Şahzadə Mustafa

Şahzadə Mustafa - Sultan Süleyman Qanuninin böyük oğlu. Xürrəm Sultanın fitnəsi nəticəsində qətlə yetirilmişdir. Şahzadə Mustafanın anası Mahidövran Sultan Sultan Süleymanın ilk arvadı olmuşdur.

Şahzadə Mustafanın qətlə yetirilməsi

Osmanlı adətinə əsasən, Sultan Süleyman Qanunidən sonra hakimiyyətə böyük oğlu Mustafa gəlməli idi. Mustafa hökmdar elan edilməmişdən əvvəl, adətə görə Amasiya vilayətinə vali göndərildi. Mahidövran Sultan oğlu ilə birlikdə Amasiya vilayətində yaşamağa başladılar. Bu dövrdə hər kəs Sultan Süleyman Qanunidən sonra Mustafanın Sultan elan ediləcəyini gözləyirdi. Mustafanın ağıllı, təmkinli və savadlı bir şəxs olması, ona qarşı olan inamı daha da artırdı. Bütün bu fikirlərə baxmayaraq, Şahzadə Mustafa 1553-cü ildə Sultan Süleyman Qanuninin göstərişi ilə öldürülmüşdür.

Şahzadə Mustafanın aradan götürülmə səbəbi, bu gündə tam dəqiq məlum deyildir. Ancaq bir sıra tarix mənbələrdə bu işi görməkdə maraqlı olan yalnız bir nəfərin adı qeyd edilir. Xürrəm Sultan Şahzadə Mustafanın hakimiyyətə yeganə namizəd olduğunu bilirdi. Xürrəm Sultan Mustafanın yox, öz oğlu II Səlimin hakimiyyətə gəlməsini istəyirdi. Bu səbəbdən Xürrəm Sultan Sultan Süleyman Qanuniyə Mustafanın ona qarşı qiyam hazırlaması barədə xəbər vermişdir. Qısa zamanda atasının gözündən düşən Şahzadə Mustafa Xürrəm Sultanın böyük dəstəyi ilə 1553-cü ildə Erağlı ovasında yerləşən kiçik su hövzəsində boğularaq öldürülmüşdür.

Həmçinin bax

• Şahzadə Cahangir