qardaşının öldüyünü bildirir. Birdən qardaşı yenidən Şanq Tsunqa dönür və Liu Kenqə zərbə vurur. Buna baxmyaraq Liu Kenq yıxıldıqdan sonra yenidən ayağa qalxır. Bu zaman Liu Kenq Şanq Tsunqla yenidən döyüşərək onu məğlubiyyətə uğradana qədər vuruşur və onu həmin dəmirlərin üzərinə möhkəm itələyir. Şanq Tsunq dəmirlərin üzərinə düşərək, skeletə dönür. Liu Kenq deyir: Təmiz qələbə! Bu zaman onun bədənindən çoxlu sayda ruhlar çıxmağa başlayır. Ruhların biri də Liu Kenqin qardaşının ruhudur. Çenin ruhu Liu Kenqə təşəkkür edir. Liu Kenq isə əllərini onun əllərinə tutub: "Yaxşılıqla get, qardaş" deyir.

Filmin sonunda qələbədən sonra qəhrəmanlar bir araya gələrək qələbəni qeyd edirlər. Liu Kenq Kitananın, Conni Key isə Sonyanın əlindən tutr. Əvvəllər Sonyanın Conni Keycdən xoşlanmasa da, indi onunla yaxşı münasibətdədirlər. Lakin bu zaman Yeraltı Qara qüvvələrinin İmperatoru Şao Kann peyda olur. Şao Kann onlara deyir: "Mənə tabe olun, zəif yazıqlar. Mən sizin ruhunuz üçün gələcəyəm (ingiliscə: Obey for me.You pity weaklings. I’ll come for your spirits). Rayden isə ona cavab verir: Mən belə düşünmürəm (ingiliscə: I don’t thing so). Qəhrəmanlar yeni döyüşə hazırdırlar. Onlar döyüş vəziyyətində dayanırlar...

Personajlar

• Liu Kenq – əvvəllər Kunq Lao monastırlığında şagird olmuş, sonradan Amerikaya köçmüşdür. Qardaşının ölüm xəbərini eşidəndə yenidən bu monastırlığa qayıdır. Qardaşının qisası almaq üçün izn istəyir. Lakin rahiblər ona icazə vermirlər. Bu zaman Lui Kenq monastırlığı tərk edir və "Ölümcül döyüş" turnirinə qatılır.
• Conni Keyc – döyüş filmlərinə çəkilən aktyordur.Çox şöhrətpərəst olur. Şanq Tsunq onun üçün bir hiyləgər plan qurur və Conni Keyci və "Ölümcül döyüş" turnirinə dəvət edir. Conni Keyc bu turnirə qatılır.
• Sonya Bleyd – dostunun Kano tərəfindən öldürüləndən sonra Kanonun izinə düşür. Kano Şanq Tsunqun sadiq qullarından biri olur. Şanq Tsunq Kano ilə birgə Sonya Bleyd üçün hiyləgər bir plan qurur və Sonya Bleyd bu yarışmaya qatılır.
• Lord Rayden – ildırım allahı olur. Liu Kenq hazırlıqsız vəziyyətdə "Ölümcül döyüş" turnirinə qatılmasından sonra Liu Kenqə və onun dostlarına kömək edir.
• Şanq Tsunq – Şao Kannın əlaltısıdır. Mğlub edənlərin ruhlarını soraraq onların gücün özünə qazandırır.
• Şao Kann – Yeraltı Qara qüvvələrin İmperatorudur.
• Qoro – Kunq Laodan sonra bütün turnirlərdə qalib çıxan məğlubedilməz döyüşçüdür.
• Skorpion – ruh döyüşçüdür. Şanq Tsunqun quludur.
• Sab-Zero – buzlu döyüşçüdür. Şanq Tsunqun quludur.
• Reptayl – sürünənlər dəstəsinə mənsub olan Şanq Tsunqun quludur.
• Kano – soyuqqanlı monyak qatildir.

