Əhməd Naxçıvani

Vikipediya, açıq ensiklopediya
Keçid et: naviqasiya, axtar
Əhməd Naxçıvani
Əhməd ibn Əyyub əl-Hafiz Naxçıvani
Şəkil yoxdur.jpg
Doğum tarixi: XIII əsr
Doğum yeri: Naxçıvan
Vəfatı: XIV əsr

Əhməd ibn Əyyub əl-Hafiz Naxçıvaniorta əsr Azərbaycan memarı.[1] Naxçıvan-Marağa memarlıq məktəbinin ən görkəmli nümayəndələrindən biri olan Əhməd Naxçıvaninin dövrümüzə iki əsəri gəlib çatmışdır. Onlardan biri “Nüşabə qalası” kimi də tanınan Bərdə türbəsi (1322), digəri isə, Qudi xatunun şərəfinə inşa edilmiş, Qarabağlar türbə kompleksidir (XIV əsrin 30 – cu illəri).

Qarabağlar türbəsinin şimal tərəfindəki baştağın tünd bənövşəyi rəngli kaşı yerliyi üzərində nəsx xətti ilə memar öz adını yazmışdır. Binanın kompozisiya həlli, ayrıntıların diqqətlə işlənməsi, həndəsi və yarımhəndəsi quruluşu. Çoxrəngli kaşı ornamentlərin tətbiqi, kitabələrdən bəzək vasitəsi kimi istifadə edilməsi Əhməd Naxçıvaninin yaradıcılıq üslubu üçün səciyyəvidir. Ümumi quruluşunun fərdi cəhətləri ilə fərqlənən Axsadan baba türbəsinin (Bərdə şəhəri) də memarının Əhməd Naxçıvani olduğu güman edilir. [1]

Gudi khatun mouseleum.jpg
Bərdə türbəsi.jpg
Qarabağlar türbəsi Bərdə türbəsi

İstinadlar[redaktə]

  1. 1,0 1,1 İ. Bretanitski, Ə. Salamzadə - Orta əsr Azərbaycan memarları və memarlıqla əlaqədar sənətkarlar, “Azərbaycan İncəsənəti”, c. 8, Bakı, 1956

Həmçinin bax[redaktə]