İlqar Quliyev (baş leytenant)

İlqar Quliyev
İlqar Əbdülhəmid oğlu Quliyev
Şəxsi məlumatlar
Doğum tarixi	28 dekabr 1960
Doğum yeri	Kürdəxanı, Bakı, Azərbaycan SSR
Vəfat tarixi	25 yanvar 1994(1994-01-25) (33 yaşında)
Vəfat yeri	Kürdmahmudlu, Füzuli rayonu, Azərbaycan
Vəfat səbəbi	Şəhid
Milliyyəti	azərbaycanlı

İlqar Quliyev (28 dekabr 1960, Kürdəxanı – 25 yanvar 1994, Kürdmahmudlu, İmişli rayonu) - Azərbaycan Silahlı Qüvvələrinin baş leytenantı, şəhid olmuşdur.

Həyatı

İlqar Quliyev Əbdülhəmid oğlu 1960-cı il dekabrın 28-də Bakının Kürdəxanı qəsəbəsində anadan olmuşdur. Qəsəbədəki 113 saylı orta məktəbi bitirmişdir.

İlqar Füzuli rayonun N saylı hərbi hissəsində təcrübəli mütəxəssis kimi xidmək edərək and içmişdir ki,doğma vətəni göz bəbəyi kimi qoruyacaq, yağı düşmənin torpaqlarımızdan qovulmasında fəal iştirak edəcək. Amma tale onun ömrünün 34-cü baharında boya-başa çatdığı doğma torpağa şəhid kimi əbədi qonaq gətirdi.

Quliyev İlqar 1978-ci ildə orta məktəbi bitirdikdən sonra, Azərbaycan Neft və Kimya İnstitutunun axşam şöbəsinə daxil olmuşdur.1985-ci ildə ali təhsilini başa vurandan sonra, Bakı elektrik ştampları sınaq təcrübə zavodunda işləməyə başlamışdır. 1992-ci ildə Müdafiə Nazirliyi tərəfindən Bakı hərbi məktəbinə çağırılmışdır.Yüksək hərbi biliyə malik olduğuna görə Müdafiə Nazirliyi tərəfindən Füzuli bölgəsindəki N –hərbi hissəsinin rəisi təyin olunmuşdur. Füzuli rayonunun Alxanlı,Kürdmahmudlu,Qaraxanlıya qədər bütün ərazisini minadan təmizləmişdir.Son günlər İlqar öz həyatını təhlükə qarşısına ataraq gündə 100-120 mina zərərləşdirməklə yüzlərlə insan həyatını ölümdən xilas etdi, özü isə 1994-cü il yanvarın 25-də qəhrəmancasına həlak oldu.

Ondan yadigar gözüyaşlı həyat yoldaşı,körpə oğlu Vüqar və birdə hələ həyata gəlməmiş,ata nəvazişindən məhrum olan körpəsi qaldı.O,Kürdəxanı qəsəbəsindəki qəbiristanlıqda dəfn edilmişdir. 1994-cü il avqustun 1-də Azərbaycan Respublikası Prezidentinin fərmanı ilə,İlqar Quliyev ölümündən sonra,Azərbaycan Bayrağı ordeni ilə təltif olunmuşdur.