Ənvər Əlibəyli

Ənvər Əlibəyov
Ənvər Əliverdi oğlu Əlibəyli
Doğum tarixi:	1 aprel 1916-cı il(1916-04-01)
Vəfatı:	1968-ci il(1968-Şablondakı doğum və ya ölüm tarixində texniki yanlışlıq var!-00)

Əlibəyli Ənvər Əliverdi oğlu — şair, 1939-cu ildən Azərbaycan Yazıçılar Birliyinin üzvü, tərcüməçi, ictimai xadim.

Həyatı

Ənvər Əlibəyli 1916-cı il aprel ayının 1-də Bakıda dünyaya göz açmışdır. Əvvəl Tibb Texnikumunda, sonra ADU-nun fəhlə fakültəsində, APİ-nin filologiya fakültəsində təhsil almışdır. 1938-ci ildən İkinci Dünya müharibəsi başlayana qədər Azərbaycan radiosunda çalışmışdır. Tiflisdə Topçular Hərbi məktəbini bitirib, leytenant rütbəsi ilə könüllü olaraq ön cəbhəyə getmişdir. Şimali Qafqazda, Terek çayı və Azov dənizi sahillərində, Ukrayna torpağında, Tissa ətrafında ağır döyüşlərin iştirakçısı olmuş, Taqanroqun, Kiyevin faşistlərdən azad edilməsində fədakarlıq göstərmişdir. 416-cı diviziyanın tərkibində düşmənə qarşı əzmlə, qətiyyətlə vuruşmuş, baş leytenant rütbəsi almış, dəfələrlə yaralanmış, orden və medallarla təltif edilmişdir.

Ə.Əlibəyli 1944-ci ildə ağır yaralandıqdan sonra Bakıya qayıtmış, yaradıcılıqla məşğul olmuşdur. Bir müddət "Vətən uğrunda" jurnalında məsul katib, sonra Azərbaycan KP MK-da təlimatçı, "Təbliğat" jurnalının, "Ədəbiyyat" qəzetinin redaktoru, "İnqilab və mədəniyyət" jurnalında şöbə müdiri, nəhayət, Azərbaycan Radio və Televiziya Verilişləri Komitəsinin sədri vəzifəsində işləmişdir. Şairin "Qaranquş" adlı ilk şerlər kitabı 1947-ci ildə buraxılmış, sonrakı illərdə ona qədər kitabı işıq üzü görmüşdür. Onların arasında "Sənin adınla", "Mingəçevir şeirləri", "Dalğalar arasında", "İlk məhəbbət", "Elə xoşbəxtəm ki!", "Dostluq körpüsü", "Nəğmələr", "Bir kitab şeir", "Ürəyimdəsən" və başqa kitabları qeyd etmək olar.

Kitabları

• "Qaranquş" (1947)
• "Sənin adınla",
• "İlk məhəbbət",
• "Dostluq körpüsü"

Filmoqrafiya

1. Aygün (film, 1960)
2. Bəxtiyar (film, 1955)
3. Əzizə Cəfərzadə (film, 1999)
4. Qara daşlar (film, 1956)
5. Qızmar günəş altında (film, 1957)
6. Mahnı qanadlarında (film, 1959)
7. Zəncirlənmiş adam (film, 1964)

Mənbə

• Ənvər Əlibəyli-90. Telman Mehdixanlı

Həmçinin bax

	Azərbaycan kino sənəti portalı