Şahin Sinaria

Vikipediya, azad ensiklopediya
Naviqasiyaya keçin Axtarışa keçin
Şahin Sinaria
Şahin Ərşad oğlu Əliyev
Doğum tarixi
Doğum yeri Laçın rayonu
Vətəndaşlığı
Atası Ərşad
Fəaliyyəti yazıçı, aktyor

Şahin Sinaria - yazıçı, tərcüməçi.

Həyatı[redaktə | mənbəni redaktə et]

Şahin Ərşad oğlu Əliyev 1965-ci ildə Laçın rayonunda anadan olub. Bakıda Mədəniyyət və İncəsənət Universitetinin aktyorluq fakultəsini bitirib, sonra isə Tiflis Kino Akademiyasını bitirib.

1990-cı ildə Sankt-Peterburqa "Lenfilm"də işləməyə dəvət alıb və bir film çəkibdir, lakin filmin nümayişinə icazə verilməyərək qadağa qoyulub.

1995-ci ildən Fransada yaşayan Şahin Sinarianın fransız dilində bir neçə kitabı dərc olunub. 10-dək əsəri teatrlarda səhnələşdirilib.

2005-ci ildə pyeslərinə görə Avropa ssenaristləri müsabiqəsinin qalibi olub. Azərbaycan yazıçılarından Cəlil Məmmədquluzadənin, Elçin Əfəndiyevin, Ramiz Rövşənnin, Rəşad Məcidin kitablarını fransız dilinə tərcümə etmiş. Fransada Ayaz Salayevin, Bəxtiyar Xanızadənin, Mehriban Zəkinin gecələrini təşkil etmiş, Fransada Azərbaycan mədəniyyətinin, teatrının, kinosunun, ədəbiyyatının təbliğində çox böyük işlər görmüşdür.

Şahin Sinaria aktyor kimi fəaliyyət göstərməsə də öz əsərlərini bir çox teatrlarda səhnələşdirmişdir. Hal-hazırda Paris Eksperimental Teatrında çalışır.

İstinadlar[redaktə | mənbəni redaktə et]

  1. 1,0 1,1 https://azertag.az/fr/xeber/presentation_du_livre_la_vie_rvee_dyvonne_botto_a_paris-1012750.