Ələddin (cizgi filmi, 1992)

Vikipediya, açıq ensiklopediya
Keçid et: naviqasiya, axtar
Ələddin
ing. Aladdin
Ələddin (cizgi filmi, 1992).jpg
Janr Macəra
Rejissor Con Masker
Ron Klements
Prodüser Con Masker
Ron Klements
Ssenari müəllifi Ron Klements
Con Masker
Ted Elliott
Terri Rossio
Rolları səsləndirənlər Skott Venqer
Bred Keyn
Linda Larkin
Robin Uilyams
Conatan Friman
Frenk Uelker
Hilbert Qottfrid
Bəstəkar Alan Menken
Dil İngilis dili
Ölkə Flag of the United States.svg ABŞ
Studiya Walt Disney Feature Animation
Distribüsiya Walt Disney Pictures
Davametmə müddəti 90 dəqiqə
İl 1992
İlk baxış 25 noyabr 1992
Büdcə $28 milyon
Gəlir $504,050,219 milyon[1]
Sonrakı Cəfərin qayıdışı
ID 0103639
Xarici keçidlər
IMDb-də səhifəsi

Ələddin (ing. Aladdin) - 1992-ci ildə Walt Disney Pictures şirkəti tərəfindən istehsal olunmuş cizgi filmidir.[2] Cizgi filminin motivləri əsasında kompüter oyunlar və cizgi serialı istehsal edilmişdi.

Məzmun[redaktə]

Cizgi filminin əvvəli tacirin "Sehirli çıraq" haqqında mahnı oxuması ilə başlayır. Sultanın Aqrabah vəziri Cəfər çoxdan köhnə artefaktı axtarır. Bu artefakt "Sehirli çıraq" adlanır. Onun daxilində isə bütün arzuları yerinə yetirən Cin yaşayır. Onu "Sehirli çıraq"dan azad etmək üçün yalnız bir adam "Nahamar almaz" xilas edə bilər. Həmin adamın adı Aqraba küçəsində oğru olan Ələddindir. Ələddin mahir oğrudur. Bu sənətlə yeniyetmə yaşından məşğul olur. Dostu isə meymun Abudur. Ələddin və Abu birlikdə tacirlərdən malları oğurlayır. Bu müddətdə Sultanın qızı Jasmin qanuna görə həm yeniyetmə, həm də şahzadə olan şəxsə ərə getməlidir. Jasmin isə sevmədiyi şəxsə ərə getmək istəmir. Bu səbəbdən Jasmin qəsrdən qaçmağa hazırlaşır. Jasmin qaçmamışdan əvvəl sevimli pələngi Racca ilə vidalaşır. Jasmin qəsrdən qaçdıqdan sonra küçədə ac qalan uşağa tacirin bazarda qoyduğu meyvə verir. Bunun üzündən meyvələri satan tacir ilə rastlaşır. Tacir Jasminin oğurluq etməsi səbəbindən onu həbs etdirir. Amma tacir bilmirki həmin qadın Sultanın qızıdır. Həbs edildikdə onun əllərinin kəsilməsinə əmr verilir. Lakin Ələddin buna imkan vermir. Ələddin ilə Jasmin qaçırlar. Lakin yoldagözətçilər tərəfindən yaxalanırlar. Bu səbəbdən Jasmin özünü Sultanın qızı olaraq təqdim edir və bunu sübut edir. Jasmin saraya göndərilir. Ələddin və Abu isə həbs edilərək, zindanxanaya göndərilir.

