Əyyub Qiyas
| Əyyub Qiyas | |
| Əyyub Qiyas oğlu Abbasov | |
 |
|
| İlk adı: | Əyyub Abbasov |
|---|---|
| Doğum tarixi: | 14 dekabr 1968-ci il |
| Doğum yeri: | Lənkəran |
Abbasov Əyyub Qiyas oğlu (Əyyub Qiyas) (14 dekabr 1968, Lənkəran) — şair, nasir, tərcüməçi, 1998-ci ildən Azərbaycan Yazıçılar Birliyinin üzvü.
Mündəricat |
[redaktə] Həyatı
Əyyub Qiyas 1968-ci il dekabrın 14-də Lənkəran şəhərində anadan olmuşdur. Ailəlikcə Sumqayıt şəhərinə köçdüklərindən orta təhsilini 1986-cı ildə burada başa vurmuşdur. M.A.Əliyev adına Azərbaycan Dövlət İncəsənət İnstitutunun "Teatrşünaslıq" fakültəsində təhsilini davam etdirmişdir (1986-1990). 1990-1993-cü illərdə Moskva Ümumittifaq Kinematoqrafıya İnstitutu nəzdində ali ssenari kursunda qiyabi təhsil almışdır. Azərbaycan EA Memarlıq və İncəsənət İnstitutunun qiyabi asipranturasında təhsilini davam etdirmişdir. "Azərbaycan televiziya tamaşaları" mövzusunda tədqiqat üzərində çalışır. Sumqayıtda kimyaçıların Səməd Vurğun adına Mədəniyyət sarayında xalq teatrının rejissoru (1988-1990), "Cığırdaş" gənclik mərkəzi yaradıcı gənclərin teatr birliyinin direktoru (1990-1991), "168 saat" qəzetinin baş redaktorunun müavini (1991-1992), "Xəzər" jurnalının redaktoru (1992-1993) olmuşdur. Azərbmətbuatyayımı İB-nin Sumqayıt şəhərində fəaliyyət göstərən "Ziya" mətbuat yayımı agentliyində direktor vəzifəsində çalışmışdır (1993-1997-ci illər). Sumqayıtdakı "İnter-Press" mətbuat ticarət şirkətinin təsisçisi və icraçı direktorudur. "Sahilsiz dəniz" dərgisinin baş redaktoru, "Ulduz" və "Ulu çinar" dərgilərinin redaksiya heyətinin və AYB gənclər şurasının üzvüdür. Prezident təqaüdçüsüdür.
Bədii yaradıcılığa 1990-cı illərdən başlamışdır. "Mən bir sapand daşıyam ki..." (şeirlər), "Qarışqa" (povest və hekayələr) kitabları nəşr olunmuşdur (1996). Bədii tərcümələrini qəzet və jurnallarda çap etdirmişdir.
[redaktə] Əsərləri
- Mən bir sapand daşıyam ki... (şeirlər). "Sumqayıt" nəşriyyatı, 1996
- Qarışqa (povest, hekayələr və tərcümələr). "Sumqayıt" nəşriyyatı, 1996
- Dərdin yaşı bilinməz (şeirlər və publisistika). "Sumqayıt" nəşriyyatı, 1998
- Qara işıq (roman). Bakı: Nurlan, 2003
- Sonuncu büt (romanlar, hekayələr). Bakı: Qanun, 2007
- Köpək bürcü (roman və "Ağac haqqında iki hekayə). Bakı: Dərələyəz, 2010
- Sultan körpüsü (roman). Bakı: Qanun, 2011
[redaktə] Tərcümələri
Nəsr:
- Jan Pol Sartr, "Divar" (hekayə)
- Semyuel Bekket, "İlk məhəbbət" (hekayə)
- Xulio Kortasar, "Xəstələrin kefi" (hekayə)
Poeziya:
- Vladimir Vısotski (şeirləri)
- Lüdmila Nikolayeva (şeirləri)
[redaktə] Filmoqrafiya
- Cansıxıcı əhvalat (film, 1988)
- Murad-Sad (film, 1988)
- "Şəkilli kitab" – ssenari müəllifi və quruluşçu rejissor ("Dünya Tv", Sumqayıt, 2009)
- Susmuş vicdan (film, 2010)
