Başqaları (film, 2001)

Vikipediya, açıq ensiklopediya
(Özgələr (film, 2001) səhifəsindən istiqamətləndirilmişdir)
Keçid et: naviqasiya, axtar
Özgələr
The Others
The-others-poster.jpg
Orijinal ad: ing. Practical Magic
Rejissor: Alexandro Amenabar
Ssenari müəllifi: Alexandro Amenabar
Operator: Xavyer Agirresarobe
Bəstəkar: Alexandro Amenabar
Harri Uorren
Rollarda: Nikol Kidman
Kristofer Ekklston
Fionnula Flenaqan
Erik Sayks
Janr: Mistika
dram janrı
triller
Dil: İngiliscə
Ölkə: Flag of the United States.svg ABŞ
Flag of Spain.svg İspaniya
Flag of France.svg Fransa
Flag of Italy.svg İtaliya
İstehsalçı qurum: Miramax Films
Canal+
Canal+ España
Cruise/Wagner Productions
Dimension Films
Las Producciones del Escorpion S.L.
Lucky Red
SOGECINE
Filmin növü: Bədii film
Rəng: rəngli
Vaxt: 101 dəq.
İl: 2001
Büdcəsi: 17 mln $
IMDb səhifəsi

"Özgələr" (ing. The Others) — Alexadro Amenabarın mistik triller janrında, Nikol Kidmanın baş rolda çəkildiyi film. 2001-ci ildə ekranizasiya olmuşdur. ABŞ-da film büdcəsi $96 522 687 topladı, bütün dünyada $113 424 350, bu ümumilikdə $209 947 037 topladı.[1]

Filmin sloqanları[redaktə]

  • «Sooner or later she’ll see them, then everything will be different.» («Gec-tez o Onları görəcək… Və o zaman hər şey dəyişiləcək.»)
  • «Sooner Or Later They Will Find You.» («Gec-tez, Onlar səni tapacaq…»)
  • «No door is to be opened before the previous one is closed!» («Heç bir qapı, ondan əvvəlki qapının bağlanılmasına qədər açıla bilməz!»)
  • «How do you keep them out, when they’ve already invited themselves in?» («Siz burada artıq burada olanları necə qova bilərsiniz?»)
  • «Do you believe in ghosts? She didn’t…» («Siz kabuslara inanırsınızmı? O da inanmırdı…»)
  • «Close Every Door, Turn Off Every Light, And Look For The Others…» («Bütün qapıları bağla! Hər bir yerdə işıqları söndür! Və Digərlərini ara…»)

Süjet[redaktə]

Cersi, Normand adaları, 1945-ci il. Birdən birə bütün xadimələrin itdiyi malikanəyə yeniləri gəlir. Bu, Berta Mills adlı dayə, lal xadimə Lidiya və bağban Edmund Tatldır. Onlar əvvəllər burada işlədiklərini deyirlər və sevinclə onlar üçün əziz və doğma olan bu evə gəlməyə razıdırlar. Qreys (Nikol Kidman) onları evin sərt qaydaları ilə tanış edir: heç bir qapı ondan əvvəlkini bağlamayana gədər açlmamalıdır; evdə heç bir səs-küy və pianoda oyunlar olmamalıdır, sahibənin uşaqları Nikolas və Enn işığa olan nadir allergiya ilə əziyyət çəkirlər, bunun üçün də onların oturduqları otaqlarda həmişə qalın pərdələr olmalıdır.

Uşaqların tərbiyəsi və təhsili ilə Qreys özü məşğuldur. O sərt və dindardır. Buna görə də bütün kafir sualları Qreys sərt formada qəbul etmir. Enn - xəyalpərəstdir, onun kiçik qardaşından fərqli olaraq. Ona görə də o bildirir ki, yataq otağında Viktor adlı oğlanı və "digərlərini" görüb, amma ona heç kim inanmır. Ancaq nəsə gəribə bir şeyi Qreys də hiss edir; o ayaq səslərini, uşaq ağlamağını və digər səsləri eşidir, onun bağladığı qapıları və pərdələri kimsə yenidən açır... Qreys evdə "ölülər kitabını" aşkar eləyir - fotoalbom, içərisində isə ölümzamanı çəkilmiş şəkillər. O zamanlar ölülərin qohumları sevdiklərinin ruhlarını şəkillərdə saxlamağa ümid edirdilər. Qreys albomu yandırmağı Bertadan xahiş edir.

