Əli Kərimli

Vikipediya, açıq ensiklopediya
Keçid et: naviqasiya, axtar
Əli Kərimli
Əli Əmirhüseyn oğlu Kərimli
Əli Kərimli
Bayraq
Azərbaycan Respublikası III çağırış Milli Məclisinin deputatı
Bayraq
2005 — 2006
Sələfi: Əli Kərimli
Xələfi: Əhməd Vəliyev[1]
Bayraq
Azərbaycan Respublikası II çağırış Milli Məclisinin deputatı
Bayraq
2000 — 2005
Sələfi: Əli Kərimli
Xələfi: Əli Kərimli
Bayraq
Azərbaycan Respublikası I çağırış Milli Məclisinin deputatı
Bayraq
1995 — 2000
Sələfi: mandat təsis edilib
Xələfi: Əli Kərimli
Bayraq
Azərbaycan Respublikasının 4-cü Dövlət katibi
Bayraq
1 may 19937 iyul 1993
Sələfi: Pənah Hüseyn
Xələfi: Lalə Şövkət
 
Partiya: AHC logo.jpg Azərbaycan Xalq Cəbhəsi (1989-1995)
AHC logo.jpg Azərbaycan Xalq Cəbhəsi Partiyası (1995-h.h.)
Təhsili: Bakı Dövlət Universiteti
İxtisası: Hüquqşünas
Fəaliyyəti: Siyasətçi
Milliyəti: azərbaycanlı
Dini: İslam[2]
Təvəllüdü: 28 aprel 1965 (1965-04-28) (49 yaş)
Flag of the Soviet Union.svg SSRİ
Flag of Azerbaijan SSR.svg Azərbaycan SSR, Saatlı, Azadkənd
Atası: Əmirhüseyn Kərimli
Həyat yoldaşı: Samara Seyidova
Uşaqları: 3 övlad
oğlanları: Türkel Kərimli, Timur Kərimli
qızı: Selcan Kərimli
 
Elmi fəaliyyəti
Elm sahəsi: Hüquq
Tanınır: Siyasətçi

Əli Kərimli (tam adı:Əli Əmirhüseyn oğlu Kərimli; 28 aprel 1965, Azadkənd, Saatlı, Azərbaycan SSR, SSRİ) — azərbaycanlı[2] ictimai-siyasi xadim; hüquqşünas; Azərbaycan Respublikasının Ərazi idarəetmə orqanları ilə iş üzrə Dövlət müşaviri xidmətinin Ərazi idarəetmə orqanları ilə iş şöbəsinin müdiri (1992); Azərbaycan Respublikasının Dövlət katibi (1.05.1993-7.07.1993)Azərbaycan Respublikası Milli Məclisinin I[3], II[4]III çağırış deputatı.[5] Azərbaycan Xalq Cəbhəsi Partiyasının 2-ci sədri və lideri (2001-h.h.)[2]; Azadlıq blokunun həmtəsisçisi (2005-2010); AXCP-Müsavat seçki blokunun həmtəsisçisi (2010)[6] ; Demokratik Qüvvələrin Milli Şurasının qurucu üzvlərindən biri (2013-h.h.)[7] və Koordinasiya Şurasının üzvü (2014-h.h.)[8].

Həyatı[redaktə]

Əli Əmirhüseyn oğlu Kərimov 28 aprel 1965-ci ildə Saatlı rayonunun Azadkənd kəndində anadan olub.[9][10][11] 1983-1985-ci illərdə[12] Rusiya SFSR, Buryatiya MSSR-də həqiqi hərbi xidmətdə olmuşdur. Birinci Qarabağ müharibəsində Azərbaycan Respublikası torpaqlarının erməni işğalından müdafiəsi üçün 1989-cu ildə könüllü müdafiə dəstələrinin komandiri kimi Qubadlı-Laçın cəbhəsində Qazıdərə, CicimliAşağı Cicimli kəndlərinin müdafiəsini təşkil etmişdir.[10] Xarici pasportu olmayan nadir siyasətçilərdən biridir.[13]

Təhsili[redaktə]

Əli Kərimli 1972-ci ildə Saatlı rayonu, Azadkənd orta məktəbinə daxil olmuş və 1982-ci ildə həmin təhsil müəssisəsini bitirmişdir.

