İstiqlal (snayper tüfəngi)

Vikipediya, açıq ensiklopediya
Keçid et: naviqasiya, axtar
İstiqlal
İstiqlal snayper.gif
"İST-14,5 Anti-Material Rifle"
Növü Snayper tüfəngi
Mənşəyi Flag of Azerbaijan.svg Azərbaycan
İstismar tarixçəsi
İstismar 2008-
İstifadə edən ölkə(lər) Azərbaycan
İstehsal tarixçəsi
İstehsalçı Telemexanika
İstehsal tarixi 2008
Xüsusiyyətləri
Ağırlığı 20 kg
Uzunluğu 2015 mm

İstiqlal (İST-14,5 Anti-Material Rifle) — Azərbaycan istehsalı olub, əllə doldurulan və uzununa çəkilən çaxmaqlı sxem əsasında hazırlanmış irikalibrli snayper tüfəngi. Uzaq məsafədən hədəfi dəqiqliklə vurma qabiliyyətinə malikdir. Bu silahın əsas təyinatı düşmənin texniki və material vasitələrinin orta və uzaq məsafədən vurulmasıdır.

Tarixi[redaktə]

2008-ci ilin noyabr ayında Pakistanın Karaçi şəhərində keçirilən "İDEAS-2008" hərbi sərgisində nümayiş etdirilən "İstiqlal" sərgiyə qatılan bəzi dövlətlərin, o cümlədən Pakistan Silahlı Qüvvələrinin nümayəndələrinin marağına səbəb olub.[1]

"İstiqlal" snayper tüfəngi Azərbaycan Müdafiə Sənayesi Nazirliyinin (MSN) İstanbulda keçirilən IX Beynəlxalq Müdafiə Sərgisində (İDEF) nümayiş etdirilib. Məlumatlara görə, Azərbaycanın stendində diqqəti daha çox İST-14,5 Anti-Material Rifle (İstiqlal) adlı snayper tüfəngi çəkib.[2]

Türkiyənin bu snayper tüfənginə marağı böyükdür. Türkiyə Milli Müdafiə Nazirliyinin növbəti illərdən «İstiqlal»ın Türkiyə Silahlı Qüvvələrinin inventarına daxil ediləcəyini planlaşdırıb[3]

Hazırda "İstiqlal" snayper tüfənginin yeni versiyası hazırlanır [4]

Taktiki-texniki xüsusiyyətləri[redaktə]

Yerli mütəxəssislər tərəfindən hazırlanan "İstiqlal" snayperi MDBNATO ölkələrində istehsal olunan analoqlarını öz göstəricilərinə görə geridə qoyur.

Çəkisi 20 kiloqram olan bu snayper tüfəng çox ağır olmasına baxmayaraq, dəzgah üzərində tətbiq olunur.

Bu silahın optik nişangahı özəlliyi ilə analoqlarından fərqlənir. Hədəfi məhv etmə məsafəsi 3 min metr olan "İstiqlal" -50 və + 50 dərəcə temperaturlarda belə rahat istifadə oluna bilir. Darağın tutumu 5 patron. 2 min metr məsafədə dəqiq vuruş və beton hasarı dəlib keçmə qabiliyyətinə malikdir. Həmçinin zireh deşən və yandıran patronları da bu tüfəng üçün nəzərdə tutulmuşdur. Kalibri 14.5 mm dir. Yağmur, palçıq, qar və toz təsirinə davamlı snayper tüfəngini iki hissəyə ayırmaqla çantada daşımaq mümkündür.

İstifadə olunan yerlər[redaktə]

Bu silah Azərbaycanın cəbhə bölgələrində istifadə olunur. Azərbaycan ordusunun snayperləri atəşkəs rejimini pozan erməni əsgərlərini cavab atəşi ilə susduracaq. Azərbaycan Silahlı Qüvvələrinin snayperləri çox dəqiq işləyir və düşməni saatlarla müşahidə edib vurmaq qabiliyyətinə malikdir. [5]

İstifadə edən ölkələr[redaktə]

Şəkillər[redaktə]

İstinadlar[redaktə]

  1. Türkiyə Azərbaycanın snayper tüfənginə maraq göstərir Şərq qəzeti
  2. Azərbaycanın istehsal etdiyi "İstiqlal" snayperinə dünyada maraq artır - FOTOSESSİYA APA, 29.04.2009
  3. «İstiqlal» snayperi xarici hərbçilərin marağına səbəb olub milaz.info, 04.05.2009
  4. "Istiqlal"_snayperinin_yeni__165572.html. Azərbaycanın "İstiqlal" snayperinin yeni versiyası hazırlanır, APA, 08.10.2009
  5. Azərbaycan Milli Ordusu 2011, ANS TV, Youtube video

Xarici keçidlər[redaktə]

Həmçinin bax[redaktə]