ایواز طاها
| ايواز طاها | |
 |
|
| Doğum yeri: | گونئی آزربایجان ، موغان |
|---|---|
ایواز طاها ـ چاغداش آذربایجانلی یازار، ژورنالیست، دوشونور و فیلسوف
Mündəricat |
[redaktə / تحریر] حیاتی
ایواز طاها موغاندا آنادان اولوب. او، ایختیصاصینا گؤره فلسفه ایله مشغول اولور و بدیعی نثر یازیر. ا. طاها 90-جی ایل لرده "یول" درگیسینین قوروجوسو و باشیازاری اولموشدور. سونرالار آذربایجان جومهورییتینده "جاهان" درگیسینین تمل داشینی قویموش, او ژورنالین باش یازارلیغینی اؤز اوزهرینه گؤتورموشدور. هابئله او، 2004-جی ایلدن "یارپاق" قزئتینی چیخارماغا باشلامیشدیر. "یارپاق" میللی حکومت دئوریلدیکدن بری تام آذربایجان تورکجهسینده بوراخیلان ایلک قزئت اولموشدور.
طاهانین ایندییهدک ایکی یوزه یاخین ایریلی-خیردالی یازیسی (مقالهلری، اؤیکولری، رومانلاری، تنقیدلری، ائسسهلری و ترجومهلری) آیری-آیری درگیلر و قزئتلرده چاپ ائدیلمیشدیر. آذربایجان تورکجهسینده، فارس و اینگیلیس دیللرینده یاییملانان بو یازیلاردا، داها چوخ فلسفه و ادبیات و سیاست قوووشاغیندا یارانان مسئلهلر آراشدیریلمیشدیر. بو درگیلر و قزئتلرین بعضیسی بونلاردیر: "یول"، "جاهان"، "شهریار"، "دونیا ادبیاتی"، "وارلیق"، "آذری"، "شرق"، "منیم عائلم"، "یارپاق"، "وراوی"، "آراز"، "بهار زنجان"، "تک صبیر"، "آوای اردبیل"، "اولدوز"، "آلاتوران"، "یئنی آذربایجان".
"یول"، "جاهان" و "یارپاق" نشر اورگانلاری ایله یاناشی ایکی کیتاب ایواز طاها شؤهرتینین تملداشیدیر. بیری، "قورشون هاردان آچیلدی"، او بیریسی ایسه "شعر وارلیغین ائویدیر". باخمایاراق کی، آدلاری سرّ کیمی ساخلاناراق یاییلمامیش کیتابلارینین داها ائتکیلی اولاجاغینا اینانیر. کیچیک حجملی رومان ژانریندا یازیلمیش بیرینجی کیتاب، تکنیکی و بدیعی اؤزهللیکلری ایله یاناشی ساغلام بیر نثر دیلی سرگیلهییر. گونئی آذربایجان بدیعی نثرینین قیتلیغیندا بئله بیر کیتاب گونئی نثر مدنیتینین گلیشمهسینده ائتکیسیز اولمایا بیلمزدی. ایکینجی کیتاب شعر وارلیغین ائویدیر کی، فلسفی نظریهلر ایشیغیندا گونئیده شعر مدنیتینین یایغین اولماسینین سرّینی آچماق اوچون نظری سببلر آختاریر. کیتابدا شعریمیزین نثره اوستونلویو، شعرله نثر دیلینین کؤکلو فرقلری، شعرله ایلگیلی ایدئولوگییانین ائتکیلری، شعرین آماج و یا آراج اولماسی، و شعرله فلسفهنین ایلگیلری گئنیش آراشدیریلیر. 2007ـ جی ایلده بیر سیرا گونئیلی ضیالیلار، یازارلار و شاعیرلرین "ایلین کتیابی" کیمی دیرلندیردیکلری "شعر وارلیغین ائویدیر" ایندییهدک ایکی کز باکی و تبریزده باسیلیب. اونون اوچونجو باسیقیسی ایسه اسکی الیفبا ایله تبریزده و لاتین گرافیکاسی ایله باکیدا باسیلماقدادیر.
[redaktə / تحریر] اثرلری
ـ "شعر وارلیغین ائویدیر" (شعرین گؤزهللیک فلسفهسی و آذربایجان شعرینین پروبلئم لری~ عرب الیفباسیندا)، باکی، 1385. (بو کیتاب 2007-جی ایلده گونئی آذربایجاندا ایلین کیتابی سئچیلمیشدیر.)
ـ "قورشون هاردان آچیلدی" (کیچیک رومان)، بیرینجی باسقی، باکی، یاز 2006، ایکینجی باسقی، تبریز، قیش 2007.