1986-cı ildə Sergey Kirov adına Azərbaycan Dövlət Universitetinin (indiki Bakı Dövlət Universiteti) Hüquq fakültəsinə daxil olmuş və 1991-ci ildə həmin fakültəni bitirmişdir.[9][11]

Əmək fəaliyyəti[redaktə]

Əli Kərimli 1991-ci ildə Bakı Dövlət Universitetini bitirdikdən sonra orada bir müddət hüquq üzrə müəllim işləmiş[9] və bu dövrdə Azadlıq qəzetinin parlament müxbiri olmuşdur.[10].

İctimai-siyasi fəaliyyəti[redaktə]

1987-ci ildə Sergey Kirov adına Azərbaycan Dövlət Universitetində Hüquq fakültəsi II kursda oxuyarkən Komsomol katibi olmuşdur.

1987-ci ildə yaradlan Yurd İctimai Birliyinin yaradıcılarından biri olmuşdur.[11][10] 1988-ci ildə "Yurd" İB-nin üzvlərinin də dəstəyi ilə o zaman iqtidarda olan SSRİ Kommunist Partiyası rejiminə etiraz olaraq tələbələrin Bakıda görüşünü təşkil etmişdir.[10]

1989-cu ildə Komsomolun BDU-da universitet səviyyəsində özünü buraxmasına nail olmuşdur.[10]

1989-cu ildə təsis edilmiş Azərbaycan Xalq Cəbhəsi hərəkatının nizamnəməsinin yaradılmasında iştirak etmişdir. AXC-nin BDU şöbəsinin həmtəsisçisi və sədri olmuşdur.[11] AXC Ali Məclisinin üzvü, 1992-ci ildə isə sədri olmuşdur.[11] 1994-cü ilin may ayında Bakı şəhərinə qayıdaraq AXC sədrinin siyasi məsələlər üzrə müavini işləmişdir.[11] Sonra isə AXC (daha sonra Azərbaycan Xalq Cəbhəsi Partiyası) sədrinin birinci muavini olmuşdur. 10 sentyabr 1994-cü ildə Azərbaycan Respublikası iqtidarının Rusiya qoşunlarını ölkəyə geri qaytarması məsələsinə etiraz etmiş, və bu məsələ ilə əlaqədar olaraq Bakıda keçirilən icazəsiz etiraz aksiyasına rəhbərlik etmişdir.[10]

22 avqust 2000-ci ildə AXCP-nin sədri Əbülfəz Elçibəyin vəfatından sonra, 2001-ci ildə keçirilmiş AXCP partiya qurultayında yekdilliklə partiyaya sədr seçilmişdir.[9]

2005-ci il Azərbaycan Respublikasının Milli Məclisinə seçkilər ərəfəsində yaradılmış Azadlıq Blokunun yaradıcı üzvlərindən biri olmuşdur.

2009-cu il Azərbaycan Respublikası Konstitusiyasına əlavə və dəyişikliklər haqqında referendum ərəfəsində yaradılmış “Qarabağ və Respublika Uğrunda Hərəkat” referendum üzrə təşviqat qrupunun səlahiyyətli nümayəndəsi (maliyyə məsələləri üzrə səlahiyyətli nümayəndəsi) olmuşdur.[14]

2010-ci il Azərbaycan Respublikasının Milli Məclisinə seçkilər ərəfəsində yaradılmış AXCP-Müsavat Blokunun yaradıcılarından biri olmuşdur.[10]

2013-cü il Azərbaycan Respublikası prezidenti seçkiləri ərəfəsində yaradılmış Demokratik Qüvvələrin Milli Şurasının qurucu üzvlərindən biri olmuşdur.[7] 17 yanvar 2014-cü ildə isə həmin qurumun Koordinasiya Şurasının üzvü seçilmişdir.[8]

Diplomatik fəaliyyəti[redaktə]

