Əlirza Sərrafi
| ƏLİRZA SƏRRAFİ | |
 |
|
| Doğum tarixi: | 1954 |
|---|---|
| Doğum yeri: | Urmu şəhəri , Qərbi Azərbaycan ostanı , İran |
Əlirza Sərrafi - 1954-cü ildə Urmuda anadan olub. Təbriz, Tehran, İsfahan və Urmiya şəhərlərində orta təhsil alıb. 1973-cü ildə Tehrandakı Ariyamehr (indiki Şərif) Universitetinin inşaat mühəndisləri fakültəsinə daxil olub. Bir il sonra ciddi şəkildə kültürəl fəaliyyətə başlayıb. Hələ şah zamanında dostları ilə Azərbaycan türklərinin Kültür Araşdırma Mərkəzi yaradıb. İlk dəfə o vaxt Azərbaycan aşıqlarını təhsil aldığı universitetə dəvət ediblər. Həmin illərdə aşıq sənəti ilə bağlı ilk dəfə araşdırma yazı yazıb.1979-cu il inqilabından bir-iki ay sonra həmin universitetdə Azərbaycan türklərinə edilmiş milli sitəmlər haqda konqres qurublar. Bu konqresdə o özü Azərbaycan türklərinin haqları ilə bağlı çıxış edib. Bundan başqa, onlar həmin illərdə türk və fars dillərində öz şəxsi hesablarına "Çənlibel" adlı qəzet də çıxarıblar.Lakin o vaxt fanatik hizbullahçılar qəzet redaksiyalarına bir-birinin ardınca od vurduqlarından "Çənlibel" qəzetinin qapısına 6 - 7 sayından sonra qıfıl vurmalı olurlar. "Çənlibel"dən sonra "Azərbaycanın səsi" adlı dərgi buraxıblar. O da "Çənlibel"in taleyini yaşayıb.Ə.Sərrafinin inqilabdan sonra Tehranda türk və fars dillərində çap olunan "Varlıq" dərgisində Dədə Qorqud haqda məqaləsi dərc edilir. Azərbaycan türkcəsində olan bu yazı dərginin səkkiz sayında verilir. Güney Azərbaycanda çıxan "Mobin", "Nəvide-Azərbaycan", "Şəms Təbriz", "Öyrənci" və s. qəzet və jurnallarda da onun məqalələrinə yer verilmişdir. Ölkənin daxilində və xaricində folklor, kültürəl sahələrlə bağlı keçirilən 12 qurultayda, eləcə də simpoziumda iştirak etmiş, çeşidli mövzularda çıxışları olmuşdur.Əlirza Sərrafi azərbaycanlı tələbələrin təşəbbüsü ilə Tehran universitetində yaradılan və dövlətdən maliyyə dəstəyi almayan "Azərbaycan folkloru sinfi"ndə ictimai əsaslarla dərs deyir. Müəllim milli folklora dair dərslik hazırlamışdır. Onu bu yaxınlarda öz vəsaiti hesabına çap etdirmək fikrindədir. Araşdırmaları ilə bağlı çap etdiyi məqalələrdən biri "İranda türklərin coğrafiyası və əhalisinin sayı" adlanır.
[redaktə] Mənbə
Bu məqalənin azərbaycan dili əlifbasının ərəb qrafikası ilə qarşılığı vardır. Bax: علیرضا صرافی
 |
Şəxs haqda olan bu məqalə qaralama halındadır. Məqaləni redaktə edərək Vikipediyanı zənginləşdirin. |
