Əkbər Qoşalı
| ƏKBƏR QOŞALI | |
| Əkbər Mehdi oğlu Yolçuyev | |
 |
|
| Doğum tarixi: | 3 aprel 1973-cü il |
|---|---|
| Doğum yeri: | Qoşa, Tovuz |
Yolçuyev Əkbər Mehdi oğlu (Əkbər Qoşalı) - nasir, publisist, 1998-ci ildən Azərbaycan Yazıçılar Birliyinin üzvü, Jurnalistlər Birliyinin üzvü (1995).
Mündəricat |
[redaktə] Həyatı
Əkbər Qoşalı 1973-cü il aprelin 3-də Tovuz rayonunun Qoşa kəndində anadan olmuşdur. Orta məktəbi bitirdikdən sonra Azərbaycan Dövlət Texniki Universitetində təhsil almışdır (1990-1995).
Azərbaycan Gənclər və İdman Nazirliyi aparatının əməkdaşı olmuşdur (1996-2000). Dövlət İdarəçilik Akademiyasında təhsilini davam etdirmişdir (1998-2001). 90-cı illərdən ədəbi fəaliyyətə başlamışdır. Gənc türk yazıçılarının şeir, hekayə və publisist əsərlərindən ibarət "Qar çiçəyi" (1997), "Türkün səsi" (1999-cu ildən) toplularını tərtib etmişdir.
İlk kitabı "Ömür qoyub gedənlər" (1998) Tovuz rayonunun Böyük Qışlaq bölgəsinin şəhid övladlarından bəhs edir. Türk dünyasının görkəmli şəxsləri seriyasından "Nursultan Nazarbayev" siyasi portreti kitabçasının müəllifidir (2002). Həmin il nəşr olunan "Azərbaycan türkologiyası"nın (1920-1938) tərtibçilərindən biridir.
Dünya Türk Gəncləri Birliyinin Qazaxıstanda keçirilən VIII qurultayında Gənc Türk Yazarları Birliyinin başçısı seçilmişdir (1998). (http://www.dgtyb.org/)
Sonrakı illərdə Çuvaşıstanda və Azərbaycanda keçirilən IX-X qurultaylarında yenidən başqan seçilmişdir (1999-2000). Hazırda Azərbaycanda Atatürk Mərkəzinin əməkdaşıdır (2002-ci ildən).
Azərbaycan Gənclər, Turizm və İdman Nazirliyinin fəxri fərman və mükafatları ilə təltif olunmuşdur.
2010-cu ildə 104 saylı Gədəbəy-Tovuz Seçki Dairəsindən Azərbaycan Respublikası Milli Məclisinin üzvlüyünə namizədliyini irəli sürüb.
30-dan artıq bədii, elmi, biblioqrafik, siyasi və tanıtım kitabının yazarı, həmyazarı, tərtibçisi, yaxud həmtərtibçisi olaraq məhsuldar yaradıcılıq yolu keçmiş Ə.Qoşalı Azərbaycan Yazıçılar Birliyinin, Birliyin mətbu orqanı olan "Ədəbiyyat qəzeti" Redaksiya Heyətinin, habelə Milli Qeyri-Hökumət Təşkilatları Forumu İdarə Heyətinin, Gənclər Təşkilatları Milli Şurası Məclisinin üzvü, Rəsul Rza, Şahmar Əkbərzadə, Respublika Gənclər Mükafatı və "Fəxri Gənc" mükafatı laureatıdır. Dəfələrlə ölkə daxilində və xaricində keçirilmiş uluslararsı konfrans, simpozium və festivallarda nümayədə və nümayəndə heyətinin başçısı olaraq iştirak edib.
DGTYB başqanı 2008-2009-cu illərdə Azərbaycan Respublikası Prezidenti Təqaüd Fondunun təqaüdçüsü olub. 2006-cı iıin payızından 2008-ci ilin yayınadək Azərbaycan Silahlı Qüvvələrinin zabiti olaraq həqiqi hərbi xidmətdə olub. Ailəlidir, üç övladı var. Bakıda yaşayır.
[redaktə] Əsərləri
- "Ömür qoyub gedənlər" (1998)
- "Nursultan Nazarbayev" (2002)
- "Ölümlərin ötəsi" (şeir və deyimlər). "Vektor" Nəşrlər Evi. Bakı, 2007. 140 səh.
[redaktə] Tərtib etdiyi kitablar
- "Azərbaycan türkologiyası" (1920-1938)
- "Тürkün səsi" (Məqalələr toplusu), "Vektor", Bakı – 2008, 190 səh.
- "Yeni nəsil Azərbaycan aşıqları" (2010)
[redaktə] Məqalələri
[redaktə] Yaradıcılığı
ŞÜKÜR
Dizim yerə gələn vaxtı,
güc gələn qeyrətə şükür.
nur üzə hər gün təzədən,
yaranan heyrətə şükür.
yaxınları uzaq bildik,
uzaqları sazaq bildik,
ölən öldü də bitmədik,
doğulan Mehmetə şükür.
ömür - durmur axarında,
ölüm - bəlkə də yaxında.
danışmağa söz qalıbsa,
şairə və şeyrə şükür!..
BAKI ş.
DEYİLƏM
Nə kafirəm, nə də pirəm,
nə ikiyəm, nə də birəm,
mən Allahın adaşıyam,
mən Ona yoldaş deyiləm.
Ondördümdə şah olmadım,
bəlkə də vaxtsız doğuldum.
Nə çiçək ömrü yaşadım,
nə də qara daş deyiləm.
...Ta bəşərdən əvvəl idi,
cənnətlərdən enmiş idim,
yenə ora yol gedirim,
hələ otuz yaş deyiləm.
2000, BAKI
KEÇMƏDİM
Haram çıxdı yoluma,
halalımdan keçmədim.
Bir qayğısız varıydı,
bəlalımdan keçmədim.
Öz qəlbimə gül oldum,
sözdüm, eşqdim, uruhdum.
Mən özümü unutdum,
xəyalımdan keçmədim.
O uzaqdı dediyin,
sevinclər lap yaxındı,
mənə əl də elədi,
məlalımdan keçmədim.