1992-ci ilin mayında Azərbaycan Respublikası Prezident Aparatının (indiki Azərbaycan Respublikası Prezident Administrasiyası) Azərbaycan Respublikasının Ərazi idarəetmə orqanları ilə iş üzrə Dövlət müşaviri xidmətinin Ərazi idarəetmə orqanları ilə iş şöbəsinin müdiri işləmişdir.[9][11] Bu dövrdə Azərbaycan Respublikasının 2-ci Prezidenti Əbülfəz Elçibəy tərəfindən Alma-Ata Memorandumunu və İrəvan Protokolunu həyata keçirən qərargahın tərkibinə daxil edilmişdir.[15] 1 may 1993-cü ildə Azərbaycan Respubikasının 2-ci Prezidenti Əbülfəz Elçibəy tərəfindən Azərbaycan Respublikasının Dövlət katibi təyin edilmişdir.[16][11] 1993-cü il 4 iyun hadisələrindən sonra Azərbaycan Respublikasının 2-ci prezidenti Əbülfəz Elçibəyin Bakını tərk edib Naxçıvan MR-in Ordubad rayonunun Kələki kəndinə getməsindən sonra o hadisələri qiyam kimi qiymətləndirmiş[11], 26 iyun 1993-cü ildə isə tutduğu vəzifədən istefa verərək Əbülfəz Elçibəyin yanına, Kələkiyə getmişdir.[11] 7 iyul 1993-cü ildə Azərbaycan Respublikası Prezidentinin səlahiyyətini həyata keçirən Azərbaycan Respublikası Ali Sovetinin sədri Heydər Əliyev tərəfindən vəzifəsindən azad edilmişdir.[17]16 iyul 1993-cü ildə Milli Məcisdə çıxış etərək baş verən hadisələri dövlət rəsmiləri içərisində ilk dəfə qiyam kimi qiymətləndirmişdir.[18] Kələki kəndindən bir sıra Qərbi Avropa ölkələri və Amerika Birləşmiş Ştatlarına işgüzar səfərlərə çıxmışdır.[9][11]

Parlamentdə[redaktə]

12 noyabr 1995[3], 5 noyabr 2000-ci ildə[4] proporsional seçki sistemi əsasında çoxmandatlı seçki dairələri üzrə Azərbaycan Xalq Cəbhəsi Partiyasından, 6 noyabr 2005-ci ildə[5] isə majoritar seçki sistemi əsasında 31 saylı Suraxanı ikinci seçki dairəsindən Azadlıq blokundan Azərbaycan Respublikası Milli Məclisinə deputat seçilmişdir. Bir sıra qanunvericilik aktlarının hazırlanmasında yaxından iştirak etmişdir.

I çağırış[redaktə]

Əli Kərimli Azərbaycan Respublikasının Milli Məclisinə I çağırış seçkilərində Azərbaycan Xalq Cəbhəsi Partiyasını təmsil etmiş və bu seçkidə Kərimov soyadı ilə iştirak etmişdir. 12 noyabr 1995-ci ildə keçirilmiş seçkidə proporsional seçki sistemi əsasında iştirak edərək çoxmandatlı seçki dairələri üzrə deputatlığa namizəd olmuş və deputat seçilmişdir.[3][11]

I çağırış dövründə Azərbaycan Respublikası Milli Məclisinin Azərbaycanİsveç parlamentlərarası əlaqələr üzrə işçi qrupunun üzvü olmuşdur.[19]

II çağırış[redaktə]

Əli Kərimli Azərbaycan Respublikasının Milli Məclisinə II çağırış seçkilərində Azərbaycan Xalq Cəbhəsi Partiyasını təmsil etmiş və bu seçkidə Kərimov soyadı ilə iştirak etmişdir. 5 noyabr 2000-ci ildə keçirilmiş seçkidə proporsional seçki sistemi əsasında iştirak edərək çoxmandatlı seçki dairələri üzrə deputatlığa namizəd olmuş və deputat seçilmişdir.[4]

II çağırış dövründə Azərbaycan Respublikası Milli Məclisinin İnsan hüquqları daimi komissiyasının[20], AzərbaycanXorvatiya parlamentlərarası əlaqələr üzrə işçi qrupunun üzvü olmuşdur.[21]

III çağırış[redaktə]

Əli Kərimli Azərbaycan Respublikasının Milli Məclisinə III çağırış seçkilərində Azadlıq Blokunu təmsil etmiş[11] və bu seçkidə Kərimli soyadı ilə iştirak etmişdir. 6 noyabr 2005-ci ildə keçirilmiş seçkidə majoritar seçki sistemi əsasında 31 saylı Suraxanı ikinci seçki dairəsindən deputatlığa namizəd olmuş və deputat seçilmişdir.[5] Seçkilərin nəticələrinin saxtalaşdırılmasına etiraz olaraq parlamentə getməkdən imtina etmiş və Azərbaycan Respublikası Konstitusiya Məhkəməsi onun millət vəkili mandatını siyası motivlərlə ləğv etmişdir.[9]

