İlham Qəhrəman
| İLHAM QƏHRƏMAN | |
| İlham Umud oğlu Qəhrəmanov | |
 |
|
| Doğum tarixi: | 1959-cu il |
|---|---|
| Doğum yeri: | Sus, Laçın rayonu, Azərbaycan Respublikası |
| Atası: | Umud Qəhrəmanov |
| Fəaliyyəti: | şair-publisist |
Qəhrəmanov İlham Umud oğlu — Tanınmış şair-publisist.
Mündəricat |
[redaktə] Həyatı
İlham Umud oğlu Qəhrəmanov 1959-cu ildə Azərbaycan Respublikasının Laçın rayonunun Sus kəndində anadan olmuşdur. İbtidai və orta təhsilini Laçında alıb.
1983-cü ildə Bakı maliyə-kredit texnikumunu bitirib və mühasib ixtisasına yiyələnib.
[redaktə] Yaradıcılığı
Çağdaş şerimizin sayılıb-seçilən nümayəndələrindən olan və lirik şair kimi tanınan İlhamın "Gülüm yarpıza döndü"(1999), "Ağlama ququşu" (2002), "Ey dil" (2006), "Laçın folkloru" (2009) kimi şeir kitabları Bakıda, "Əsir dağlar" (2009) şeir kitabı isə Tehranda işıq üzü görüb.
Onun 2004-cü ildə Bakıda yayımlanan "İlham qapısı" kitabında isə müxtəlif illərdə fərqli sənət sahəsinin təmsilçiləri – şairlər, yazıçılar, rəssamlar, tənqidçilər, bəstəkarlar, jurnalistlərlə etdiyi söhbətlər toplanmışdır.
İlham Qəhrəman çoxəsirlik folklor ənənələriylə sıx bağlılıq, canlı xalq danışıq dili elementlərindən yaradıcı bəhrələnmə, orijinal bədii təsvir və ifadə vasitələri İlhamın ictimai-siyasi mövzulu, yurd həsrətli, məhəbbət duyğulu şeirlərinin yadda qalan özəllikləridir.
O, çağdaş şeirimizdə istər siyasi, istərsə də sevgi lirikasının ən maraqlı nümunələrinin müəllifi kimi tanınır.
[redaktə] Kitabları
- "Gülüm yarpıza döndü"(1999),
- "Ağlama ququşu" (2002),
- "İlham qapısı" 2004
- "Ey dil" (2006),
- "Laçın folkloru" Bakı, Adiloğlu, (2009), 236 səh.
- "Əsir dağlar" (2009), Tehran.
