مصطفی کمال آتاتورک
| Mustafa Kamal Atatürk/آتاتورک türk. Mustafa Kemal Atatürk |
|||
 |
|||
|
|||
|---|---|---|---|
| 29 oktyabr 1923 — 10 noyabr 1938 | |||
| Sələfi: | vəzifə təsis edilib | ||
| Xələfi: | İsmət İnönü | ||
| Partiya: | Respublika Xalq Partiyası | ||
| Dini: | İslam | ||
| Təvəllüdü: | 1881-ci il Saloniki, Osmanlı İmperiyası |
||
| Vəfatı: | 10 noyabr 1938-ci il Dolmabaxça sarayı, İstanbul, Türkiyə |
||
| Dəfn yeri: | Anıtqəbir mavzoleyi, Ankara, Türkiyə | ||
| Atası: | Əlirza əfəndi | ||
| Anası: | Zübeydə xanım | ||
| Həyat yoldaşı: | Lətifə Uşaklıgil (1923-1925) | ||
| Uşaqları: | övladlığa götürülmüş 8 uşaq | ||
| İmzası: |  |
||
مصطفی کمال آتاتورک (تورکیه تورکجهسی: mustafa kamal atatürk، د. 1881 - اؤ. 10 نویابر 1938)، تورک میللی قورتولوش موباریزهسینین حربی و سییاسی لیدئری، تورکییه رئسپوبلیکاسی و کامالیزمین قوروجوسو و تورکییهنین ایلک پرئزیدئنتی.
Mündəricat |
حیاتی[redaktə]
1881 - 1912[redaktə]
مصطفی کمال آتاتورک، 1881 (مصطفی کمال آتاتورک) -جی ایلده سلانیکده (ایندیکی یونانیستانین سالونیکا شهری) دوغولموشدور. آتاسی علی رزا افندی، آناسی ایسه زوبئیده خانیم ایدی. پولیس زابیتلیگی، کاتیبلیک و تاختا-شالبان تیجارتی ایله مشغول اولموش علی رضا افندی، 1871-ایلده زوبئیده خانیملا ائولنمیشدیر. آتاتورکون بئش باجی و قارداشلاریندان تکجه ماکبوله (آتابیر) 1956-جی ایله قدر یاشامیشدیر.
مصطفی اول حافظ مئهمت افندینین محله مکتبینده تحصیله باشلامیش، سونرا آتاسینین ایستکی ایله شمسی افندی مکتبینه کئچمیشدیر. بو مودتده آتاسینی ایتیرمیشدیر (1888). بیر مدت راپا فئرماسیندا داییسینین یانیندا قالدیقدان سونرا سلانیکه قاییدیب مکتبی تاماملامیشدیر. 1893-جو ایلده حربی مکتبه داخیل اولموش، بو مکتبده ایکن ریاضیات معلیمی مصطفی بی آدینا "کمال"ی علاوه ائتمیشدیر. 1896-1899-جی ایللرده ماناستیر حربی مکتبینی بیتیرهرک ایستانبول حرب مکتبینده تحصیله باشلامیشدیر. 1902-جی ایلده لئیتئنانت روتبهسی ایله مزون اولموش، حربی آکادئمییادا تحصیلینه داوام ائتمیشدیر. 1905-جی ایل، 11 یانوار-دا کاپیتان روتبهسی ایله آکادئمییانی بیتیرمیشدیر. 1905-1907-جی ایللر آراسیندا شامدا 5-جی اوردو امرینده خیدمت ائتمیش، 1907-جی ایلده آدیوتانت روتبهسی آلمیشدیر. سونرا ماناستیرا 3-جو اوردویا تیین اولونموشدور. 1909-جو ایل، 19 آپرئلده ایستانبولا گیرن حرکات اوردوسوندا قرارگاه رئیسی اولاراق خیدمت ائتمیشدیر. 1910-جو ایلده فرانسایا گؤندریلمیش، پیکاردی مانئورالاریندا ایشتیراک ائتمیشدیر. 1911-جی ایلده ایستانبولدا باش قرارگاه مرکزی امرینده خیدمته باشلامیشدیر.
