İnqilab Əhmədov

Vikipediya, azad ensiklopediya
Naviqasiyaya keçin Axtarışa keçin
İnqilab Əhmədov
İnqilab Ağacan oğlu Əhmədov
Doğum tarixi 23 oktyabr 1960(1960-10-23) (63 yaş)
Doğum yeri

Əhmədov İnqilab Ağacan oğlu (23 oktyabr 1960, Lənkəran) — professor, Trend analitik informasiya agentliyinin baş direktoru (1995–2004), Xəzər Universitetinin İqtisadiyyat və menecment fakültəsinin dekanı, Avrasiya Hasilat Sənayesi Bilik Mərkəzinin direktoru

Həyatı[redaktə | mənbəni redaktə et]

Əhmədov İnqilab 1960-cı il oktyabrın 23-də Lənkəranda anadan olmuşdur. 1982–1987-ci illərdə Sankt-Peterburq Dövlət Universitetinin İqtisadiyyat fakültəsində təhsil almışdır. 1987–1990-cı illərdə Sankt-Peterburq Dövlət Universitetinin aspirantura pilləsini tamamlamışdır. 2000-ci ildə Sankt–Peterburq Dövlət İqtisadiyyat və Maliyyə Universitetində iqtisad elmləri doktoru elmi dərəcəsini almışdır. 2008-ci ildə "Chevening" təqaüd proqramı nəzdində İngiltərənin Reading Universitetində "Enerji Iqtisadiyyatı" kursunu keçmişdir.

1991-ci ildə Azərbaycan Dövlət Neft Akademiyasında müəllim vəzifəsində çalışmışdır. 1993-cü ildə Beynəlxalq Strateji Araşdırmalar Mərkəzində elmi işçi vəzifəsində çalışmağa başlamışdır. 1997–1999-cu illərdə İqtisadiyyat Nazirliyində nazir məsləhətçisi olmuşdur. 1995–2004-cü illərdə "Trend" analitik informasiya agentliyinin baş direktoru , 2004–2010-cu illərdə İctimai Vəsaitin Monitorinqi Mərkəzində direktor vəzifəsində çalışmışdır. 2010-cu ildən Xəzər Universitəsində Avrasiya Hasilat Sənayesi Bilik Mərkəzinin direktorudur.

2010-cu il dekabrın 28-dən Xəzər Universitetinin İqtisadiyyat və menecment fakültəsinin dekanıdır.

Elmi fəaliyyəti[redaktə | mənbəni redaktə et]

10-dan çox kitabın və 50-dən çox elmi, analitik və publisistik məqalələrin müəllifidir.

İnqilab Əhmədovun elmi axtarışları neft – qaz gəlirlərinin iqtisadiyyata təsiri, resursla zəngin ölkələrin davamlı iqtisadi inkişafa nail olması problemlərinə həsr olunub.