Əli Camal oğlu (Səbri) 1892-ci ildə Naxçıvanda, Nehrəm kəndində dünyaya gəlmişdir. İlk təhsilini mollaxanada, daha sonra M.T.Sidqinin "Məktəbi tərbiyyə"sində almışdır. Bu müddətdə ona M.A.Qədimov, Q.Şərifzadə, H.Cavid kimi görkəmli şəxslər dərs demişdir. Sonralar ailəsinin xəbəri olmadan Qoriyə gəlmiş burada imtahan verərək dövlət hesabına Qori müəllimlər semnarıyasına qəbul olunmuşdur. Semnariyada ona Rəşid bəy Əfəndiyev, Firidun bəy Köçərli kimi nəhəng simalar dərs demişdir. Təhsilini başa vurduqdan sonra Bakıda rus-tatar məktəbində dərs demişdir. Birinci dünya müharibəsi illərinda xeyriyyə cəmiyyətlərinin xətti ilə Azərbaycanın, Gürcüstanın, Türkiyənin müxtəlif bölgələrdə fəaliyyət göstərmişdir. Müharibədən sonra Bakıya dönmüş, ali təhsil almış, ailə qurmuşdur. Sovetlər Azərbaycanı işğal edəndən sonra "Maarif işçisi" jurnalında və başqa bu kimi işlərdə işləmişdir. 1932-ci ildə həbs olunmuş və qısa vaxtdan sonra azadlığa buraxılmışdır. 1938-ci ildə yenidən həbs alınmışdır. 1943-cü ildə azadlığa buraxılsa da, bir neçə ildən sonra yenidən azadlıqdan məhrum edilmişdir. 1955-ci ilə qədər Rusiyanın müxtəlif həbs düşərgələrində sürgünlərdə olmuşdur. Həmin ildə Ali məhkəmənin qərarı ilə azadlığa buraxılmışdır. Bundan sonra Bakıda "Azərnəşr"də işləmişdir. 1983-cü ildə vəfat etmişdir.
[redaktə] Həmçinin bax