Film heyəti

Rollarda

Robin Şu – Liu Kenq Linden Eşbi – Conni Keyc Keri-Hiroyuki Taqava – Şanq Tsunq Bricitt Uilson – Sonya Bleyd Talisa Soto – Kitana Kristofer Lambert – Lord Rayden Trevor Qoddard – Kano Kris Kasamasa – Skorpion Fransua Petit – Sab-Zero Keyt H. Kuk – Reptayl Qreqori Mak Kaynney – Cek Stiven Ho – Çen Kenq (Lui Kenqin qardaşı) Kevin Maykl Riçardson – Qoro Kevin Uelker – Şao Kan Frenk Uolker - Qoro personajının səsini çıxaran

Rollarda

Robin Şu

Kristofer Lambert

Keri-Hiroyuki Taqava

Kevin Maykl Riçardson

Stiven Hu

Film üzərində işləyənlər

Rejissor: Pol Anderson Ssenarist: Kevin Druni Prodüser: Lourens Kazanoff İcraedici prodüser: Bob Engelman, Denni Simon Quruluşçu prodüser: Alison Savitch Operator: Con R. Leonetti Montaj: Martin Hunter Rəssamçı: Conatan Karlson Kostyum rəssamçısı: Ha Nguyen Musiqi: Corc S. Klinton Filmin yaradıcısı: Pol Anderson

Maraqlı faktlar

1. "Ölümcül döyüş" filminə Brüs Linin oğlu Brendon Lini də çəkmək istəyirdilər.Lakin Brendon Li "Qarğa" filmində açılan atəşdən vəfat edir.
2. Sonya Bleyd roluna aktrisa Kameron Diazı dəvət edirlər.Lakin Kameron Diazın film səhnəsində ayağı burxulur və filmdən imtina edir.
3. "Ölümcül döyüş" filminə Jan-Klod Van Dammı dəvət edirlər.Lakin Van Damm bu filmdən imtina edərək Küçə döyüşçüsü filminə çəkilir.
4. Linden Eşbi (Conni Keyc) və Kristofer Lambert (Lord Rayden) bu film zamanı gizli reklamlara çəkildikləri üçün "Ölümcül döyüş" filmi çəkildikdən sonra "Ölümcül döyüş 2"’ filminin rollarından qovlanılmışdılar.
5. "Ölümcül döyüş" əsərində Şanq Tsunq ölmür.
6. "Ölümcül döyüş" əsərində Sab-Zero ilə Skorpion düşmən olurlar. Skorpion həmişə Reptayl qardaşını Sab-Zerodan qoruyur.
7. Filmdə olan bütün hərəkətləri aktyorlar özləri edirlər.
8. Filmdə Sab–Zero (Fransua Petit) və Lui Kang (Robin Şu) vuruşmasında Robin Şu qabırğası sınır.Buna baxmayaraq o, çəkilişi davam etdirir.
9. "Ölümcül döyüş" əsərində Sonya Bleyd Kanonu öldürmür.
10. "Ölümcül döyüş" əsərində filmin baş qəhrəmanlarından biri Conni Keyc personajı yoxdur.

Saundtrek

"Ölümcül döyüş"
Albom haqqında
Çıxış tarixi	15 Avqust 1995
Hazırlanma tarixi	1995
Tərz	İndustrial Rok
Vaxt	68:28
Ölkə	ABŞ
Firma	TVT

Filmin musiqisi Corc S. Klintona məxsusdur. Filmin başlanğıc mahnısının müəllifləri Praqah Xan və Oliver Adamsdır. Mahnı "Hərəkət filminin yazıçılar mahnısı" mükafata layiq görülmüşdür. Həmin mahnı ABŞ-ın Billboard 200 hit paradında 10 gün #10-cu pillədə qalmışdır. 15 Avqust 1995-ci ildə filmin saundtreklər albomu çışmışdır. Aşağıdakı cədvəldə filmin saundtrekləri verilmişdir:

