Əhməd Xəlilov

Əhməd Xəlilov
Azərbaycan SSR pambıqçılıq naziri
27 may 1950 – 11 fevral 1953
Əvvəlki	nazirlik təsis edilib
Sonrakı	Soltan Mirzəyev
Azərbaycan SSR kənd təsərrüfatı naziri
16 mart 1950 – 27 may 1950
Əvvəlki	İmam Mustafayev
Sonrakı	İlyas Abdullayev
Şəxsi məlumatlar
Doğum tarixi	1904
Doğum yeri	Beyi, Kürdəmir rayonu, Azərbaycan SSR
Vəfat tarixi	1985
Təhsili	Azərbaycan Dövlət Aqrar Universiteti

Əhməd Paşa oğlu Xəlilov (1904, Beyi, Kürdəmir rayonu – 1985) — Azərbaycan-sovet dövlət xadimi, Azərbaycan SSR Ali Sovetinin deputatı.

Həyatı

Xəlilov Əhməd Paşa oğlu 1904-cü ildə Kürdəmir rayonu Beyi kəndində kəndli ailəsində anadan olmuşdur. 4 övladı olmuşdur.

1985-ci ildə Bakıda vəfat etmişdir.

Fəaliyyəti

Əmək fəaliyyəti

1932-ci ildə Gəncə Kənd Təsərrüfatı İnstitutunun aqronomluq fakültəsini bitirmiş, Göyçay rayon MTS-ndə baş aqranom, sonradan direktor müavini işləmiş, 1939-cu ildən Respublikanın Torpaq Komissarlığında aqranom. baş aqranom, 1941-ci ildən torpaq komissarının müavini, 1942-ci ildən kənd təsərrüfatı nazirinin müavini, Azərbaycan Respublikasının pambıqçılıq naziri vəzifələrində işləmiş, 1969-cu ildən təqaüdə çıxmış, 1973-cü ildən Dövlət Yer Quruluşu Layihə İnstitutunda direktor olmuş, 1982-ci ilə qədər bu vəzifədə çalımşmışdır.

Elmi fəaliyyəti

1958-ci ildə elmlər namizədi, 1969-cu ildə elmlər doktoru alimlik dərəcəsi almışdır. Respublikanın əməkdar aqranomu fəxri adına, Şərəf Nişanı, Qırmızı Əmək Bayrağı ordenlərinə, Azərbaycan SSR Ali Sovetinin Fəxri fərmanına, Böyük Vətən müharibəsinin bir çox orden və medallarına və Ümum ittifaq Xalq Təsərrüfatı Nailiyyətləri Sərgisinin gümüş medalına layiq görülmüş, bir neçə çağırış Respublika Ali Sovetinin deputatı seçilmişdir.

Mənbə

• Azərbaycan Respublikası Kənd Təsərrüfatı Nazirliyi — Azərbaycan Aqrar Sahə Rəhbərləri və Görkəmli Elm Xadimləri (Ensklopedik məlumat kitabı)