1911 - 1919[redaktə]
1911-12 تورک-ایتالیان محاربهسینده مصطفی کمال بیر گروپ یولداشییلا بیرلیکته توبروک و درنه بؤلگهسینده خیدمت ائتمیش، 1911-جی ایل، 22 دئکابردا ایتالییانلارا قارشی توبروک دؤیوشونده قالیب گلمیشدیر. 1912-جی ایل، 6 مارتدا درنه کومئندانتی تعیین اولونموشدور.
1912-جی ایلین اوکتیابریندا بالکان محاربهسی باشلایان واخت مصطفی کمال گلیبولو و بولاییرداکی اوردو حیسهلری ایله محاربهده ایشتیراک ائتمیشدیر. دیمئتوکا و ادیرنهنین گئری آلینماسیندا بؤیوک خیدمتلری اولموشدور. 1913-جو ایلده سوفییا حربی آتشهلیگینه تیین اولونموش، بو وظیفهده ایکن 1914-جو ایلده پودپولکوونیک روتبهسینه یوکسلمیشدیر. حربی آتشه وظیفهسی 1915-جی ایلین یانواریندا سونا چاتمیشدیر. بو مودت عرضینده I دونیا محاربهسی باشلامیش، عثمانلی ایمپئراتورلوغو موحاریبهیه گیرمک مجبوریییتینده قالمیشدی. مصطفی کمال 19-جو تومنی قورماق اوچون تکیرداغا گؤندریلدمیشدیر.
1914-جو ایلده باشلایان I دونیا محاربهسینده، مصطفی کمال چاناققالادا آنتانتا دؤولتلرینه قارشی ووروشلاردا بؤیوک شجاعت گؤسترمیشدیر. چاناققالا دؤیوشوندن سونرا 1916-جی ایلده ادیرنه و دییاربکرده وظیفه آلمیش، 1 آپرئل 1916-جی ایلده ژئنئرال-مایور روتبسینه یوکسلمیشدیر. موش و بیتلیسین روسلاردان گئری آلینماسینی تعمین ائتمیشدیر. 15 آوقوست 1918-جی ایلده حلبده 7-جی اوردو کوماندیری تعیین ائدیلمیش، بو جبههده اینگیلیسلره قارشی اوغورلو مودافیعه تشکیل ائتمیشدیر. موندروس موقاویلهسینین ایمضالانماسیندان بیر گون سونرا، 31 اوکتیابر 1918-جی ایلده ایلدیریم اوردولاری قروپونا کوماندیر تعیین ائدیلمیش، بو اوردونون لغو ائدیلمهسیندن سونرا ایسه 13 نویابر 1918-جی ایلده ایستانبولا گلهرک مدافعه ناظیرلیگینده وظیفهیه باشلامیشدیر.
1919 - 1923[redaktə]
آنتانتا دؤولتلرینین عثمانلی اراضیلرینی ایشغالا باشلامالاریندان سونرا مصطفی کمال 19 مای 1919-جو ایلده سامسونا گئتمیشدیر. 23 اییول-7 آوقوست 1919 تاریخلری آراسیندا ارزوروم، 4-11 سئنتیابر 1919 تاریخلئری آراسیندا دا سیواس کونگرئسینی چاغیراراق اؤلکهنین ایشغالدان تمیزلنمهسی اوچون ایزلنمهلی یولو معین ائتمیشدیر. دئکابر 1919-جو ایلده آنکارادا هیجانلا قارشیلانمیش، 23 آپرئل 1920-جی ایلده تورکییه بؤیوک میللت مجلیسینین آچیلماسییلا تورکییه رئسپوبلیکاسینینن قورولماسی یولوندا اهمیتلی آددیم آتیلمیشدیر. مجلیس و حؤکومت باشقانلیغینا سئچیلهرک تورکییه بؤیوک میللت مجلیسینین قورتولوش موباریزهسینین اوغورلا نتیجهلنمهسی اوچون لازیمی قانونلاری قبول ائدیب تطبیقینه باشلاماسینی تعمین ائتمیشدیر.