IV çağırış[redaktə]

Əli Kərimli Azərbaycan Respublikasının Milli Məclisinə IV çağırış seçkilərində AXCP-Müsavat Blokunu təmsil etmiş və bu seçkidə Kərimli soyadı ilə iştirak etmişdir. 7 noyabr 2010-cu ildə keçirilmiş seçkidə majoritar seçki sistemi əsasında 31 saylı Suraxanı ikinci seçki dairəsindən deputatlığa namizəd olmuş və 2392 səs yığaraq, 29 %-lə II yeri tutmuş və deputat seçilə bilməmişdir.[22] Seçkilərin saxtalaşdırılması ilə bağlı Azərbaycan Respublikasının Mərkəzi Seçki Komissiyasına müraciət etmişdir.[23]

Prezident seçkilərində[redaktə]

V Prezident seçkiləri[redaktə]

Əli Kərimli 15 avqust 2003-cü ildə Azərbaycan Respublikası Prezidenti postuna keçirilən V seçkilərdə prezidentliyə sədri olduğu Azərbaycan Xalq Cəbhəsi Partiyasından namizəd olmuşdur.[24][11] Seçki ərəfəsində Azərbaycan Televiziyasında ayrılmış efir vaxtından 29 avqust5 sentyabr 2003-cü il tarixdə istifadə edərkən o zamankı Azərbaycan Respublikası Prezidenti Heydər Əliyevin şərəf və ləyaqətini təhqir edən və ləkələyən məlumatlar yaydıqlarına görə həmin namizədlər haqqında tədbir görülməsi barədə Yeni Azərbaycan Partiyası Azərbaycan Respublikası Mərkəzi Seçki Komissiyasına müraciət ünvanlamış, MSK Əli Kərimliyə gələcəkdə belə hallara yol verməməsi üçün xəbərdarlıq, sonra isə təkrar xəbərdarlıq edilməsi və şikayət ərizəsindəki faktların araşdırılıb tədbir görülməsindən ötrü Azərbaycan Respublikası Ədliyyə Nazirliyinə göndərilməsi haqda qərar qəbul etmişdir.[25][26] Əli Kərimli 3 oktyabr 2003-cü ildə namizədliyini geri götürmüşdür.[27] Əli Kərimli və sədri olduğu Azərbaycan Xalq Cəbhəsi Partiyası sonda seçkilərə Azərbaycan Milli İstiqlal Partiyası ilə koalisiya halında gedərək bu partiyanın namizədi Etibar Məmmədovu dəstəkləmişdir.[28] Əli Kərimli seçkilərdən sonra seçki nəticələrinin saxtalaşdırıldığı iddiasını irəli sürmüş və seçki nəticələrini tanımadığını açıqlamışdır.[29]

VI Prezident seçkiləri[redaktə]

2008-ci il Azərbaycan Respublikası Prezident seçkilərini boykot etmiş və seçkilərdə iştirak etməmişdir.[11]

VII Prezident seçkiləri[redaktə]

Hələ seçkidən öncə Əli Kərimlinin müavini Fuad Qəhrəmanlı Əli Kərimlinin seçkidə iştirakı barədə belə demişdir:

" Əli Kərimlinin Xalq Cəbhəsinin namizədi kimi seçkiyə qatılmaq niyyəti yoxdur. O, yalnız Milli Şuranın vahid namizədi kimi prezident seçkilərinə qatıla bilər[30]
"

Əli Kərimli 2013-cü ildə keçirilmiş Azərbaycan Respublikası Prezidenti postuna keçirilən VII seçkilərdə Demokratik Qüvvələrin Milli Şurasının vahid namizədi Cəmil Həsənlini dəstəkləmişdir.

