بی ام و
BMW AG – Bayerische Motoren Werke AG
بی ام و – آوتوموبیل و موتوسیکلت ایستحصالچی سی.
شیرکتین آلمانجا دویزی "Freude am Fahren" کیمی سسله نیر. آذربایجان دیلینه بونو ترجمه ائتسک تخمینن "سورمکدن حظ آل" کیمی سسله نیر.
[redaktə] تاریخی
بی ام و شیرکتی مونخن ده طیاره محریک لر زاوودو (zavodu) کیمی کارل فریدریخ راپ (Karl Fridrix Rapp) ، کامیلو کاستیلیون (Kamillo Kastilyon) ، ماکس فریتس (Maks Frits) طرفیندن 1916 – جی ایلده تاسیس ائدیلیب. ایلکین دؤورده قبول اولونموش و حال – حاضیردا دا ایستیفاده اولونان آغ – ماوی رنگلی نیشان (emblem) فیرلانان طیاره ملخ ینین (propellerinin) تصویری بی ام و – نین ایلکین "تعینات" ینین نیشانه سی دبر.
ایلکین دؤورده شیرکت اتریش – مجاریستان اوچون وی 12 (V12) تیپلی محریک لر ایستحصال ائتمیه باشلاییر. تئزلیکله راپ علاوه پولا احتیاج دویور و کومپانی یانی ترک ائدیر. اونون یئرینه اتریش لی سرمایه چی فرانس جوزف پوپ (Frans Cozef Popp) فیرمایا رهبرلیک ائتمه یه باشلاییر.
بیرینجی دونیا محاریبه سیندن مغلوب چیخمیش آلمانیادا حربی قوووه لره محدودیت قویولور. بوندان سونرا آلمانیا دا طیاره ایستحصال ائدیله بیلمزدی – بئله لیکله بی ام و – نین محریک ایستحصالی آلمانیا اوچون یاراسیز اولدو.
1922 – جی ایلده بی ام و مونخن ده اؤزونون بو گونکو اساس بیناسینی تیکیر (حال – حاضیردا همین بینا شهر اولیمپیا مرکزی کیمی ده فعالیت گؤسته ریر).
1923- جو ایلده مونخن ده ایلک بی ام و موتو سیکلت لری ایستحصال اولونماغا باشلاییر.
1928 – جی ایلده ب ام و تورینگیادا (Türingiyada) آوتوموبیل زاوودو (zavodu) آلیر و اؤز ایلک ماشینینی ایستحصال ائتمیه باشلاییر. – Dixi
1934 – جو ایلده شیرکت آیریلیر. طیاره محریک لرینین ایستحصالی مستقیل لیک قازانیر. بی ام و فلوگ موتورن باو جی ام ب اچ (BMW Flugmotorenbau GmbH) بیر شیرکت اولاراق آیریلیر.
1936- جی ایلده بی ام و شیرکتی 2 لیترلیک محریکلی بی ام و 328 ایستحصالینا باشلاییب. بو ماشین او زامان برلینده کئچیریلمیش اولیمپیا یاریشلاریندا آووروپا ایدمان آوتوموبیل لری صینیفینده ان بؤیوک موفقیت الده ائتمیشدیر.
1939- جو ایلده بی ام و شیرکتی برلین – شپانداودا (Şpandauda) یئنی براندنبورگیش موتورن وئرک (Brandenburgische Motorenwerke) شیرکتینی آلیر و اونونلا بیرلیکده برلین یاخینلیغینداکی باسدورف و سولسدورف دا خصوصیله شدیریلمیش زاوودلارا صاحیب اولور.
ایکینجی دونیا محاریبه سی دؤورونده بی ام و اساسا آلمانیا اوردوسو اوچون راکتیو موتورلار ایستحصال ائدیردی. 1945- جی ایلده محاریبه دن سونرا اونون بو فعالیتی غالیب طرفین گؤزوندن یایینمادی ، بی ام و – یه 3 ایللیک ایستحصال موراتوریسی (moratorisi) تدبیق ائدیلدی.
بوندان علاوه محاریبه دن سونرا بی ام و – نین دئمک اولار، بوتون زاوودلاری () بمباردمانلار نتیجه سینده محو اولموشدو. هر شئی یئنی دن باشلاماق لازیم ایدی..
1948 – جی ایلدن باشلایاراق بی ام و آر 24 ، تک سیلیندیرلی موتوسیکلت و 1951 – جی ایلده ایسه بی ام و محاریبه دن سونرا اؤز ایلک آوتوموبیلینی ایستحصال ائدیر – بی ام و 501 .
1955 – بی ام و تریبورک جی ام بی اچ (BMW Triebwerk GmbH) شعبه سی یئنی دن فعالیته قاییدیر. شیرکت طیاره محریک لر اوزه رینده متخصیص لشیر. آی سئتا (Isetta) مدلی ایله شیرکت کیچیک آوتوموبیل لت کلاسینین تاریخینی باشلادیر.
1956 – ایدمان آوتوموبیل لری اولان 503 و 507 جی مدل لر ایستحصالا بوراخیلیر.
1959 – بی ام و شیرکتی ساتیشا چیخاریلیر.
1965 – بی ام و تریبورک جی ام بی اچ شعبه سی ساتیلیر و سونراکی 25 ایل عرضینده شیرکت طیاره محریک لرینی دوزلتمئکدن ایعمتینا(imtina) ائدیر.
1974 – بی ام و ایلک دفعه آ بی اس سیستم لی 0/3 (ABS sistemli 3.0)، سی اس ال آوتوموبیل لرینی یاریشلارا چیخاردیر.
1980- آ بی اس سیستمی نین (ABS sistemli) صنایع ایستحصالاتی و فورمولا 1 یاریشلاری اوچون محریکین ایستحصالاتس باشلانیر. بی ام و – نین موتوسیکلت لری پاریس – داکار رالی سینی اودور. داها سونرا همین یاریش دا یئنی دن اوچ دفعه غالیب گلیر.
[redaktə] فعالیتی
حال – حاضیردا بی ام و دونیانین ان ایری آوتوموبیل ایستحصال ائدن شیرکت لریندن بیری دیر. مینی ، رولز رویس شیرکت لرین سهم لرینه مالیک دیر. تکجه اؤتن 2005 – جی ایلده دونیادا 1,3 mln. بی ام و آوتوموبیل لری ساتیلمیشدیر. بونون نتیجه سینده عمومی گیلیری 55,3 mlrd ، خالیص گلیر ایسه 2,7 mlrd. اولموشدور.
حال – حاضیردا بی ام و – ده 106 مین اینسان امک فعالیت ایله مشغول دور.
[redaktə] منبع
