Əliağa Həsənov
| Əliağa Həsənov azərb. Əliağa Həsənov |
||||
 |
||||
|
||||
|---|---|---|---|---|
| 14 mart, 1919 — 22 dekabr, 1919 | ||||
| Sələfi: | İ.Protasov | |||
| Xələfi: | Rəşid xan Qaplanov | |||
| Təvəllüdü: | 1871-ci il Bakı, Bakı quberniyası, Rusiya İmperiyası |
|||
| Vəfatı: | 1933-cü il Bakı, |
|||
Əliağa Həsənov - Azərbaycan Xalq Cümhuriyyətinin Maliyyə naziri olmuşdur.
Ə.Həsənov 1871-ci ildə Bakıda anadan olmuşdur. O, Bakı Kommersiya məktəbini bitirmişdir. Təhsil illərində Əliağa Həsənov türk, ərəb, fars və rus dillərini mükəmməl öyrənmişdir. Bakının ictimai həyatında fəal iştirak edən Ə.Həsənov şəhər Dumasının üzvü seçilmişdir. Bakıya Şollar su kəmərinin, kanalizasiya şəbəkəsinin çəkilməsində, Dənizkənarı parkın salınmasında onun böyük xidmətləri olmuşdur.
1918-ci ilin dekabrında Azərbaycan parlamentinə üzv seçilmişdir. O, F.Xoyskinin təşkil etdiyi hökumət kabinetində maliyyə nazirinin müavini, N.Yusifbəylinin kabinetində isə maliyyə naziri təyin olunmuşdur. Ə.Həsənovun rəhbərliyi altında 1919-cu il sentyabrın 30-da Bakıda Azərbaycan Dövlət Bankı fəaliyyətə başlamışdır. Bankın Gəncə, Şamaxı, Lənkəran və digər şəhərlərdə şöbələri təşkil olunmuşdur. 1919-1920-ci illərdə Azərbaycan Xalq Cümhuriyyətinin 25, 50, 100, 250 və 500 manatlıq dəyərində kağız pulları dövriyyəyə buraxılmışdır. Yüksək bədii zövqlə tərtib olunmuş bu əskinasların üzərində Nazirlər Şurasının sədri N.Yusifbəylinin və maliyyə naziri Ə.Həsənovun imzaları var idi. Ə.Həsənov 1933-cü ilin martında Bakıda vəfat etmişdir.