ــ "نظریهی توطئه"، (فارسجا)، تهران، انتشارات جامعهی ایرانیان، 2002.
ــ "نئجه یازاق: آذربایجان تورکجهسینین یانلیشلیقلار سؤزلویو"، یارپاق، تبریز، 2006.
ــ "ساغلام دیل"، یارپاق، تبریز، 2007
ــ "متندن باشقا بیر دونیا یوخدور"، یئنی اولای، 2008
[redaktə / تحریر] مقالهلری
ــ "نوبئل موکافاتی"، یول، سایی 1، تهران
ــ "شهریار نیسگیلی و نوستالگییانین تحلیلی"، وارلیق، تهران ــ عاغیلدان اورهیه دوغرو"، جاهان، سایی 3، 1997، باکی
ــ "دونیانی دییشدیرمک، یوخسا اونا اویغونلاشماق"، جاهان، سایی 4، 1998، باکی.
ــ تاریخ علمینده اوبیئکتیولیک و سوبیئکتیولیک"، شهریار قزئتی، باکی،
ــ "معیار دیل"، یارپاق قزئتی، سایی 4، 2005، تهران.
ــ "اوچونجو دالغا محاربهلری"، آلاتوران درگیسی، سایی 4، باکی.
ــ "پارادیگما نهدیر؟"، جاهان درگیسی، سایی 5، 1999، باکی.
ــ "فضولی بیگانهای در وطن" (فارسجا)، وارلیق، تهران.
ــ "عراق محاربهسی: آلوین تافلئر، فرئنسیس فوکویاما و ساموئل هانتینگتونون نظریهلری ایشیغیندا آمئریکانین عراقا هوجومونون تحلیلی"، شرق گوندهلییی، 1،تیر، 1384، تهران.
ــ "پستمدرنیزم؛ دالدان آتیلان داش"، 2007، تبریز.
ــ "گوندوغار اؤلکهسی: شمس و مؤولانا"، 2007، تبریز.
ــ "معاریفچیلیک ایشیغیندا رومانتیزم"،(2007-جی ایل باکی ایسلاویان اونیوئرسیتئتینده "معاصر دیلچیلییین پروبلئملری"نه حصر ائدیلن کونفرانسدا اوخونموش موحاضیره)، باکی، کیتاب عالمی نشریاتی، 2007
حاضیرلانان کیتابلاری
ــ "من بئله دوشونورم" (فلسفی مقالهلر توپلوسو).
ــ "قورغو نظریهسی" ("نظریهی توطئه" کیتابینین آذربایجان تورکجهسینه ترجومهسی. کیتاب رحمتلیک عالیم علیبالا حاجیزادهنین ترجومهسی و ا.طاهانین رئداکتهسی ایله نشر اولوناجاق)).
ــ "قورخو سنین آردینجا سورونور"
ــ "دیکتاتور"، (حکایهلر توپلوسو").
ــ "دونیانی دییشدیرمک، یوخسا اونا اویغونلاشماق".
ــ آذربایجان نثرینین گؤزهللیک فلسفهسی" (کیتابین آدی هلهلیک تام معینلشدیریلمهییب).
ــ "نئجه یازاق" (2-5-جی جیلدلر).
ــ "دلی"، (رومان. کیتابین آدی مووققتیدیر).
[redaktə / تحریر] یازارلارین باخیشیندا
ايواز طاها قومسالليقدا بوي آتان چينار/ گونتای جوانشیر
شعرده آزان فیلسوف / حیدر شادی
سوررئالیسم جانیفتاده؛ چهارچوب محکم داستانی / احمد صیقلی
[redaktə / تحریر] درگیلر و قزئتلر
ایواز طاها آیری آیری قزئتلر و درگیلرین قورجوسو و یا باش یازاری اولموشدور:
یول درگیسی (1990ـ1992)
جاهان درگیسی(1997-1999)
یارپاق قزئتی (2004ـ)
[redaktə / تحریر] آیریجا باخ
[www.eyvaz.com][1] ایواز طاهانین رسمی اینترنت دوشرگهسی
[www.eyvaz.org] [2] گونئیلی اؤیرنجیلر طرفیندن یؤنهتیلن بو اینتئرنئت دوشرگهسینده گئدن ماتئریاللار عرب و لاتین گرافیکالری ایله آذربایجان تورکجهسی و فارسجا یازیلیر.
بایقوش؛ یئنی ادبیات آنلاییشینا دوغرو
 |
Şəxs haqda olan bu məqalə qaralama halındadır. Məqaləni redaktə edərək Vikipediyanı zənginləşdirin. |
