Ələkbər Eyvazov

Ələkbər Eyvazov
Ələkbər Almaxan oğlu Eyvazov
Şəxsi məlumatlar
Doğum tarixi	1 fevral 1973(1973-02-01)
Doğum yeri	Bozayran, Yardımlı rayonu, Azərbaycan SSR, SSRİ
Vəfat tarixi	11 yanvar 1993(1993-01-11) (19 yaşında)
Vəfat yeri	Alxanlı, Füzuli rayonu, Azərbaycan
Vəfat səbəbi	şəhid
Dəfn yeri	Şəhidlər Xiyabanı
Vətəndaşlığı	SSRİ  Azərbaycan
Hərbi fəaliyyəti
Döyüşlər	Birinci Qarabağ müharibəsi

Eyvazov Ələkbər Almaxan oglu (1 fevral 1973, Bozayran, Yardımlı rayonu – 11 yanvar 1993, Alxanlı, Füzuli rayonu) — şəhid.

Həyatı

Ələkbər Eyvazov 1973-cü il fevralın 1-də anadan olub. Əslən Yardımlı rayonunun Bozayran kəndindəndir. Ailədə dördüncü uşaq idi. Anasının adı Əminədir. Sonralar 275 saylı məktəbdə təhsil almışdır.

1992-ci ilin may ayının 21-də Bakı şəhəri Suraxanı RHK-dan hərbi xidmətə çağırıldı. 702-ci hərbi hissənin avtomatçısı idi. İyun ayında Qaraxanlı kəndinə yollandı. Qacar Veysəlli kəndinin müdafiəsi uğrunda gedən döyüşlərdə qərəmancasına döyüşdü. Son döyüş mövqeyi isə Alxanlı kəndi oldu. Həmin zaman qardaşı Nəsib Eyvazov topcu kimi doyüşlərdə iştirak edirdi.

11 yanvar 1993-cü ildə Füzuli rayonunun Alxanlı kəndi uğrunda gedən döyüşlərin birində Ələkbər ağır yaralandı. Qardaşı Nəsib isə mənfur düşmənin agır texnikasının, qarşısını almaq üçün top atəşini dayandırmırdı. Artıq Ələkbərin məsum gözləri bu dünyaya əbədi olaraq yumulmuşdur.

Ələkbər Eyvazov Şəhidlər xiyabanında dəfn edilmişdir. Yeni Günəşli qəsəbəsində adına 275 saylı tam orta məktəb var.