مصطفی کمالین رهبرلیک ائتدیگی تورک قورتولوش موباریزهسینین اساس مرحلهلری:
- ساریقامیش (20 سئنتیابر 1920)، قارس (30 اوکتیابر 1920) و گومرونون (7 نویابر 1920) آزاد ائدیلمهسی.
- چوکورووا، قازیانتئپ، کاهرامانماراش و شانلیورفا مودافیهلری (1919-1921).
- I اینؤنو زفری (6-10 یانوار 1921).
- II اینؤنو زفری (23 مارت-1 آپرئل 1921).
- کوتاهیا-اسکیشهیر دؤیوشلری.
- ساکاریا زفری (23 آوقوست-13 سئنتیابر 1921)
- بؤیوک هوجوم، باشکوموتانلیق دؤیوشو و بؤیوک زفر (26 آوقوست - 9 سئنتیابر 1922)
ساکاریا ظفریندن سونرا 19 سئنتیابر 1921-جی ایلده تورکییه بؤیوک میللت مجلیسی مصطفی کامالا مارشال روتبهسی و قازی تیتولو وئرمیشدیر. قورتولوش موباریزهسی 24 اییول 1923-جو ایلده ایمضالانان لوزان موقاویلهسی ایله سونا چاتدی. بئلهلیکله سئور موقاویلهسی ایله پارچالانان، تورکلره 5-6 ویلایت بؤیوکلوگونده اراضی وئریلن تورکییه تورپاقلاری اوزرینده، میللی بیرلیگه اساسلانان یئنی تورک دؤولتینین قورولماسی اوچون هئچ بیر انگل قالمامیشدیر.
1 نویابر 1922-جی خیلافت و مونارخییا بیربیریندن آیریلمیش، مونارخییا لغو ائدیلمیشدیر. بئلهلیکله عثمانلی ایمپاراتورلوغو ایله علاقهلر کسیلمیشدیر. 29 اوکتیابر 1923-جو ایلده رئسپوبلیکا ائلان ائدیلمیش، آتاتورک یکدللیکله ایلک پرئزیدئنت سئچیلمیشدیر. 30 اوکتیابر 1923-جو ایلده ایسمت اینؤنو طرفیندن رئسپوبلیکانین ایلک حؤکومتی قورولموشدور. تورکییه رئسپوبلیکاسی، "حاکیمیییت قئیدسیز شرطسیز میللتیندیر" و "یورددا سوله، دونیادا سوله" ایدئولوژیک اساسلاری اوزرینده قورولموشدور.
1923 - 1938[redaktə]
1927، 1931، 1935-جی ایللرده تبمم طرفیندن یئنیدن پرئزیدئنت سئچیلمیشدیر.
15-20 اوکتیابر 1927-جی ایلده قورتولوش موباریزهسیندن و رئسپوبلیکانین قورولوشوندان بحث ائدن بؤیوک نیتقی، 29 اوکتیابر 1933-جی ایلده ده 10-جو ایل نیتقینی سؤیلمیشدیر.
29 یانوار 1923-جو ایلده لاتیفه خانیملا ائولنمیش، بو ائولیلیک 5 آوقوست 1925-جی ایلهدک داوام ائتمیشدیر. اوشاقلاری چوخ سئون آتاتورک آفت (اینان)، سابیها (گؤکچئن)، فیکرییه، اولکو، نئبیله، روقیه، زهرا آدلی قیزلاری و مصطفی آدلی چوبان اوغلانی منوی اؤولادلیغا گؤتورموش، عبدالرحیم و احسان آدلی ایکی اوشاغی ایسه حمایهسینه آلمیشدیر.
فامیلییا قانونونا گؤره، 24 نویابر 1934-جو ایلده تبمم طرفیندن مصطفی کامالا "آتاتورک" فامیلییاسی وئریلمیشدیر.