Track listing
№	Adı	Artist	Müddəti
1.	«A Taste of Things to Come»	Corc S. Klinton	0:48
2.	«Goodbye (Demo)»	Gravity Kills	3:11
3.	«Juke-Joint Jezebel»	KMFDM	5:16
4.	«Unlearn (Josh Wink 's Live Mix)»	Psykosonik	4:50
5.	«Control (Juno Reactor Instrumental)»	Treysi Lordz	6:26
6.	«Halcyon + On + On»	Orbital	9:24
7.	«Utah Saints Take on The Theme from Mortal Kombat»	Utah Saints	3:00
8.	«The Invisible»	GZR	3:43
9.	«Zero Signal»	Fear Factory	5:57
10.	«Burn»	Sister Machine Gun	4:45
11.	«Blood & Fire (Out of the Ashes Mix)»	Type O Negative	4:28
12.	«I Reject»	Bile	2:47
13.	«Twist the Knife (Slowly)»	Napalm Death	2:51
14.	«What U See/We All Bleed Red»	Mutha's Day Out	4:10
15.	«Mortal Kombat (Techno-Syndrome 7" Mix)»	The Immortals	3:24
16.	«Goro Vs. Art»	Corc S. Klinton feat. Buckethead	2:59
17.	«Demon Warriors/Final Kombat»	Corc S. Klinton	3:49

Filmin davamı

Filmin davamı 1997-ci ildə çəkilmişdir. Filmin məzmunu əvvəlki məzmunu davam etdirsə də, nisbətən fərqlənir. Filmdə əvvəlki filmdən Robin Şu və Talisa Soto iştirak edir. Qalan personajlar isə dəyişdirilmişdir. Filmin qısa məzmunu aşağıdakı kimidir.

Məzmun

Ölümcül döyüşün sonuncu turnirindən sonra Qara qüvvələr artıq Yer kürəsinə daxil olmuşdur. Şao Kann müqəddəs qanunları pozaraq Yer kürəsini ələ keçirmək istəyir. Qara qüvvələr Sindeli öz tərəflərinə çəkib, onu özlərinə kraliça seçmişdilər. Filmin baş qəhrəmanları bu mübarizə iştirak etməlidilər. Bunun üçün onlar çox çətn sınaqlardan keçməlidirlər.

Filmin sonunda Lui Kenq, Sonya, Kitana, Cek Şao Kann və onun müttəfiqlərinə qalib gələrək, Yer kürəsini Qara qüvvələrdən xilas edirlər.Bundan sonra Sindel artıq yaxşı halına qayıdaraq, qızı Kitana ilə birləşir. Reyden onları həmişə birgə mübarizə etməyə çağırır.

Mortal Kombat

Mortal Kombat (azərb. Ölümcül döyüş, qısa variantı-MK) – Action (ing. Hərəkətli) janrında olan oyunlardan biridir. Midway kompaniyası tərəfindən yaradılmışdır. Hal-hazırda bu kompaniya Warner Brothers tərəfindən alınmışdır. Yeni kompaniya Mortal Kombat oyununun müxtəlif seriyalarıını yaradaraq məşhurluq qazanmışdır.

Mortal Kombat oyunu rəngarəng janrları ilə seçilir.Janrlarında qəddarlıq müşahidə olunur. Bu da Entertainment Software Rating Board orqanizasiyasının yaranmasına səbəb olmuşdur.Bu orqanizasiya müxtəlif oyunlarda müşahidə edilən qəddar janrları ilə məşğul olur. Mortal Kombatın ilk seriyalarında spraytlardan (kompyuter qrafiki) istifadə edilmişdir.

Mortal Kombat seriyasının birinci hissəsi Midway oyun kompaniyası tərəfindən 1992-ci ildə yaradılmışdır. Birinci hissənin məzmunu aşağıdakı kimidir.