Şəxsi həyatı[redaktə]

Ailəsi[redaktə]

Əli Kərimli 1991-ci ildə Samara Seyidova ilə ailə həyatı qurmuşdur və hal-hazırda da bu xanımla ailəlidir[31]; İlk övladı Türkel Kərimli, ortancıl övladı Sezen Kərimli[32], üçüncü övladı isə Timur Kərimlidir. Kiçik oğlu Timur Kərimli 2013-cü ilin mart ayında dünyaya gəlib.[33][34]

Mənbə[redaktə]

İstinadlar[redaktə]

  1. "Üçüncü çağırış Azərbaycan Respublikası Milli Məclisinin deputatları haqqında seçildikləri tarixə olan qısa məlumatlar" (az). meclis.gov.az. 2005. http://www.meclis.gov.az/?/az/content/85. İstifadə tarixi: 2014-01-28. 
  2. 2,0 2,1 2,2 Əli Kərimli. "Rəsmi facebook səhifəsində haqqında" (az, en). facebook.com. https://www.facebook.com/karimliali/info. İstifadə tarixi: 2014-01-28. 
  3. 3,0 3,1 3,2 Milli Məclis. "İkinci çağırış Azərbaycan Respublikası Milli Məclisinin deputatları haqqında seçildikləri tarixə olan qısa məlumatlar" (az). meclis.gov.az. http://www.meclis.gov.az/?/az/content/58. İstifadə tarixi: 2014-01-28. 
  4. 4,0 4,1 4,2 Milli Məclis. "Birinci çağırış Azərbaycan Respublikası Milli Məclisinin deputatları haqqında seçildikləri tarixə olan qısa məlumatlar" (az). meclis.gov.az. http://www.meclis.gov.az/?/az/content/57. İstifadə tarixi: 2014-01-28. 
  5. 5,0 5,1 5,2 MSK (2005-11-??). "Səsvermənin nəticələriÜçüncü çağırış Azərbaycan Respublikasının Milli Məclisinə seçkilər 6 noyabr 2005-ci il səsvermənin ümumi yekunları haqqında Azərbaycan Respublikası Mərkəzi Seçki komissiyasının protokolu" (az). msk.gov.az. http://www.msk.gov.az/uploads/protokollar/MSK_protokol_2005.pdf. İstifadə tarixi: 2014-01-28. 
  6. Ülkər Akifqızı (2010-09-08). "AXCP-Müsavat seçki bloku yarandı" (az). azadliq.org. http://www.azadliq.org/content/article/2151885.html. İstifadə tarixi: 2014-01-28. 
  7. 7,0 7,1 "Milli Şura üzvlərinin siyahısı" (az). azadliq.info. 2013-06-07. http://www.azadliq.info/syast/327-siyaset2/31645-milli-ura-uezvlrinin-siyahs.html. İstifadə tarixi: 2014-01-28. 
  8. 8,0 8,1 Natiq Güləhmədoğlu (2014-01-17). "Milli Şura yeni mərhələyə qədəm qoydu FOTO/VİDEO" (az). azadliq.info. http://www.azadliq.info/reportaj/339-reportaj2/40212-milli-sura-sessiya.html. İstifadə tarixi: 2014-01-28. 
  9. 9,0 9,1 9,2 9,3 9,4 9,5 9,6 "Əli Kərimli, Bioqrafiyası" (az). axcp.az. http://axcp.az/index.php?option=com_content&view=article&id=107:bioqrafiyas&catid=61:li-krimli-bioqrafiya. İstifadə tarixi: 2014-01-28. 
  10. 10,0 10,1 10,2 10,3 10,4 10,5 10,6 10,7 Əli Kərimli (2010-10-30). "Alı bəyin Azadlıqda çap olunmuş yazısı" (az). akarimli.wordpress.com. http://akarimli.wordpress.com/2010/11/09/ali-bəyin-azadliqda-cap-olunmus-yazisi/. İstifadə tarixi: 2014-01-28. 
  11. 11,00 11,01 11,02 11,03 11,04 11,05 11,06 11,07 11,08 11,09 11,10 11,11 11,12 11,13 11,14 "Əli Kərimli" (az). adam.az. http://adam.az/index.php?option=com_sobi2&sobi2Task=sobi2Details&sobi2Id=2263&Itemid=53. İstifadə tarixi: 2014-03-15. 
  12. "Əli Kərimli əsgərlik şəklini yaydı - FOTO" (az). modern.az. 2013-06-26. http://modern.az/articles/40827/1/. İstifadə tarixi: 2014-01-28. 
