İblis
İblis (yunan dilindən diabolos) xristianlıqda, islamda və başqa dinlərdə şəxsləşdirilmiş acığın mənbəsi, Allahın və bəşəriyyətin əleyhdarı.
İblis oddan yaradılmış cinlərdən birinin adıdır. Bu barədə Qurani-Kərimdə deyilir: (Ya Rəsulum!) Xatırla ki, bir zaman mələklərə "Adəmə (təzim məqsədilə) səcdə edin!" - demişdik. İblisdən başqa hamısı səcdə etdi. O, cinlərdən (cin tayfasından) idi. O öz Rəbbinin əmrindən çıxdı. Onlar sizin düşməniniz olduğu halda, siz Məni qoyub onu və nəslini (övladını özünüzə) dostmu tutursunuz? By, zalımlar üçün necə də pis dəyiş-düyüşdür![1] Lakin sonradan o, Allahın torpaqdan yaratdığı Adəmə sitayiş etməkdən boyun qaçırmış və bunun üstündə səmadan yerə endirilmişdir.[2] Qisas almaq üçün o, ilanın köməyi ilə Adəmi və Həvvanı tovlayıb cənnət ağaçının meyvəsi üçün qoyulan qadağanı pozmağa sövq etmiş və bu, onların cənnətdən qovulmasına səbəb olmuşdur. O vaxtdan bəri müxtəlif şər ruhların – şeytanların köməyi ilə İblis hər yerdə adamlara ziyan vurmağa və onları günaha məcbur etməyə çalışır.
Mündəricat |
Quranda Şeytan haqqında[redaktə]
- Həqiqətən, Şeytan sizin düşməninizdir, onu (özünüzə) düşmən tutun. O özünə uyanları cəhənnəm əhli olmağa çağırır .[3]
- Şeytan sizi yoxsulluqla qorxudaraq alçaq işlərə sövq edər, Allah isə (əksinə) sizə bağışlanmaq və bərəkət və’dəsi verər. Allah (mərhəməti ilə) genişdir, (hər şeyi) biləndir.[4]
- Ehtiyatlı olun ki, dünya həyatı sizi aldatmasın. Şeytan sizi Allaha arxayın edib (Allah Öz bəndələrinə mehribandır, onların hamısını bağışlayacaq, günahlarından keçəcək deyə) tovlamasın![5]
- "Ey Adəm övlаdlаrı! Şeytаn sizin аtа-аnаnızı Cənnətdən çıxаrdıb аyıb yerlərini özlərinə göstərmək üçün libаslаrını soyundurduğu kimi, sizi də аldаtmаsın. O və onun dəstəsi sizi, onlаrı görmədiyiniz yerdən görürlər. Həqiqətən, Biz şeytаnlаrı imаn gətirməyənlərin dostlаrı etdik." [6]
- Ey Adəm övladı! Məgər Mən sizdən əhd almadımmı ki, Şeytana ibadət etməyin, o sizin açıq-aşkar düşməninizdir və (sizə buyurmadımmı ki) Mənə ibadət edin, doğru yol budur?![7]
Şeytanın vəsvəsələri[redaktə]
- Şirkə dəvət.
- Bidətə dəvət
- Böyük günahlara dəvət.
- Kiçik günahlara dəvət
- Məkruh əməllərə dəvət
- Savabı çox olan işdən uzaqlaşdırmaq üçün savabı az olan işə dəvət.
Həmçinin bax[redaktə]
İstinadlar[redaktə]
- ↑ Kəhf surəsi, 50
- ↑ Bu barədə Əraf surəsinin 11-13-cü ayələrində qeyd olunur: Sizi (babanız Adəmi) yaratdıq, sonra sizə surət verdik və mələklərə: "Adəmə səcdə edin!" - dedik. İblisdən başqa hamısı səcdə etdi. O, səcdə olanlardan olmadı. (Allah iblisə): "Mən sənə əmr edəndə sənə səcdə etməyə nə mane oldu?" - deyə buyurdu. (İblis: ) "Mən ondan daha yaxşıyam (üstünəm), çünki Sən məni oddan, onu isə palçıqdan yaratdın!" - dedi. (Allah) buyurdu: "Oradan (Cənnətdən) aşağı en. Orada sənə (Allahın əmrinə) təkəbbür göstərmək yaraşmaz. (Oradan) çıx, çünki sən alçaqlardansan!"
- ↑ Fatir surəsi, 6
- ↑ Bəqərə surəsi, 268
- ↑ Loğman surəsi, 33
- ↑ Əraf surəsi, 27
- ↑ Yasin surəsi, 60-61