Getdikcə Qreys şübhələnir ki, evdə kabuslar var. O müqəddəs atanın yanına gedir, amma yolda güclü dumana görə o itir. Birdən duman içərisindən o öz ərini görür. Ərini 2 ildən artıq müddətdə müharibədə itkin düşmüş hesab edirdilər. Qreys çox sevinir, onu evə aparır. Onlar sevgi ilə məşğul olmağa imkan tapırlar, amma bundan sonra əri özünü ötkün kimi aparır, səhəri isə çıxıb gedir.

Nikolas və Enn atasının axtarışına çıxırlar və bu zaman bağda yeni xadimələrin adları yazılmış qəbir daşları tapırlar. Elə bu vaxt Qreys onların ölümzamanı çəkilmiş şəkillərini tapır. Qreys artıq hər şeyi anlayır: yeni xadimələr doğrudan da burada yaşayıblar və 50 il bundan əvvəl ölüblər. Berta Mills qapının dalında duraraq Qreysə başa salır ki, digər kabuslar bu evdə çox öncələrdən bəri yaşayıblar, buna görə hər şeyi necə var elə də qəbul etmək lazımdır.

Birdən Qreys qızının yuxarıda kiminləsə danışdığını eşidir. Yuxarı qalxaraq o tanımadığı insanların spiritik seans etməyinin şahidi olur. Onlar soruşurlar ki, uşaqların anası ilə nə baş verib. Enn cavab verir ki, onların anası dəli olub və "o vaxt" yastıqla onları boğurdu. Masanın bir tərəfində əyləşən qoca kor qadın Ennin dediklərini yazır və sonra "əgər siz ölmüsüzsə, niyə buradasınız" - deyə soruşur. Uşaqlar dəhşət içərisində qışqırırlar ki onlar ölməyiblər, Qreys də qışqıraraq onların ölmədiklərini deyir. Qoca qadın bunların hamısını yazır. Masa ətrafında oturanlar deyirlər ki, kontakta həm ana, həm də onun uşaqları daxil olublar. Onlar masanın tərpənməsini, göydə kağızların parça-parça olmasını görürlər. Amma Qreysin özü və onun uşaqları görünməzdir. Seansdan sonra, masa ətrafında əyləşən ər və arvad - öz uşaqlarını və özünü öldürən kabus qadının yaşadığı bu evi tərk etməyə qərar verirlər; axı məhz bu kabuslara görə onların oğlu Viktor gecələr yata bilmir, qorxur. Evdə isə bəzi-bəzi hadisələr baş verir.

Qreys uşaqları ilə yerdə oturaraq onları necə boğduğu, özünü isə güllələdiyi haqda düşünür. Özünüqəsdən sonra uşaqların oynadıqlarını eşidən Qreys elə hesab edir ki, Tanrı ona ikinci şans verib. Uşaqlar cənnətin və limpin harada olduqlarını soruşurlar, amma nə onlar, nə də ana bu haqda bilmirlər. Berta Mills bütün bu hadisələrlə barışmağı və yaşamağa davam etməyi onlara başa salır. Çünki Lidiya kimi ömrünün sonuna kimi lal qalmaq olar...

Rollarda[redaktə]

İnstrumental musiqi[redaktə]

Filmin musiqisini rejissor və ssenarist, Alexandro Amenabar bəstələmişdi. Disk satışa 7 avqust 2001-ci ildə Sony leyblı altında buraxılmışdı . İfaçı — London Session Orchestra.

  1. The Others (2:24)
  2. Wakey Wakey (1:44)
  3. Old Times (3:25)
  4. They Are Everywhere (2:35)
  5. Reunion (1:07)
  6. Changes (1:37)
  7. I Do Believe It (3:15)
  8. Charles (1:46)
  9. Communion Dress (1:21)
  10. No Curtains (2:48)
  11. Give Me The Keys! (1:32)
  12. The Attic (1:47)
  13. Sheets And Chains (5:49)
  14. A Good Mother (5:42)
  15. End Credits (4:10)

Premiyalar[redaktə]

Mükafatlar[redaktə]

Nominasiyalar[redaktə]

Texniki məlumat[redaktə]

  • Şəkil formatı: 1.78 : 1
  • Kamera: Panavision Cameras and Lenses
  • Kopiya formatı: 35 mm
  • Çəkiliş formatı: 35 mm (Kodak)

İstinadlar[redaktə]

  1. Информация о кассовых сборах фильма на kinopoisk.ru

Xarici keçidlər[redaktə]