Əl-Vahhab

İslam İnanclar Allah Allahın varlığı və təkliyi Mələklər Müqəddəs kitablar Məhəmməd peyğəmbər (s) və Digər peyğəmbərlər İmamət Axirət Kəlimeyi-şəhadət Firuiddin Namaz qılmaq Zəkat vermək Xüms vermək Oruc tutmak Həccə getmək Xüsusi günlər Besət bayramı Ramazan bayramı Qurban bayramı Qədiri-Xum bayramı Quran Sünnə · Hədis Təsavvüf Tarix və şəxsiyyətlər Əhli-Beyt · Səhabə Şiəlik · Sünnilik · Xaricilik

Əl-Vahhab (ər. الوهّاب) — Allahın adlarından biri.

“Bəndələri arasında fərq qoymadan, qarşılıq ummayan, nemətlərinin ardı-arası kəsilməyən, lütf edən” deməkdir və bu ad yalnız Allah-Təalaya məxsusdur.

Uca Rəbbimiz insanı yaratmış, onu yer üzünün xəlifəsi təyin etmiş və kainatdakı hər şeyi onun istifadəsinə vermişdir. Günəş hər gün çıxıb ətrafı işıqlandırır, dünyamıza hərarət gətirir, yağış yaradıb bol ruzi-bərəkət vasitəçisinə çevrilir. Onun mülkündə bizə verdiyi ayaqlarla gəzir, bəxş etdiyi gözlərlə gözəllikləri seyr edirik. Bütün bunlar məhz İnsan üçündür və Allahın sonsuz lütfünün göstəricisidir.

“Ali-İmran” surəsinin 8-ci ayəsində buyurulur: “Ey Rəbbimiz! Bizi doğru yola yönəltdikdən sonra ürəklərimizə şəkk-şübhə (azğınlıq, əyrilik) salma! Bizə Öz tərəfindən bir mərhəmət bəxş et, çünki Sən, həqiqətən, (bəndələrinə mərhəmət, nemət) bəxş edənsən!”

Bəs bunun qarşılığında bəzən insan nə edir? Bir az çətinliklə üzləşən kimi Rəbbini qınayır, Ona üsyan edir. Elə ki, bütün problemləri həll olunur, şükür etməyi unudur. Buna baxmayaraq, Uca Allah yenə də öz bəndələrindən nemətlərini əskik etmir.

Mənbə

Güney Həsənova, "Cəmiyyət və Din" qəzeti, 2010-cu il.