  13. Şahvələd Çobanoğlu (2010-11-02). "Əli Kərimli niyə hədəfdədir?" (az). azadliq.info. https://web.archive.org/web/20101106212929/http://azadliq.info/aktual/5046.html. İstifadə tarixi: 2014-01-28. 
  14. Məzahir Pənahov (2009-02-24). "2009-cu il martın 18-nə təyin edilmiş referendumda qeydə alınmış “Qarabağ və Respublika Uğrunda Hərəkat” referendum üzrə təşviqat qrupunun səlahiyyətli nümayəndələrinin (maliyyə məsələləri üzrə səlahiyyətli nümayəndənin) qeydə alınması barədə Azərbaycan Respublikasının Mərkəzi Seçki Komissiyasının qərarı" (az). e-qanun.az. http://www.e-qanun.az/print.php?internal=view&target=1&docid=16351&doctype=0. İstifadə tarixi: 2014-01-28. 
  15. Əbülfəz Elçibəy (1992-09-10). "Alma-Ata Memorandumunu və İrəvan Protokolunu həyata keçirən Qərargahın təsis edilməsi haqqında Azərbaycan Respublikası Prezidentinin sərəncamı" (az). e-qanun.az. http://www.e-qanun.az/print.php?internal=view&target=1&docid=7761&doctype=0. İstifadə tarixi: 2014-01-28. 
  16. Əbülfəz Elçibəy (1993-05-01). ""Ə.Ə. Kərimovun Azərbaycan Respublikasının Dövlət katibi təyin edilməsi haqqında" Azərbaycan Respublikası Prezidentinin 1 may 1993-cü il tarixli, 545 nömrəli fərmanı" (az). e-qanun.az. http://e-qanun.az/print.php?internal=view&target=1&docid=8298&doctype=0. İstifadə tarixi: 2014-01-28. 
  17. Heydər Əliyev (1993-07-07). "Ə. Ə. Kərimovun Azərbaycan Respublikasının Dövlət katibi vəzifəsindən azad edilməsi haqqında" Azərbaycan Respublikası Prezidentinin 7 iyul 1993-cü il tarixli, 673 nömrəli fərmanı" (az). e-qanun.az. http://e-qanun.az/print.php?internal=view&target=1&docid=8441&doctype=0. İstifadə tarixi: 2014-01-28. 
  18. Azadlıq qəzeti, 16 yanvar 2014, səh. 7
  19. Murtuz Ələsgərov (1997-03-07). "Azərbaycan Respublikası Milli Məclisinin parlamentlərarası əlaqələr üzrə işçi qruplarının yaradılması haqqında Azərbaycan Respublikası Mili Məclisinin qərarı" (az). e-qanun.az. http://www.e-qanun.az/print.php?internal=view&target=1&docid=16244&doctype=0. İstifadə tarixi: 2014-01-28. 
  20. Murtuz Ələsgərov (2000-12-05). "Azərbaycan Respublikası Milli Məclisinin İnsan hüquqları daimi komissiyası üzvlərinin seçilməsi haqqında Azərbaycan Respublikası Mili Məclisinin qərarı" (az). e-qanun.az. http://www.e-qanun.az/print.php?internal=view&target=1&docid=14756&doctype=0. İstifadə tarixi: 2014-01-28. 
  21. Murtuz Ələsgərov (2000-12-05). "Azərbaycan Respublikası Milli Məclisinin parlamentlərarası əlaqələr üzrə işçi qruplarının yaradılması haqqında Azərbaycan Respublikası Mili Məclisinin qərarı" (az). e-qanun.az. http://www.e-qanun.az/print.php?internal=view&target=1&docid=14761&doctype=0. İstifadə tarixi: 2014-01-28. 
  22. "REPUBLIC OF AZERBAIJAN LEGISLATIVE ELECTION OF 7 NOVEMBER 2010" (en). psephos.adam-carr.net. http://psephos.adam-carr.net/countries/a/azerbaijan/azerbaijan2010.txt. İstifadə tarixi: 2014-01-28. 