Gecə vaxtı Cəfər qoca kişi cildinə girərək zindana gedir. Cəfər qulluq əvvəzində onları mağaraya apardığını deyir. Əgər Ələddin onu mağaraya apararsa, onda onlara çoxlu almazlar verəcəkdir. Cəfər əlindəki almazları Ələddinə göstərərək, onu çaşdırır. Almazlara ram olan Ələddin Cəfər ilə razılaşır. Ələddin zindandan qoca kişi ilə birlikdə buradan qaçırlar. Lakin Ələddin həmin adamın Sultanın vəziri olduğunu bilmir. Vəzir Cəfər onları mağaraya aparır. Həmçinin, Cəfər xəbər verir ki, Ələddin artıq edam edilmişdir. Jasmində çox qısa müddətə həmin oğlana qarşı simpatiya yaranmışdır. Bu mağarada "Sehirli çıraq" yerləşir. Ələddin həmin çırağı çox çətinliklə tapır. Bu işdə Ələddinə Sehirli Xalça kömək edir. Ələddin çırağı tapan kimi qoca kişiyə verir. Lakin qoca kişi gözlənilmədən Ələddin və Abunu vulkanın içinə tullayır. Bu zaman arxa hissəsi daşlar altında qalmış Sehirli Xalça azad olur və onları xilas edir. Abunun sayəsində "Sehirli çıraq" onların yanında qalır. Ələddin "Sehirli çıraq"ı əlləri ilə səhvən ovuşdurur. Bu zaman gözlənilmədən onun içindən iki əlində tək zəncir olan Cin peyda olur. Cin ona 3 arzusunu bilmək istəyir. Lakin Cin şərtləri vardır: mən heç kəsi sevməyə məcbur edə bilmərəm; mən heç kəsi öldürə bilmərəm; mən heç kəsi qəbirdən dirildə bilmərəm. Ələddin Cinin bütün şərtlərini dinlədikdən sonra Şahzadə olmağa qərara gəlir. Bu məqsədlə Ələddin Jasminin qəlbini ələ alacaqdır.

"Sehirli çıraq"dan çıxan Cin onun verdiyi əmri yerinə yetirir. Sultanın qızı Jasmin üçün Şahzadə Əli adında varlı bir adamın gəldiyini görür. Bu zaman musiqi səslənir. Sultan onun qızının Şahzadə Əlinin almasına razı olur. Jasmin Şahzadə Əlini görən andan onu tanıyır. Onlar gecə vaxtı görüşürlər. Ələddin və Jasmin birlikdə Sehirli Xalça üzərinə hərəkət edərək musiqi oxuyurlar. Bu müddətdə Sultanın Vəziri Cəfər Əlddin üçün tələ hazırlayır. Cəfər Ələddini okeana atır. Lakin Əlddini Cin xilas edir. Bu Əlddinin ikinci arzusu olur. Cəfərin tutuquşusu Yaqo "Sehirli çıraq"ı Ələddindən oğurlayır və sahibinin yanına gətirir. Artıq Cin ilə Cəfər idarə edir. Cəfər ona iki arzusunu deyir: Sultan olmaq və dünyanın ən güclü maqı olmaq. Bundan sonra Cəfər Ələddin, Abu və Sehirli Xalçanı qarlı yerə verir. Ələddin Sehirli Xalçanın köməyi ilə Aqrabaha yenidən geri dönür. Bu müddətdə Cəfər Jasmini və Sultanı qula döndərir. Ələddin artıq saraya daxil olmuşdur. Jasmin onu görən zaman Cəfərin başını qatışdırır ki, "Sehirli çıraq" Ələddinə çatsın. Lakin Tutuquşu Yaqo buna mane olur. Sonradan Cəfər ilə Ələddin arasında ciddi mübarizə başlayır. Cəfər Jasmini qum saatının içinə bağlatdırır və Böyük Kobra İlanına dönür. Buna baxmayaraq Ələddin onunla qətiyyətlə mübarizə apararaq ona qalib gəlir. Jasmin və Sultan azad olurlar. Ələddin verdiyi sözə əməl edir. Bu zaman Ələddin Cinin iki əlində olan zəncirdən azad edir. Sultan isə qızı üçün yaratdığı qanunu dəyişdirir. Bu qanuna görə artıq Jasmin kimə istəsə ona da gedə bilər. Bu hadisələrdən sonra Ələddin və Jasmin şənlik edirlər və nişan gününə hazırlaşırlar.

