Ümümdünya Əqli Mülkiyyət Təşkilatı

Vikipediya, açıq ensiklopediya
Keçid et: naviqasiya, axtar
Ümümdünya Əqli Mülkiyyət Təşkilatı
ing. World Intellectual Property Organization
ÜƏMT
Cenevrədə ÜƏMT-nin qərargahı
Növü İxtisaslaşdırılmış Agentlik
Yaranma tarixi 14 iyul 1967
Mərkəzi Cenevrə, İsveçrə
Üzvləri 187 dövlət
Rəsmi saytı www.wipo.int

Ümümdünya Əqli Mülkiyyət Təşkilatı(ing. World Intellectual Property Organization)— BMT-nin ixtisaslaşdırılmış hökumətlərarası beynəlxalq təşkilatı. Stokholm konvensiyasına uyğun olaraq yaradılmışdır və Cenevrə şəhərində yerləşir. ÜƏMT-nin hazırkı Baş Direktoru 2008-ci il oktyabrın 1-də vəzifəsinin icrasına başlamış Frensis Harridir.[1] Üzv dövlətlərin sayı 187-dir.[2] Azərbaycan da bu təşkilatın üzvüdür. Əqli mülkiyyət sənaye mülkiyyətinə və ədəbi, musiqi, bədii, fotoqrafiya, kinematoqrafiya və audiovizual əsərlərə olan hüquqdur.

ÜƏMT-nin rəsmi məqsədi iştirakçı ölkələrin yaratdığı ittifaqlar arasında inzibati qarşılıqlı fəaliyyət və dövlətlər arasında əməkdaşlıq yolu ilə əqli mülkiyyətin mühafizəsinə yardım göstərməkdir. ÜƏMT yeni beynəlxalq müqavilələrin bağlanmasına, milli qanunvericiliyin təkmilləşməsinə təsir göstərir, texniki və hüquqi yardım göstərir, elmi tədqiqatların nəticələrini və seminarların mətnlərini dərc etdirir.

Rəhbər orqanları Baş assambleya (məclis), əlaqələndirm üzrə komitə, konfrans, sənaye mülkiyyətinə dair informasiya üzrə daimi komitə və beynəlxalq bürodur. Baş assambleya təşkilatın siyasətinin müzakirə olunması, büdcəsinin təsdiq edilməsi və 6 il müddətinə baş direktorun seçilməsi üçün ildə iki dəfə toplanır. Beynəlxalq büro ÜƏMT-i katibliyidir, ona baş direktor rəhbərlik edir, beynəlxalq qeydiyyat xidmətlərinin işinə rəhbərliyi həyata keçirir.

İstinadlar[redaktə]

Xarici keçidlər[redaktə]