İslamofobiya

Vikipediya, açıq ensiklopediya
Keçid et: naviqasiya, axtar

İslamofobiya — "İslam qorxusu" mənasını verən termin. Termin kimi islamdan və müsəlmanlardan qorxmanı, çəkinməni ifadə edir.

Termindən ilk dəfə 1991-ci ildə istifadə edilmiş, ABŞ-da 11 sentyabr 2011-ci ildə baş verən hadisələrdən sonra yenidən gündəmə gəlmişdir. Bu gün "islamofobiya" dedikdə həm islam qorxusu, həm də bu qorxudan doğan və bütün müsəlmanlara qarşı olan nifrət hissi nəzərdə tutulur.

İslamafobiyanın tarixi kökləri İspaniyada Əndəlusun ərəblər tərəfindən tutulduğu dövrə gedib çıxır. Səlib yürüşlərinə əsgər toplaya bilmək üçün kilsə xadimləri islamın xristianlığa qarşı olduğu və xristianlığı təhdid etdiyi təbliğatını aparmaqla islamafobiyanın yaranmasına zəmin yaratmışlar. İslam və xristianlıq arasında əlaqələr normallaşandan, dinlər arası dialoq qurulandan sonra islam qorxusu qərbdə tədricən azalmış və bir neçə əsr özünü demək olar ki, büruzə verməmişdir. Amma XX əsrin 90-cı illərindən başlayaraq islamafobiya yenidən gündəmə gəlmişdir. Buna təkan verən hadisələrdən biri Hantinqtonun məşhur "Mədəniyyətlərin qarşıdurması" məqaləsində islamı Qərb üçün potensial təhlükə mənbəyi kimi dəyərləndirməsi olmuşdur.

Xüsusilə 11 sentyabr 2001-ci ildə Nyu-Yorkdakı "Əkiz qüllələr"ə terror hücumundan sonra xristian dünyasında islamafobiya daha da artmışdır. Avropa ölkələrində işsizlik, əhalinin get-gedə yaşlanması, islam ölkələrinin əhalilərinin isə əksinə daha sürətlə artıb çoxalması Qərbdə islama və müsəlmanlara qarşı yaranan nifrətin əsas səbəblərindən biri olmuşdur. Bu nifrətin bəzi qüvvələr tərəfindən daha da alovlandırılması halları da mövcuddur. İslamı və müsəlmanları Avropa mədəniyyəti və materialist həyat tərzi üçün "potensial düşmən" kimi görən Qərb ziyalıları içərisindəki irqçi meyllər də XXI əsrin əvvəllərindən başlayaraq güclənmişdir.

Xarici keçidlər[redaktə]