Əbülfət Mədətoğlu
| ƏBÜLFƏT MƏDƏTOĞLU | |
| Əbülfət Mədət oğlu Əliyev | |
 |
|
| Doğum tarixi: | 1 yanvar 1959-cu il |
|---|---|
| Doğum yeri: | Tuğ, Xocavənd |
Əliyev Əbülfət Mədət oğlu - şair, publisist.
[redaktə] Həyatı
Əbülfət Mədətoğlu 1959-cu il yanvarın 1-də Dağlıq Qarabağın Xocavənd rayonunun Tuğ kəndində anadan olmuşdur. Burada kənd orta məktəbini bitirdikdən sonra bir müddət fəhlə (1976-1980), "Təşviqatçı" jurnalında korrektor işləmişdir (1980-1981).
Azərbaycan Dövlət Universitetinin tarix fakültəsində təhsil almışdır (1981-1986). Eyni zamanda jurnalist sənətkarlığı institutunu bitirmişdir (1982-1984).
"Araz" qəzetində şöbə müdiri (1986-1988), "Qarabağ" qəzetində (1988-1990) və "Azərbaycan ordusu" qəzetində (1990-1992) müxbir vəzifələrində işləmişdir. Hazırda "Ədalət" qəzetinin baş redaktor müavinidir (1992-ci ildən). Bədii yaradıcılığa orta məktəb illərindən başlamışdır. İlk mətbu şeri "Kəndim" "Araz" Füzuli rayon qəzetində çap olunmuşdur. Bundan sonra "Azərbaycan", "Ulduz", "Təşviqatçı" jurnallarında, "Azərbaycan gəncləri", "Bakı", "Sovet kəndi", "Azərbaycan pioneri" qəzetlərində vaxtaşırı çıxış etmişdir.
"Səməni nəğməsi", "Nilufər cicəyi", "Dərdini danışan adam", "Nişanə", "Ehtiyacın elçi daşı", "Döymək istədiyim qapılar", "Allah, məni unutma" şeirlər və iki sənədli povestlər kitabları işıq üzü görüb. Yazdığı şeirlərə tanınmış bəstəkar Razim Paşayev musiqilər bəstələyib.
[redaktə] Əsərləri
- 1.Səməni nəğməsi. Bakı: 1988, Gənclik, 61 səh.
- 2.Nilufər çiçəyi. Bakı: 1995, Səda, 61 səh.
- 3.Dərdini danışan adam. Bakı: 1999, Şirvannəşr, 100 səh.
