İstifadəçi müzakirəsi:Vagobot

Xoş gəldiniz, Vagobot!

Salam, Vagobot, tamamilə könüllü istifadəçilərin səyləri ilə 281 dildə yaradılan Wikipedia ensiklopediyalarının Azərbaycan dilindəki versiyası — Vikipediyaya xoş gəlmisiniz!

Fəaliyyətə başlamazdan əvvəl aşağıdakı qaydalarla tanış olmağınız tövsiyə olunur:

• Mövcud məqalələri redaktə etmək və ya yeni məqalə yaratmaq üçün tərəddüd etməyin, cəsur olun, vikipediya hər kəs üçün azad məkandır.
• Vikipediyanın yazı üslubu sadədir. Məqalələrin informativ, ensiklopedik, tərəfsiz və qərəzsiz olmasına diqqət yetirin. Bir neçə cümləlik məqalələr yaratmaqdan çəkinməyin. Vikipediyada istifadəçilər bir-birlərinin başlatdığı məqalələri zamanla zənginləşdirirlər.
• Suallarınıza kömək səhifələrində cavab axtara bilərsiniz. Orada cavab tapmasanız müvafiq müzakirə səhifələrində soruşun.
• Başqa istifadəçilərdən kömək istəməkdən çəkinməyin, onların müzakirə səhifələrini redaktə edərək suallarınızı əlavə edin.
• Yeni yaratdığınız məqalələrin Azərbaycan dilində olmasına xüsusilə diqqət edin. Tərcümə proqramları vasitəsilə etdiyiniz tərcümələri Azərbaycan dilinin qaydalarına uyğunlaşdırdıqdan sonra məqalələrə yerləşdirin.

imzanı belə atmaq olar

• Ensiklopedik səhifələr və bunlara köməkçi səhifələrdə (məqalələr, kateqoriyalar, şablonlar və s.) imzanızı və adınızı yazmayın. Əksinə, müzakirə, səsvermə, sual-cavab və s. formada olan yazılarınızın sonuna ~~~~ (4 tilda) işarəsini əlavə edərək və ya alətlər lövhəsindəki müvafiq düyməni basaraq imzanızı atmağı unutmayın.
• Mövzu seçimində çətinlik çəkirsinizsə, bu məqalələr sizə kömək edəcək:
  • Vikipediya:Məqalə istə
  • Vikipediya:1000 məqalə
  • Tələbat olan səhifələr
• Məqalələri redaktə etməzdən öncə redaktə qaydaları ilə tanış olun.
• Yaratmaq istədiyiniz məqalənin adını aşağıdakı xanaya daxil edin və "Məqalə yarat" düyməsini basın.

---

Vikipediya istifadəçiləri ensiklopedik şəxs deyillərsə, özləri haqqında məqalə yarada bilməzlər. Bu cür informasiyanı onlar yalnız öz istifadəçi səhifələrində verə bilərlər!→VagoMüzakirə 14:03, 21 may 2011 (UTC)

müzakirə

Salamlar əziz bot! Axi bot müzakirələrə çox qarışmaz! o ayrı işlərlə məşğul olmalıdır. Hörmətlə --Ebrahimi-amir 07:01, 24 may 2011 (UTC)

Salam

Salam Vago. Qırmızı linkləri nə vaxt düzəldəcəksən?

--Vüsal Ağayev 15:16, 21 oktyabr 2011 (UTC)

Salam Vago. İşlər tamamlanır deyəsən. Ancaq verilişlərə gərək film yazmayaydın. Zəhmət olmasa bu kateqoriyadakı titrləri dəyişə bilərsən? Təşəkkürlər. Uğur olsun!

--Vüsal Ağayev 17:35, 7 noyabr 2011 (UTC)

Bot üçün iş

Salam, Vago. Bizdə durğu işarələrindən çox vaxt düzgün istifadə edilmədiyi üçün məqalələrdə yazı stili yaxşı görünmür. Bununla bağlı bir neçə təklifim var. Bizdə istifadə olunmayan, amma rus dilində tətbiq olunan dırnaq işarələri (« ») bizdə qəbul olunan adi dırnaq işarələrilə (" ") əvəz edilsin. Bundan əlavə, mətndə sözlər arasında bir əvəzinə bir neçə boşluq (probel) qoyanlar da çoxdur. Bunu da mümkünsə düzəliş olunmalı səhvlər arasına daxil edərdin. Yəni 2 boşluğu biri ilə əvəz etsin. Amma bunu məqalələrin içindəki şablonlarda yox, mətnlərdə etsin, çünki bəzən şablonlarda bunun əhəmiyyəti olur. Həmçinin, nöqtə, vergül, nida və sual işarələrindən, mötərizələrdən sonra boşluq qoyulmadığı hallar da var. Mümkünsə bota bütün bunları düzəltməsi ilə bağlı göstəriş verə bilərsən? Wertuose 12:47, 17 noyabr 2011 (UTC)

Salam, Wertuose, qeyd etdiyiniz xüsuslarda düzəlişlər aparmağa çalışaram, problem çıxsa, məsləhətləşərik. Hörmətlə, →Vago ^ms 12:51, 17 noyabr 2011 (UTC)

Salam. Hələlik durğu işarələri ilə bağlı Wertuose deyən problemləri həll edə bilsən, çox əla olar. Sadəcə bilmək istərdim, sırf durğu işarələri ilə bağlı problemləri müəyyənləşdirmək istəyirsiz, yoxsa ümumiyyətlə botluq işlərin siyahısını? Durğu işarələri ilə bağlı bizim vikidə bir başqa problem tire ("—") və defislərin ("–") yerində işlənməməsi və ya defisin sağ-solunda probel qoyulmasıdır. Məsələn, olmalıdır "ayrı-ayrı", "bir-bir", "1954-cü il", bizim vikidə yazılır "ayrı - ayrı", "bir - bir", "1954 - cü il". Bəzən isə hətta defis yerinə tire işlənir ("1954—cü" il və ya "1954 — cü il" və s.). Tirenin isə sağ-solunda probel qoyulmalıdır. Defis birləşdirici işarədir, tire ayırıcı. Amma burda bu məsələ o qədər qarışıqdır ki, mən bilən bot üçün bu problemi həll etmək çətin olacaq. Hörmətlə: --Sortilegus 20:31, 17 noyabr 2011 (UTC)

İpəkçi (qəzet) məqaləsində yanlışlıq

Nəzərinizə çatdırırmaq istəyirəm ki, İpəkçi (qəzet) məqaləsinə səhvən Azadlıq qəzetinin şablomu qoyulub. İpek tatar dilində Azadlıq deməkdir, təsadüfən bu bot tatar deyil ki? (Zarafat) Hörmətlə: --Aydın Məmmədov 17:21, 23 aprel 2011 (UTC)