آکورا
آکورا ، ژاپون آوتوموبیل ایستحصال چی سی هوندانین 1986- جی ایلدن بو یانا یالنیز آمریکا ، کانادا و هنگ کونگ اوچون چیخاریلان لوکس آوتوموبیل لر اوچون ایستیفاده ائتدییی بیرمارکادیر. آکورا مارکاسی ، مکزیکا دا ایلک دفعه 2004 – جو ایلده تانیدیلارکن چین بازاریندا ایسه 2006 – جی ایلده تانیدیلماغا باشلانمیشدیر. هوندا فیرماسی ، آکورا مارکاسی ایله ژاپونییا خاریجینده لوکس آوتوموبیل بازاریندا ایلک سیرایا یئرلشدی.
تخمینن 10 ایل داوام ائدن آراشدیرما اینکیشاف ائتدیرمه ایشلری نتیجه سینده ، 1986 – جی ایلده هوندا موتور شیرکتی آکورا آوتوموبیل مدل لرینی تانیتماق و ساتیشا چیخارماق مقصدیله شیمالی آمریکادا 18 نماینده آچدی. آکورا مارکاسی بو اؤلکه ده کی "ایلک ژاپون لوکس آوتوموبیل" اولاراق تاریخه دوشدو. آمریکا بازارینا تقدیم ائدیلن ایلک مدل لر : لگند (Legend)، وی 6 – گوجلندیریلمیش کوپه ، سدان و اینتگرا (Integra). بو مدل لرین موفقیتی ایله بیرلیکده لوکس ژاپون آوتوموبیل مدل لری (تویوتانین لوکسئس و نیسانین اینفینیتی) آراسیندا بیر رقابت باشلانمیش اولدو.
آکورا مدل لرینین تاریخی اینکیشافی [redaktə]
- لگند ، وی 6 گوجلندیریلمیش کوپه ، سدان و اینتگرا مدل لری ایله آمریکا لوکس آوتوموبیل بازارینا داخیل اولان هوندا فیرماسی. – 1986 جی ایلده
- لگند مدلی ایله "ان یاخچی ایدخال آوتوموبیل" موکافاتینی آلدی. بو موکافاتین آردیندان آراشدیرما اینکیشاف ائتدیرمه ایشلرینه سرعت وئرن هوندا اینقیلاب خصوصیتین ده کی VTEC تکنولوژیاسی ایله چیخاریلمیش ینی NSX مدلینی تانیتدی. – 1991 جی ایلده
- اینتگرا تیپ –آر مدلی تانیدیلدی. – 1997- جی ایلده
- بازارا تقدیم ائدیلن ام دی ایکس (MDX) مدلی عینی ایل ایچینده "ان یاخچی ایدمان آوتوموبیل" موکافاتینی آلدی. – 2001 جی ایلده
- هوندا طرفیندن ائدیلن بیر شرح ایله شیمالی آمریکادا کی اینتگرا مدلینین آدی آر اس ایکس (RSX) اولاراق دییشدیریلدی. – 2002 جی ایلده
- سی ال کوپه و آکورا اینتگرا سدان مدل لرینین یئرینی ( بی ام و 3 سرییاسی مدل لریله رقابت ائده بیلمک اوچون) داها اینکیشاف ائتمیش بیر مدل اولان تی اس ایکس (TSX) آلدی. – 2003 جی ایلده
- آرتان رقابت و طلب لر ایستیقامتینده آکورا مدل لری مکزیکا بازارینا تانیدیلدی. عینی ایل ایچینده بازارا سورتولن 3 – جو نسیل آکورا تی ال (TL) مدلی آمریکادا ان چوخ ساتان لوکس آوتوموبیل اولدو. – 2004 جی ایلده
- آکورا تی ال مدلی ، ائدموندز. کام طرفیندن "ان بینمه لن واسیطه" سئچیلدی. عینی ایلین سونلاریندا SH-AWD تکنولوژیاسیلا چیخاریلان آکورا آر ال ساتیشا تقدیم ائدیلدی. – 2005 جی ایلده
- اوزون سورن ساتیشا چیخارما ایستراتیژیالاری سونوندا هوندا ، چین بازارینا تانیدیلدی. – 2006 جی ایلده
- ژاپونیا ایچ بازاریندان گلن طلب لری قیمت لندیرن هوندا فیرماسی آکورا مدل لرینین ایچ بازاردا دا ساتیشا تقدیم ائدجه یینی آچیقلادی. – 2008 جی ایلده
آکورا مدل لری [redaktə]
- آکورا ام دی ایکس
- آکورا آر دی ایکس
- آکورا آر ال
- آکورا تی ال
- آکورا تی اس ایکس
- آکورا سی اس ایکس
- آکورا آر اس ایکس
بو مقالهنین آزربایجان دیلی الیفباسینین لاتین قرافیکاسی ایله قارشیلیغی واردیر. باخ: Acura
