Əvəz Verdiyev

Əvəz Verdiyev
Əvəz Həşim oğlu Verdiyev
Şəxsi məlumatlar
Doğum tarixi	1916
Doğum yeri	Bakı, Bakı quberniyası, Rusiya imperiyası
Vəfat tarixi	1 may 1945(1945-05-01)
Vəfat yeri	Boleslaves[d], Polşa
Dəfn yeri	Boleslaves[d]
Hərbi fəaliyyəti
Mənsubiyyəti	Sovet Sosialist Respublikaları İttifaqı
Qoşun növü	Qızıl Ordu
Rütbəsi	Baş çavuş
Döyüşlər	SSRİ–Finlandiya müharibəsi (1939–1940), İkinci Dünya müharibəsi
Təltifləri

Verdiyev Əvəz Həşim oğlu (1916, Bakı – 1 may 1945, Boleslaves^[d]) — Sovet İttifaqı Qəhrəmanı. İkinci dünya müharibəsində döyüşlərdə göstərdiyi qəhrəmanlığa görə Sovet İttifaqı Qəhrəmanı adına layiq görülmüşdür.

Həyatı

Əvəz Verdiyev 1916-cı ildə Laçının Quşçular kəndində anadan olmuşdur. Üç yaşından yetim qalmış və Laçın rayonunun Quşcular kəndində böyüyüb boya-başa çatmışdır. 20 yaşı tamam olanda Bakıya getmiş, fəhlə gənclər məktəbində oxuya-oxuya Orconikidze adına maşınqayırma zavodunda işləmişdir.

1938-ci ildə Sovet Ordusuna çağırılmış, SSRİ-Finlandiya müharibəsində (1939–1940) iştirak etmişdir.

1940-cı ildə ordudan tərxis olunmuş və Bakıya qayıdıb əvvəllər işlədiyi zavodda çalışmışdır. İkinci dünya müharibəsinin başlaması ilə əlaqədar 1941-ci ilin iyun ayında yenidən orduya çağırılmış, döyüşlərdə ağır yaralanmış, tezliklə sağalaraq cəhbəyə qayıtmışdır. Ukrayna və Polşanın azad edilməsi uğrunda döyüşlərdə iştirak etmişdir.

1944-cü il 2 avqust tarixində Polşanın Staşuv şəhəri uğrunda gedən döyüşdə göstərdiyi qəhrəmanlığa görə 23 sentyabr 1944-cü ildə Sovet İttifaqı Qəhrəmanı adına layiq görülmüş və ona "Qızıl ulduz" medalı (medal №4647) və Lenin Ordeni təqdim olunmuşdur.

Sonrakı döyüşlərdən birində ağır yaralanmış və 1 may 1945-ci ildə vəfat etmişdir. Polşanın Boleslaves şəhərində dəfn olunmuşdur.

Laçında Əvəz Verdiyevə abidə qoyulmuş, şəhərin mərkəzi küçələrdən biri onun adını daşıyır.

Xarici keçidlər

• Вердиев Аваз Гашим оглы
• Verdiyev Əvəz Həşim oğlu Arxivləşdirilib 2010-02-27 at the Wayback Machine
• "Qarabağın görkəmli şəxsiyyətləri:Əvəz Verdiyev (1916-1945)". "Virtual Qarabağ" İKT Mərkəzinin rəsmi portalı (az.). virtualkarabakh.az. 2013. 2017-12-22 tarixində orijinalından arxivləşdirilib. İstifadə tarixi: 2014-10-14.

İstifadə edilmiş ədəbiyyat

• Бабаева Ф. Герой Советского Союза Аваз Вердиев. Баку: 1975,
• Герои Советского Союза - сыны Азербайджана. Баку: 1965,
• Герои Советского Союза. Краткий биографический словарь. Том 1. М.: Воениз., 1987,