İmmiqrant (film, 1917)

Vikipediya, açıq ensiklopediya
Keçid et: naviqasiya, axtar
İmmiqrant
İmmiqrant (film, 1917).jpg
Orijinal ad: ing. The Immigrant
Rejissor: Çarli Çaplin
Operator: Roland Totero
Rollarda: Çarli Çaplin
Edna Pörviens
Janr: Komediya
İlk baxış tarixi: 17 iyun 1917
Dil: səssiz
Ölkə: Flag of the United States.svg ABŞ
İstehsalçı qurum: Mutual Film Corporation
Filmin növü: bədii film
Rəng: ağ-qara
Vaxt: 20 dəqiqə
İl: 1917
IMDb səhifəsi

"İmmiqrant" (ing. The Immigrant) — rejissor Çarli Çaplinin filmi.

Məzmun[redaktə]

Edna və onun anası immiqrant kimi paroxodla Nyu-Yorka gəlirlər. Çarli və Edna nahar zamanı tanış olurlar.

Çarli gəmi sərnişinləri ilə kart oyunu oynayır və qalib gəlir. Oyunçulardan biri Ednanın xəstə anasının pullarını oğurlayır. Sonra isə bu pulları Çarliyə uduzur. Edna hamıya bildirir ki, onların pulları oğurlanıb. Çarli qazandığı bütün pulları ona verir.

Gəmi Nyu-Yorka gəlib çatır. Mühacirət idarəsi sərnişinlərin sənədlərini yoxlamağa başlayırlar. Bir qədər keçdikdən sonra Çarli şəhərin küçələrilə avara-avara gəzdiyi göstərilir. O, acdır, yemək istəyir, lakin bunun üçün pulu yoxdur. Təsadüfən restoranın qabağında yerdən qəpik tapan Çarli onu cibinə qoyur və restorana daxil olur. Hətta onun xəbəri belə yoxdur ki, cibində deşik var və qəpik küçədə qalıb.

O, restoranda yemək sifariş verərkən Ednanı görür. Qadın ağlayaraq anasının vəfat etdiyini deyir. Çarli onu öz masasına dəvət edir və ona da paxla sifariş verir. Onlarınsa heç birinin pulu yoxdur.

5 ofisiant yemək yeyib pulunu verməyən müştərinin üstünə düşüb onu döyürlər. Yekəpər ofisiant onu sifətindən vurur və restorandan çölə atır.

Elə bu zaman xoşbəxtlikdən Çarli və Ednanın masasına bir rəssam əyləşir. Rəssam onlara iş vermək istəyir. Rəssam bu iş təklifindən sonra öz sifarişinin pulunu verir və Çarli ilə Edna üçün də müəyyən qədər pul qoyub gedir. Bu məbləğ Çarlinin öz sifarişinin pulunu ödəməyə bəs edir.

Filmin sonunda onlar nikah bağlamağa gedirlər.

Film haqqında[redaktə]

  • Film 1998-ci ildə Milli filmlər reyestrinə daxil edilmişdir.

Filmin heyəti[redaktə]

Filmin üzərində işləyənlər[redaktə]

Ssenari müəllifləri: Çarli Çaplin, Vinsent Brayan, Meverik Terrell
Rejissor: Çarli Çaplin
Operator: Roland Totero
Prodüser: Con Cesper

Rollarda[redaktə]

Çarli Çaplin – immiqrant
Edna Pörviens – immiqrant qız
Erik Kempbell – baş ofisiant
Albert Ostin – müştəri
Henri Berqman – rəssam