Əli Kərimli
| Əli Əmirhüseyn oğlu Kərimli | ||||
 |
||||
| Əli Kərimli (solda), Lalə Şövkət və İsa Qəmbər ilə birlikdə | ||||
|
||||
|---|---|---|---|---|
| 1 may 1993 — 7 iyul 1993 | ||||
| Partiya: | Azərbaycan Xalq Cəbhəsi Partiyası | |||
| Təhsili: | Bakı Dövlət Universiteti | |||
| Dini: | İslam | |||
| Təvəllüdü: | 28 aprel 1965-ci il  SSRİ Azərbaycan SSR, Saatlı |
|||
| Atası: | Əmirhüseyn Kərimli | |||
| Saytı: | axcp.az | |||
| Mükafatları: |
- |
|||
Kərimli Əli Əmirhüseyn oğlu (d. 28 aprel 1965 Saatlı, Azərbaycan SSR, SSRİ) — siyasətçi, millət vəkili (1995-2005), Azərbaycan Xalq Cəbhəsi Partiyasının reformist qanadının sədri.
Həyatı [redaktə]
Əli Kərimli 1965-ci il Saatlı rayonunun Azadkənd kəndində anadan olub. 1985-ci ildə hərbi xidməti başa vurduqdan sonra 1991-ci ildə Bakı Dövlət Universitetinin hüquq fakültəsini bitirib. Elə orada AXC-nin BDU-dakı şöbəsinin yaradıcılarından biri və sədri olub. Azərbaycan Xalq Cəbhəsini hərəkatının nizamnəməsinin yaradılmasında iştirak edib.
Tələbəlik illərində demokratik islahatları dəstəkləyən "Yurd" ictimai birliyinin yaradıcılarından biri və onun rəhbəri olub. 1988-ci ildə "Yurd" ziyalıların dəstəyi ilə kommunist rejiminə etiraz olaraq tələbələrin Bakıda görüşünü təşkil edir. Bu görüş təhlükəsizlik xidmətlərinin xüsusi alayı ilə dağıdılır. Digər Azərbaycan millətçiləri kimi o da rus soyad sonluğunu (-ov) çıxararaq soyadını Kərimli etmişdir.
Əli Kərimli AXC Ali Məclisinin üzvü olub və AXC Ali Məclisi sədrinin müavini vəzifəsində işləyib. "Azadlıq" qəzetinin parlament müxbiri olub. 1991-ci ildə BDU-nu bitirkdən sonra orada hüquq üzrə bir müddət müəllim işləyib. 1992-ci ilin mayında Azərbaycan Respublikası Prezidenti Aparatının ərazi-idarəetmə və hakimiyyət orqanları ilə iş şöbəsinin müdiri, 1 may 1993-cü ildən isə Azərbaycan Respublikasının Dövlət katibi təyin olunub[1]. 7 iyul 1993-cü ildə isə həmin vəzifədən azad edilmişdir[2].
Əli Kərimli 1993-cü ildə 4 iyun hadisələrini rəsmi şəkildə qiyam kimi qiymətləndirən ilk dövlət nümayəndəsi olub. 1993-cü il iyunun 26-da istefa verərək Ordubad rayonunun Kələki kəndində yaşayan prezident Elçibəyin yanına gedib, oradan isə bir sıra Qərbi Avropa ölkələri və Amerika Birləşmiş Ştatlarına işgüzar səfərlərə çıxıb. 1994-cü ilin may ayından Bakı şəhərinə qayıdaraq AXCP sədrinin siyasi məsələlər üzrə müavini işləyib. 1995-ci il noyabrın 12-də proporsional qaydada AXC-dən Milli Məclisin üzvü seçilib. Əbülfəz Elçibəyin ölümündən sonra AXCP iki hissəyə - konservativ (KXCP) və reformist qanadlara bölünür. Kərimli reformist qanadının rəhbəri olur. 2003-cü il prezident seçkilərində namizəd olub. Özünün coşqulu müxalif baxışları üzündən xarici pasportdan məhrum edilib. Dünyada xarici pasportu olmayan çox az sayda müxalifətçilərdən biridir.
Hazırda AXCP-nin sədridir.
İstinadlar [redaktə]
- ↑ "Ə.Ə. Kərimovun Azərbaycan Respublikasının Dövlət katibi təyin edilməsi haqqında" Azərbaycan Respublikası Prezidentinin 1 may 1993-cü il tarixli, 545 nömrəli Fərmanı. e-qanun.az (azərb.)
- ↑ "Ə. Ə. Kərimovun Azərbaycan Respublikasının Dövlət katibi vəzifəsindən azad edilməsi haqqında" Azərbaycan Respublikası Prezidentinin 7 iyul 1993-cü il tarixli, 673 nömrəli Fərmanı. e-qanun.az (azərb.)