Məzmun

Oyunun məzmunu nisbətən fərqlidir. Məzmuna görə Şao Kannın Edeniya-nı müvəffəqiyyətsiz ələ keçərmə planlarından sonra gözünü Earthreal-mə çevirir. Şao Kann , Mortal Kombat Turnirlərini tənzimləməsi üçün Şanq Tsunqu göndərir. Bunu başa düşən Rayden Earthrealmı qorumaq və Şao Kannın planlarını maneə törətmək üçün ən yaxşı döyüşçüləri təşkil edir. Sonunda Liu Kenq Şanq Tsunqu turnirdə məğlub edir.Və uzun müddətlər boyunca Mortal Kombatın gərçək çempionu olar. Lakin Şanq Tsunqun yeni gizli silahdaşı olan Şokan Şahzadəsi olan Qoro davam edən 9 Turniri qazanır.

Bütün bu zqələbələrdən sonra Kuan Çi , Sab-Zeronu Antik Amuleti götürməsi üçün vəzifələndirər. Lakin Amulet daha da artıq xüsusi güclərə malikdir. Bunu bilməyən Sab-Zero Amuleti külək, torpaq, Atəş və Su Tanrılarını böyük bir qabiliyyətlə məğlub edərək, Amuletə götürür. Sab-Zero Kuan Çiyə , Kuan Çi də Şinnoka Amuleti təslim edir. Hər şeyi öyrənən Rayden Amuletin gizli gücünü bilməkdədir və Sab-Zero-nu etdiyi səhv qarşısında xəbərdar edir. Sab-Zero həm Kuan Çini , həm də Şinnoku məğlub edərək, Amuleti geri götürür. Beləcə barış təkrar Sab-Zero sayəsində gəlmiş olur.

2 İl aradan keçdikdən sonra Earthrealmı qorumaq və 10 Turnirə qatılmaq istəyən yeni döyüşçülər çıxır . Lui Kenq , Sonya Blyd və Conni Keyc turnirə qatılırlar. Əlavə olaraq ailəsi və klanı öldürülən nindza-kabus olan Skorpion ilə Amuleti təkrar əmin əllərə təslim edən Sab-Zero da qatılmışdır. Raydenin köməkləri ilə Lui Kenq Şanq Tsunqu Turnirdə məğlub edir. Beləcə, Earthrealm qısa bir müddətə azadlığına qovuşmuş olur.

Həmçinin bax

• Ölümcül döyüş 2: Məhv etmək
• Mortal Kombat

Ədəbiyyat

• Bignell, Darren. In: "Empire" (UK), June 1999, Pg. 150, (MG)
• Delorme, Gerard. In: "Première" (France), November 1995, Pg. 24, (MG)
• Sala, Ángel. In: "Imágenes" (Spain), January 1996, Pg. 119, (MG)
• Schifferle, Hans. "Mortal Kombat". In: "epd Film" (Germany), Vol. 13, Iss. 1, 1 January 1996, Pg. 48
• Von Uthmann, Nick. In: "cinema", Hamburg, 21.12.1995, (MG)
• Delrio, Martin. "Mortal Kombat (Novelization of the screenplay by Kevin Droney)". (New York, New York), Tor Books, Tom Doherty Associates, Inc., Vol. 1, 1 July 1995, Pg. 216, (BK), 0812544528

Xarici keçidlər

Film

• Sayt Threshold Entertainment(ing.)
• «Ölümcül döyüş» - Internet Movie Database səhifəsi
• Mortal Kombat Movie MK Universe
• Ölümcül döyüş (rusca) Youtube.com saytında (rus.)
• Mortal Kombat RottenTomatoes.com saytında (ing.)
• Mortal kombat Allmovie saytında
• Ölümcül döyüş Kinopoisk.ru saytında (rus.)

Oyunlar

• Edd Bunun Saytı
• Mortal Kombat Viki
• MK Viki
• MK personajlar

Filmin davam;

• Ölümcül döyüş 2: Məhv etmək - Internet Movie Database səhifəsi
• Ölümcül döyüş 2: Məhv etmək at Metacritic
• Jabootu's Bad Movie Dimension