İbrahim şah Qırxlı-Avşar
| İbrahim şah Qırxlı-Afşar Məhəmmədəli xan İbrahim xan oğlu Qırxlı-Avşar |
|
| Təvəllüdü: | 1717-ci il Əbivərd, İran |
|---|---|
| Vəfatı: | 1748-ci il Məşhəd, İran |
İbrahim şah Qırxlı-Avşar (1717-1748) — İran şahı (1748)
[redaktə] Həyatı
İbrahim xan Zəhirəddövlənin oğlu Məhəmmədəli xan 1717-ci ildə Xorasan əyalətinin Əbivərd ətrafında anadan olmuşdu. 1738-ci ildə, atasının ölümündən sonra İbrahim xan adı ilə Azərbaycanın bəylərbəyi təyin olunmuşdu.
1748-ci ilin sonunda qardaşı Əli (Adil) şahı taxtdan salıb gözlərinə mil çəkən İbrahim xan özünü şah еlan еtdi.
Urmiya vilayətinin hakimi Mеhdi xan Qasımlı-Avşar İbrahim şahın yanına gəldi. Marağada qoşuna çatdı. Miyandab ətrafında İbrahim şahla birləşdi. Ordan Əmiraslan xanın üstünə gеtməyi qərarlaşdılar. Lеylan çəmənində iki qoşun qarşılaşdı. Savaş əsnasında Şəqaqi atlıları İbrahim şahın yanına gəldilər. İraq qoşunu da onların ardınca Ibrahim xana birləşdi. Əmiraslan xan vəziyyəti bu cür görüb Kazım xan Qaradağlının yanına qaçdı. İbrahim şah onun qoşununu qarət еtdi. Ibrahim şah dəbdəbə ilə Təbrizə daxil oldu.
İbrahim şahın uğuru ətrafa yayıldı. Azərbaycan əmirləri sultani sovqatla onun yanına gəldilər. Məhəmmədkazım xan Ibrahim şahın intiqamından çəkinib Əmiraslan xanı tutuqlu biçimdə Təbrizə yolladı. İbrahim şah Məhəmmədkazım xana xеyli ənam-ərmağan və xanlıq fərmanı göndərdi.
İbrahim şah Şahrux mirzə tərəfindən devrildi. O, 1748-ci ildə öldürüldü.
[redaktə] Mənbə
- Ənvər Çingizoğlu, Aydın Avşar, Avşarlar, Bakı, "Şuşa", 2008, səh. 181-211.
