Əli Abbasov
| Əli Abbasov Əli Məmməd oğlu Abbasov |
||||
 |
||||
|
||||
|---|---|---|---|---|
| 2004 — indiyə kimi | ||||
| Təvəllüdü: | 1 yanvar 1953-cü il Şahbuz, Naxçıvan MR |
|||
Abbasov Əli Məmməd oğlu – texnika elmləri doktoru, akademik, Rabitə və İnformasiya Texnologiyaları naziri; Dövlət İqtisad Universitetinin informasiya iqtisadiyyatı və texnologiyaları kafedrasının müdiri[1].
Mündəricat |
[redaktə] Həyatı
Əli Abbasov 1 yanvar 1953-cü ildə Naxçıvan Muxtar Respublikasının Şahbuz rayonunda anadan olub. 1976-cı ildə Moskva Energetika İnstitutunun avtomatika və hesablama texnikası fakültəsini bitirib. 1981-ci ildə namizədlik, 1994-cü ildə isə doktorluq dissertasiyasını müdafiə edib. 2000-ci ildə Azərbaycan Respublikası II çağırış Milli Məclisinin deputatı seçilib. 2004-cü ilin fevral ayında Rabitə və İnformasiya Texnologiyaları naziri təyin edilib.
1997-ci ildə Nyu-York Elmlər Akademiyasının, 1998-ci ildə Beynəlxalq İnformatlaşdırma Akademiyasının həqiqi üzvü seçilmişdir. 1994-cü ildən YUNESKOnun informatika və telekommunikasiya üzrə ekspertləri sırasına daxil edilmiş, 1995-ci ildən ölkəmizi Avropa INTERNET Beynəlxalq kompüter şəbəkəsi Assosiasiyasında (TERENA) təmsil edir.
[redaktə] Elmi nəaliyyətləri
Böyük və ifrat böyük inteqral sxemlərin sıxlığını artırmaq üçün topoloji metodlar verilmiş, elementlərin kristal üzərində optimal yerləşdirilməsi və əlaqələndirilməsi məsələsi müntəzəm həll edilmişdir. Kompüter şəbəkələrində idarə sistemlərinin funksional-topoloji quruluşu ilə tətbiq proseslərini əlaqələndirən optimal məsələlər həll olunmuşdur. Sərbəst topologiyaya malik kompüter şəbəkələrində dayanıqlıq məsələsinin həlli metodları, bu tip şəbəkələr üçün ierarxik idarə sisteminin sintezi, paylanmış informasiya sistemləri üçün imitasiya modellərinin yaradılması metodları, paylanmış verilənlər bazalarında bütövlük məsələləri işlənmişdir. Paylanmış intellektual sistemlərin nəzəri və praktiki əsasları təklif edilmişdir. Qeyri-səlis relyasiya strukturlu paylanmış biliklər bazaları, onlar üzərində qərarların qəbulu və ekspert sistemləri yaradılmış, qeyri-səlis strukturlu biliklər bazalarında adaptasiya metodları və ideal bilik bazasının riyazi modeli işlənib hazırlanmışdır. Hava hücumundan müdafiə sistemləri üçün uçuş informasiyalarının emalı və ixtisaslaşdırılmış METEO kompüter şəbəkəsi işlənmişdir.
[redaktə] Əsas elmi əsərlərin adları
- Аббасов А.М., Алиев Э.Р., Мамедова М.Г., Джабраилова З.Г. Архитектура и принципы реализации распределенных систем принятия решений. Управляющие системы и машины, 1993, №5
- Abbasov A.M., Aliyev E.R, Mamedova M.G., Jabrayilova Z.G. "Management decision support systems of distributed structure", Proc. of IFAC Symposium on Large-scale Systems, Beijing, China, 1992
- Аббасов А.М., Алиев Э.Р., Мамедова М.Г. Методы организации баз знаний с нечеткой реляционной структурой. Монография, Баку, Элм, 1997
- Abbasov A.M., Mamedova M.G., Gasumov V.A. "Fuzzy relational model for processing of knowledge and decision making", IEEE Computer Society, IEEE Intelligent Systems, no.4, April, 2001. http://computer.org/intelligent
- Abbasov A.M., Mamedova M.G., Orujov G.G., Aliyev H. "Synthesis of methods for subjective methods representation in problems of fuzzy patterns recognition", Mecatronics, no.11, 2001
[redaktə] Mənbə
[redaktə] İstinadlar
- ↑ VƏZİFƏLİ KAFEDRA MÜDİRLƏRİ (azərb.)
