Ərəş qəzası

Vikipediya, açıq ensiklopediya
Keçid et: naviqasiya, axtar
Ərəş qəzası
Quberniyanın gerbi
Quberniya gerbi
Yaranma 1873
Ləğv olunma 1929
Sahəsi 2829,6 verst²[1]
Əhalisi 67277 nəfər[1]

Ərəş qəzası - Yelizavetpol quberniyasında inzibati vahid. 1873-cü ildə yaradılmışdı. Ərazisi 2308,10 kv.verst idi. Qafqaz təqviminin (1917) məlumatına görə qəzada 99400 nəfər əhali yaşayırdı; onların 53144 nəfəri (53,46%) kişi, 46256 nəfəri (46,54%) qadın idi. Qəza idarə sistemi fəaliyyət göstərirdi. Əhali, əsasən, kənd təsərrüfatında çalışırdı. Azərbaycan Xalq Cümhuriyyəti Hökuməti 1918-ci il avqustun 26-da Ərəş qəzasının Ağdaş yaşayış məntəqəsinə şəhər statusu vermiş, daxili işlər nazirinə şəhərin ərazisi və burada tətbiq ediləcək özünüidarənin forması haqqında xüsusi məruzə təqdim olunmasını tapşırmışdı. Bununla əlaqədar olaraq, 1919-cu il dekabrın 10-da hökumətin qərarı ilə Ərəş qəzası Ağdaş qəzası adlandırılmışdı. Azərbaycan Xalq Cümhuriyyətinin süqutundan sonra qəzanın adının necə işlədilməsində fikir aydınlığı olmamışdır. Azərbaycan Mərkəzi Statistika İdarəsi tərəfindən 1922-ci ildə nəşr olunan Azərbaycanın yaşayış məskənlərinin siyahısında qəzanın adı Ağdaş (keçmiş Ərəş), 1921-ci il kənd təsərrüfatı siyahıya almasının 15-ci buraxılışında isə, sadəcə olaraq, "Ərəş" kimi verilmişdir. 1929-cu ildə Azərbaycan Sovet Sosialist Respublikasının rayonlaşdırılması zamanı ləğv edilərək, Ağdaş rayonu təşkil olunmuşdur.

İstinadlar[redaktə]

  1. 1,0 1,1 Первая всеобщая перепись населения Российской Империи 1897 г..(rus.)

Mənbə[redaktə]

Azərbaycan Xalq Cumhuriyyətinin Ensiklopediyası. I cild. Bakı,2004. səh.370

Həmçinin bax[redaktə]


Lesser Coat of Arms of Russian Empire.svg Yelizavetpol quberniyasının qəzaları Coat of Arms of Yelizavetpol Governorate.png

YelizavetpolƏrəşNuxaQazaxCavanşirZəngəzurCəbrayılŞuşa