Şəhidlər Xiyabanı
Şəhidlər Xiyabanı – Bakının Səbail rayonunda (keçmiş 26 Bakı Komissarı rayonu) inzibati ərazi. 1918-ci ildə Bakı uğrunda gedən döyüşlərdə həlak olmuş azərbaycanlı və türk əsgərlərinin basdırıldığı yer. 1924-1990-cı illərdə Xiyaban ləğv edilmiş və bolşeviklər burada əyləncə kompleksləri tikərək adını Dağüstü Park qoymuşdular. 1990-cı ildə Qara Yanvar hadisələrindən sonra ərazi yenidən Şəhidlər Xiyabanı adlandırılmışdır.
ŞƏHIDLƏRIN DƏFN OLUNDUĞU YERIN SEÇILMƏSI VƏ RƏSMİ İCAZƏ
1990-cı ildə ölkəmizin müstəqilliyi uğrunda şəhid olmuş insanların indiki Şəhidlər Xiyabanında dəfn olunması üçün ictimaiyyət tərəfindən yaradılmış dəfn komissyasının adından çıxış edən elmlər doktoru Azər Nəbiyevin istər Respublika istərsə də şəhər rəhbərliyinə etdiyi müraciətə müsbət cavab verilməmişdir. Bundan sonra Azər Nəbiyev o vaxtkı 26 Bakı Komissarları adına (indiki Səbail) rayonun xalq deputatları sovetinin icraiyyə komitəsinin sədri Əli Məmmədova müraciət etmişdir. Əli Məmmədov Azər Nəbiyevlə birlikdə Dağüstü parka gəlmiş və orada olan bir çox insanların iştirakı ilə bir sıra yerə baxış keçirilmiş və sonda şəhidlərin hazırda dəfn olunduğu yer məqsədəuyğun hesab edilmiş, şəhidlərin dəfn edilməsi üçün icazə verilmişdir. Yerin seçilməsində görkəmli arxitektor, elmlər doktoru Nəriman Əliyevin məsləhətləri nəzərə alınmışdır.
Mündəricat |
[redaktə] Şəhidlərin dəfni
Yanvarın 20-21-də xiyabanda məzarlar qazıldı. 120-dən artıq qəbir qazıb hazırlandı. Yanvarın 21-də Azərbaycan Respublikasının Ali Sovetinin iclası keçirildi. İclas çox gərgin şəraitdə, qızğın mübarizələrlə keçdi. İclasda Dəfn Komissiyasının üzvləri də çıxış etdilər. Səhər saat 6.00-a qədər müzakirələr aparıldı. Saat 12.00-da şəhidlərin cənazələri insanların çiyinlərində Azadlıq meydanından izdihamla paytaxtın küçələrindən keçməklə indiki Şəhidlər Xiyabanına gətirildi.
Dəfn mərasimi 5 saat çəkdi. Yanvarın 22-də 51 nəfər dəfn olundu. Bunlardan 3 nəfəri 1918-ci il mart qırğınları zamanı şəhid olanlar idi. Onlar da adət-ənənəyə uyğun dəfn edildi. Onları İlhamla Fərizədən sonra dəfn etdilər. Hər üç məzarın üstündə 1918-ci il şəhidləri sözləri yazildı. Sonra təzə qəbirüstü abidələr qoyulanda həmin məzarların üstündə "Naməlum" sözü yazıblar. Əslində, bu düzgün deyil. Düzdür, 20 Yanvar şəhidləri içərisində bir nəfər 25 yaşlı naməlum gənc var. O da lap axırda dəfn olunub. [1]
[redaktə] Şəhid olmaq ilahi bir zirvəyə yüksəlməkdir
Vətən yolunda şəhid olmaq ilahi bir zirvəyə yüksəlməkdir. Bu zirvəni fəth etmək Allaha qovuşmaqdır. 1990-cı ilin 20 yanvar gecəsi məhz belə bir zirvəni fəth etdi bu gün Dağüstü parkda, xalqımızın ən böyük ziyarətgahı olan Şəhidlər xiyabanında əbədiyyət yuxusuna getmiş igidlərimiz. Onlar xalqımızın ən dəyərli övladlarıdır. Çünki vətən yolunda, millət yolunda, bugünkü azadlığımız və müstəqilliyimiz yolunda şəhid olublar. [2]
[redaktə] Həmçinin bax
[redaktə] Mənbə
- ↑ http://www.bizimyol.az/index.php?mod=news&act=view&nid=19829 Şəhidlər Xiyabanında tarixi saxtakarlıq
- ↑ http://azerbaijan.news.az/index.php?Lng=aze&Pid=427&%20search=m%C9%99kt%C9%99bl%C9%99r Azadlıq uğrunda mübarizənin 20 Yanvar zirvəsi
