Əlyazmalar İnstitutu

Məhəmməd Füzuli adına Əlyazmalar İnstitutu
Əlyazmalar İnstitutunun binası
Ölkə	Azərbaycan
Şəhər	Bakı
Yerləşməsi	AZ 1001, İstiqlaliyyət
Aidiyyatı	Azərbaycan Milli Elmlər Akademiyası
Əlyazmalar İnstitutu

Fonda aid əlyazma

Bəhramın əjdahanı öldürməsi, Nizami, Xəmsə, "Yeddi gözəl" poemasına çəkilmiş minyatür, XVI əsr eni 24 sm, hündürlüyü 33 sm, Elmlər Akademiyası, Məhəmməd Füzuli adına Əlyazmalar İnstitutu, Bakı, M-156

Məhəmməd Füzuli adına Əlyazmalar İnstitutu — Azərbaycan Milli Elmlər Akademiyasının strukturuna daxil olan elmi təşkilat.

Tarixi

1950-ci ildə akademiyanın nəzdində Azərbaycan Əlyazmalar Fondu yaradılmış, 1986-cı ildə fondun bazasında Əlyazmalar İnstitutu təsis edilmişdir. 1996-cı ildə instituta Məhəmməd Füzulinin adı verilmişdir.

Fəaliyyət istiqamətləri

İnstitut əlyazmaların toplanması, sistemləşdirilməsi, katoloqlaşdırılması, tədqiqi, tərcüməsi, nəşri, mühafizəsi və bərpası ilə məşğuldur.

İnstitutun təşəbbüsü ilə əlyazmalar kataloqunun ilk cildləri, biblioqrafik məlumat kitabları, klassiklərin əsərlərinin elmi-tənqidi mətnləri, bir sıra alim və ədiblərin yaradıcılıq nümunələri, elmi-nəzəri monoqrafiyalar, tarixi-arxeoqrafik sənədlər nəşr edilmiş, elmi-tədqiqat işlərinin problematikası genişləndirilmişdir.

Bölmələri

• Türkdilli əlyazmalar şöbəsi
• Ərəbdilli əlyazmalar şöbəsi
• Farsdilli əlyazmalar şöbəsi

• Şəxsi fondlar şöbəsi
• Biblioqrafiya və xidmət şöbəsi
• Tərcümə və informasiya şöbəsi
• Gigiyena və bərpa laboratoriyası
• Azərbaycan kitabı və biblioqrafiya şöbəsi

Mənbə

• Əlyazmalar İnstitutunun saytı

Həmçinin bax

• Azərbaycan Milli Elmlər Akademiyası

Xarici keçidlər

• Rəsmi saytı
• Аzərbaycan Milli Elmlər Akademiyası