İosafat Barbaro

Vikipediya, açıq ensiklopediya
Keçid et: naviqasiya, axtar

İosafat Barbaro (it. Giosafat Barbaro) ; (1413–1494) — Venesiya taciri, səyyahı və diplomatı.

Həyatı[redaktə]

Barbaro uşaq yaşlarında atasını itirir. 1434-cü ildə evlənir. 1436-cı ildə Venesiyanı tərk edərək Azov dənizi sahilindəki Venesiya koloniyası olan Tana şəhərinə ticarət məqsədilə gəlir və 1452-ci ilədək burada qalır. Tanada olduğu müddətdə Barbaro tatar dilini və şərq adətlərini öyrənir. Venesiyaya qayıtdıqdan sonra, o, 1460-1470-cil illərdə müxtəlif idarəetmə vəzifələrində çalışır. Osmanlı-Venesiya müharibəsinin başlamasıyla 1470-ci ildə Venesiyaya çağırılır və 1473-cü ildə Osmanlıya qarşı ittifaqa cəlb edilməsi üçün Ağqoyunlu hökmdarı Uzun Həsənin yanına səfarətin tərkibində diplomat olaraq göndərilir. Səfarətlə birlikdə Ağqoyunlu ordusu üçün çoxlu miqdarda odlu silah və barıt da göndərildi. Barbaro Kiprə çatanda Uzun Həsənin Ərzurum yaxınlığında osmanlılara məğlub olduğu xəbərini alır. Səfarət bundan sonra Qahirə-Adana-Urfa marşrutu üzrə hərəkət edir. Daha sonra Təbrizə getmək üçün dağlıq ərazidən keçərkən səfarət kürdlərin hücumuna məruz qalır. Barbaro yaralı olaraq xilas ola bilir və 14 aprel 1474-cü ildə Təbrizə çatır, hətta Uzun Həsəni Gürcüstan səfərində müşayiət edir. Lakin şahı Osmanlıya qarşı müharibəyə razı sala bilmir. 1477-ci ildə Venesiyaya qayıdır və "Tana və İrana səyahət" adlı xatirələrini yazır. İosafat Barbaro ömrünün sonuna kimi müxtəlif dövlət vəzifələrində çalışır.

İstinadlar[redaktə]

Həmçinin bax[redaktə]

Xarici keçidlər[redaktə]