  23. "2010-cu il noyabrın 7-də keçirilmiş Azərbaycan Respublikasının Milli Məclisinə seçkilərdə Mərkəzi Seçki Komissiyasına daxil olmuş 9-10 noyabr 2010-cu il tarixli 435 və 463 saylı müraciətlərə baxılması barədə Azərbaycan Respublikasının Mərkəzi Seçki Komissiyasının qərarı" (az). e-qanun.az. 2010-11-21. http://www.e-qanun.az/print.php?internal=view&target=1&docid=20880&doctype=0. İstifadə tarixi: 2014-01-28. 
  24. Məzahir Pənahov (2003-08-15). "2003-cü il oktyabrın 15-də keçiriləcək Azərbaycan Respublikası prezidenti seçkilərində cənab Kərimli Əli Əmirhüseyn oğlunun prezidentliyə namizədliyinin qeydə alınması haqqında Azərbaycan Respublikası Mərkəzi Seçki Komissiyasının qərarı" (az). e-qanun.az. http://www.e-qanun.az/print.php?internal=view&target=1&docid=17601&doctype=0. İstifadə tarixi: 2014-01-28. 
  25. MSK (2003-09-02). "Sentyabrın 2-də Məzahir Pənahovun sədrliyi ilə Mərkəzi Seçki Komissiyasının İclası keçirilmişdir" (az). msk.gov.az. http://www.msk.gov.az/az/newsmsk/208. İstifadə tarixi: 2014-01-28. 
  26. Məzahir Pənahov (2003-09-08). "Prezidentliyə namizədlikləri qeydə alınmış cənab Qəmbər İsa Yunis oğlunun, cənab Məmmədov Etibar Səlidar oğlunun və cənab Kərimli Əli Əmirhüseyn oğlunun dövlət televiziyasında ayrılmış efir vaxtından istifadə edilərkən prezidentliyə namizədliyi qeydə alınmış cənab Əliyev Heydər Əlirza oğlunun şərəf və ləyaqətini təhqir edən və ləkələyən məlumatlar yaydığına görə onlar haqqında tədbir görülməsi barədə Yeni Azərbaycan Partiyasının müraciətinə baxılması haqqında Azərbaycan Respublikasının Mərkəzi Seçki Komissiyasının qərarı" (az). e-qanun.az. http://www.e-qanun.az/print.php?internal=view&target=1&docid=17565&doctype=0. İstifadə tarixi: 2014-01-28. 
  27. "Oktyabryn 3-də Məzahir Pənahovun sədrliyi ilə Mərkəzi Seçki Komissiyasının iclası keçirilmişdir" (az). msk.gov.az. 2003-10-03. http://www.msk.gov.az/az/newsmsk/217. İstifadə tarixi: 2014-01-28. 
  28. İlkin (2014-01-14). "Müsavatdan sərt cavab: “Əli Kərimli sözündə bütöv adam deyil”" (az). modern.az. http://modern.az/articles/50319/1/. İstifadə tarixi: 2014-01-28. 
  29. "Azerbaycan karıştı: 2 ölü" (tr). Hürriyet gazetesi. 2003-10-16. http://webarsiv.hurriyet.com.tr/2003/10/16/358119.asp. İstifadə tarixi: 2014-03-29. 
  30. Namidə Bingöl (2013-08-16). "“Əli Kərimli yalnız Milli Şuranın namizədi kimi seçkiyə qatıla bilər”" (az). modern.az. http://modern.az/articles/43082/1/. İstifadə tarixi: 2014-01-28. 
  31. Press24.az (2013-10-09). "Əli Kərimli və həyat yoldaşı səs verdi- FOTO" (az). modern.az. http://modern.az/articles/45757/1/. İstifadə tarixi: 2014-02-19. 
  32. A.Qorxmaz (2014-01-12). "AXCP sədri Əli Kərimli ailəsilə birgə... - FOTO" (az). modern.az. http://modern.az/articles/50227/1/. İstifadə tarixi: 2014-01-28. 
  33. "Əli Kərimli 3-cü dəfə ata oldu, uşağa Timur adını verdilər" (az). modern.az. 2013-03-18. http://modern.az/articles/36112/1/. İstifadə tarixi: 2014-01-28. 
  34. "Əli Kərimli ailəsinin fotosunu paylaşdı - Foto" (az). qafqazinfo.az. 2014-01-12. http://qafqazinfo.az/xeber-li-krimli-ailsinin-fotosunu-paylad-t73188.html. İstifadə tarixi: 2014-01-28. 

Həmçinin bax[redaktə]

Xarici keçidlər[redaktə]

  • Forrest, Brett (Nov. 28, 2005). "Over A Barrel in Baku". Fortune, səh.54-60.