اوشقایا

Vikipediya, açıq ensiklopediya
Keçid et: naviqasiya, axtar

اوشقابا دوغو آزربایجان ایالتینین شهرلریندن بیریدیر. بو شهر، اوش قایا بؤلگه‌سی نده یئرلشیبدیر.

اوسكو، یا اوشقايا ، تبریزین گونئي دوغوسوندا یئرلشیب. اوشقايا آزربایجانین چوخ قدیمی شهرلرینددیر. شهر اوزو بیر یاشیل دره ده قورولوب و اطرافینداکی باغلار اوسکو چای و نئچه قنات طریقیله سوواریلیرلار. شهرین اهالیسی اکثرا آلیش وئریش ایشینده دیر لر و تبریزه یاخین اولدوغو اوچون چوخلاری تبریز ده ایشله يیرلر. کچمیش عصرین اوللرینده اوسکوده ایپک صنعتی چوخ رایيج اولموشدور آنجاق خاريجی محصوللارین ريقابتی بو صنعتی داغیدیبدیر.

اوسكو چای، سهندین شیمال سمتینده سولطان داغی ندان قایناق لاشیر. سهندین باتيسيندان آخان کندوان چای دا اوسکو چایا قوشولور. سولطان داغینین و قیبله دره سیندن گلن سولار و چوبان بولاغی عنصرود دره سینده آستارا چای چاین عمل گتیریللر. عونصوررود، آمقان، اسفنجان، فسندیق و هابله گورمه لی کندوان و کهنمو کند لری ، بو چايین مسیرینده یئرلشیبلر.

اوسکو دره سی یا چایپارا اوسكو چای ایله سوواریلیر و بو سببه یاخچی حاصیللی اکینلری و باغلار اوشقاياده و یاخین کدلرینده میلان، يوخاري باویل ، آشاغا باویل ، کله جاه، دیزج و بایرام دا وار.




تاریخی و گورمه لی نقطه لری[redaktə]

  • کندوان :

اوشقايانين جنوب طرفینده ۱۸ کیلومتر فاصله ایله سلطان داغینین اتگینده و تبریزین ۵۰ کیلومتر لیگینده یئرلشیر. کندوان ارشد داغی نین قوزئيينده دره نین قوزئي قیسمتینده دیر. بو کندین اهالی سایی 1996 ایلینده ۱٤۰ ائو و ۷۵۰ نفریدی. اهالیسی اکینچیلیک و مالدارلیقلا مشغولدورلار.

کندوانین گورملی یئرلریندن هرم شکلینده داشدان یونولموش ائولر ، انبارلار و تووله لردیر، بونلارین سایی ۱۱۷ تیکینتیه یاخین ضنن ائدیلیر. بو هرم شکلینده داشلار وولکان دان تورنمیش عایيق خاصیت لری وار یعنی ائو ایچی حرارتی یای فصلینده سرین و قیشدا ملایم ساخلایر.


کندوانین کوچه لری سو و یاغیش آخینتی نتیجه سینده یارانان زولاقلار دیر. داشلارین جنسی لارها (Larha) و اینمبریست (Inembridt) دن دیرلر کی وولکان ماتریاللاری و پالچیقین قاریشیقیندان توره نیبلر. بو بالاجا تپه لر و هرم لرین اوجالیقی گاهن آتمیش متره کیمی چاتیر. هر هرم ایچنده ایکی ده‌ن دؤرد مرتبه یه جن تیکمک اولار. بو مرتبه لر کیران یا گیران آدلانیر لار.


میرزه رشین ( مجارشین )(میرزه (میرزا ) رشین - میرزه (میرزا ) نشین ) كندی دوغو آزربایجان ایالتی نين اوشقایا بولگه‌سی نين مرکزی بولومو نده اولان گنبر قصبه سی نده يئرلشيب. 1390 اينجي ايلين نوفوس ساييسي اساسيندا بو كندين 1112 نفر اهاليسي وارايميش .

میزه رشینین گورملی یئرلریندن تاریخی قبرستانلیغی ، بوشلار ( قیه دن قازیلمیش ائولری ) و قیه مسجدی دیر .


  • سولطان داغی سهندین زیروسینه یاخین بیر داغ دیر.

سولطان داغی سهند و قوچ گؤلؤ داغلاریندان سونرا 3476 متیرلیکده سهند داغلارینین اوجا داغلارینداندی.


  • اوشقايا ایمامزاده سی :

اوشقايانين جنوب طرفینده، شهره باخان تای دا اولان تپه نین اوستوده یئرلشیب. گنبزی کرپیچ دن دیر، و دورد طرفینده بالاجا دئشیگلری وار. قاپوسو بیر بالاجا دهلیزه آچیلیر و قبیرلرین باشینا بوردان گئتمک اولار.

قبیرلرین کاناریندا بیر داش یئره سانجیلیب و اون یرلیلر "سانجی داشی" دئیرلر. بوداشین شفا موعجيزه لرینه یئرلیلرین بعضی لری اينانيرلار.


  • – پیر حئیدر:

بیر مومن قوجانین مزاریدیر کی اوغلو بابا شوکرواللاه ون دا مزاری کناریندا. سوسیان محله سینده واقع اولوب. پیر حئیدرین وفاتی صفرآینین اون ایکی سینده 856 قمری ایلینده اولوب. . تپه نین آشاغاسینداصفالی باغلار وار و خلیل اوف باغی دا اوردادیر. خلیل اوف كی آدی حاج سئيیدريضا اسكویی وقارداشی سئيید حسن ایدی هر حاج خلیل ین اوشاقلاریدیلار. حاج خلیل اوشقايانون "برادران اوشقايایی" دبیرستانینین بانی سی اولوب.

  • -الله بنده سی مزاری:

اوشقايا شهرینین گونئي دوغوسوندا بیر تپه اوسته یئرلشن مزاردیر. اسکی ده گنبدی واریمیش اما ایندی اوچوب.

  • –پایتخت مسجدی :

اوشقايانين یوخاری و آشاغا محلله لرین آراسیندا تیکیلیب. كیچیك و آباد دیرکسیز مسجيددیر. دیوارلاری اننی و طاقی محكم چی کرپیج دندیر. مسجدین جنوب طرفیندکی دیواریندا مرمر داشیندان بیر قازما یازی وار. یازينین متنی عربجه دیر: " قال الله تبارك و تعالی ان المساجد الله و لا تدعوا مع الله احداً وفق اله سبحانه و تعالی عبدالملتجی بوفور الطاعه راغمی حاجی عوض بن احمد. بتجدید هذالعماره شریفه المباركه بعد تخریبها. بحمدالله و سبحان و تمت به اهتمامه و جرز ذالك فی شهور سنته احد و سنین بعد الالف من الهجره النبویه" ساغ طرفده «لااله الا الله» «محمد رسول الله» «علی والی الله» سوزلری یازیلیب. بو مسجدی حاجی عوض بن احمد 1061 هجری قمری ایلینده مرمت و تعمیر ادیب.

  • - اوشقايا جاميع مسجدی:

بو مسجد اوشقايانين اصلی خیابانیندا و بویوک مئیدان دادیر. 2 متیر خیابان یوخاری اولان مسجد آلتی داش دیرکی و 12 بالاجا کرپیج گنبذی وار. بو مسجد صفوی شاهلارین دوره سینده قالمیش معمارلیق نوعونون یاخچی نونه لریندندیر.

قایناقلار[redaktə]

  • اینگیلیسجه ویکی‌پدیا.