Mükafatlar[redaktə]

İl Mükafat Kateqoriya Ad Nəticə
1993 ASCAP Award Ən yaxşı orijinal musiqi Hovard Aşman, Tim Rays, Alan Menken Qələbə
1995 ASCAP Award Ən yaxşı orijinal musiqi Tim Rays, Alan Menken Qələbə
1993 Oskar Ən yaxşı orijinal musiqi Tim Rays, Alan Menken Qələbə
Ən yaxşı orijinal musiqi Tim Rays, Alan Menken Nominasiya

Saundtrek[redaktə]

"Ələddin" cizgi filminin ilk saundtrek albomu 31 oktyabr 1992-ci il tarixində hazırlanmışdır.[3]. Saundtrek sözlərinin müəlifləri Hovard Aşman və Tim Raysdır. Mahnıların bəstəkarı isə Alan Menkendir. Albomun yeni sözləri ilə buraxılan mahnıları 2001-ci ildə buraxılmışdır. Albomda olan mahnıların yeni versiyaları 2004-cü ildə xüsusi buraxılmışdır.[4] Burada mahnıların müxtəlif demo versiyaları vardır. Albom Alan Menken tərəfindən hazırlanmışdır. Alan Menken alboma görə müxtəlif mükafatlar qazanmışdır. Xüsusilə albomda Tim Rays tərəfindən yazılan «A Whole New World» mahnısı seçilir.[5] Bəstəkar Alan Menken işinə görə müxtəlif nominasiya və mükafatlar, o cümlədən Oskar, Qızıl Qlobus mükafatı, Qremmi mükafatıBritaniya Akademiya Film mükafatı (BAFTA) mükafatlarına sahib olmuşdur.

İlk buraxılış (1992) və sonrakı buraxılış (2001)
Adı Sözləri İfaçılar Müddəti
1. "Arabian Nights" (*) Hovard Eşman Brüs Adler 1:19
2. "Legend Of The Lamp" (monoloq Robin Uilyams)   (score) 1:25
3. "One Jump Ahead" Tom Rays Bred Keyn 2:22
4. "Street Urchins"   (score) 1:52
5. "One Jump Ahead (Reprise)" Tim Rays Bred Keyn 1:01
6. "Friend Like Me" Hovard Eşman Robin Uilyams 2:26
7. "To Be Free"   (score) 1:39
8. "Prince Ali" Hovard Eşman Robin Uilyams 2:51
9. "A Whole New World" Tim Rays Bred Keyn və Lia Salonqa 2:40
10. "Jafar's Hour"   (score) 2:43
11. "Prince Ali (Reprise)" Hovard Eşman Conatan Friman 1:07
12. "The Ends of the Earth"   (score) 1:35
13. "The Kiss"   (score) 1:51
14. "On A Dark Night"   (score) 2:55
15. "Jasmine Runs Away"   (score) 0:46
16. "Marketplace"   (score) 2:37
17. "The Cave of Wonders"   (score) 4:57
18. "Aladdin's Word" (When You Wish Upon A Star mahnısının fraqmnentlərini saxlayır)   (score) 1:51
19. "The Battle"   (score) 3:39
20. "Happy End In Agrabah" (**)   (score) 4:15
21. "A Whole New World (Aladdin's Theme)" Tim Rays Pibo Brayson və Recina Bell 4:04
  • (*) gec buraxılışına görə mahnıların sözləri bir az dəyişdirilmişdir.
  • (**) Audio-kasset versiyalarından (1992-ci il) özündə alternativ məqalələr saxlayır.
Xüsusi buraxılış (2004)
Adı Sözləri İfaçılar Müddəti
22. "Proud Of Your Boy (Demo)" Hovard Eşman Alan Menken 2:26
23. "High Adventure (Demo)" Hovard Eşman Alan Menken və Hovard Eşman 4:21

İstinadlar[redaktə]

Xarici keçidlər[redaktə]