فرانسیز و آلمان دیللرینی بیلیردی.
10 نویابر 1938 ساعت 9:05-ده توتولدوغو سیرروز خستهلیگیندن ایستانبولدا دولماباخچا ساراییندا وفات ائتمیشدیر. جنازهسی 21 نویابر 1938-جی ایلده موقتی اولاراق آنکارا ائتنوقرافییا موزئیینده دفن ائدیلمیش، مووزولئیی تیکیلدیکدن سونرا 10 نویابر 1953-جی ایلده اورایا کؤچورولموشدور.
اینقیلاب و اصلاحاتلار[redaktə]
آتاتورک، تورکییهنی "معاصر مدنیت سویهسینه چیخارتماق" مقصدی ایله بیر چوخ انقلاب و اصلاحاتلار حیاتا کئچیرمیشدیر. بونلار بئش آنا باشلیق آلتیندا توپلانا بیلر:
سیاسی ساحهده[redaktə]
- مونارخییانین لغوی (1 نویابر 1922)
- تورکییهنین رئسپوبلیکا اعلان ائدیلمهسی (29 اوکتیابر 1923)
- خیلافتین لغوی (3 مارت 1924)
اجتماعی ساحهده[redaktə]
- قادینلارا و کیشیلره برابر هاقلار وئریلمهسی (1926-1934)
- پاپاق و پالتار اینقیلابی (25 نویابر 1925)
- تککه، زاوییه و توربلرین باغلانماسی (30 نویابر 1925)
- فامیلییا قانونو (21 اییون 1934)
- لقب و تیتوللارین لغوی (26 نویابر 1934)
- بین الخالق ساعت، تقویم و اوزونلوق اؤلچولرینین قبولو (1925-1931)
حقوق ساحهسینده[redaktə]
- وسمانلی مجللهسینین لغوی (1924-1937)
تحصیل و مدنیت ساحهسینده[redaktə]
- تدریسین بیرلشدیریلمهسی (3 مارت 1924)
- یئنی تورک الیفباسینین قبولو (1 نویابر 1928)
- تورک دیل و تاریخ قوروملارینین تشکیلی (1931-1932)
- اونیوئرسیتت تحصیلینین نظاملانماسی (31 مای 1933)
- اینجهصنعتده یئنیلیکلر
اقتصادی ساحهده[redaktə]
- کندلیلردن آلینان وندا بیر وئرگیسینین لغوی (1925)
- فئرمئر فعالیییتینین تشویقی
- نومونوی فئرمئر تسرروفاتلارینین قورولماسی
- صنایع تشویق قانونونون قبول ائدیلهرک صنایع اوبیئکتلرینین قورولماسی
- I و II اینکیشاف پلانلارینین (1933-1938) تطبیق ائدیلمهسی، اؤلکهده یئنی یوللارین سالینماسی
اثرلری[redaktə]
- تابییه مسئلهسینین حلی و امیرلرین سورئدی تاهریرینه دایر نئساییه
- تاکیمین محاریبه تعلیمی (آلمان دیلیندن ترجومه-1908)
- جومالی اوردوگâهی - سوواری: بؤلوک، آلای، لیوا تالیم و مانئورالاری (1909)
- تابییئ و تاتبیکات سئیاهادی (1911)
- بؤلوغون موحاریبه تعلیمی (آلمان دیلیندن ترجومه-1912)
- ظابط و کوماندان ایله حسب حال (1918)
- نیتق (1927)
- وطنداش اوچون مدنی بیلگیلر (1930)
- هندسه (1937)
خاریجی کئچیدلر[redaktə]
بو مقالهنین آزربایجان دیلی الیفباسینین لاتین قرافیکاسی ایله قارشیلیغی واردیر. باخ: Atatürk
 |
VikiSitatda مصطفی کمال آتاتورک ilə əlaqədar sitatlar var. |
 |
Commonsda مصطفی کمال آتاتورک ilə əlaqədar müxtəlif fayllar var. |
