تراختور فوتبول کلوبو

Diqqət! Bu məqalə Seçilmiş məqalə namizədidir! Xahiş edirik ki, Vikipediya:Səsvermə prinsipinə əsaslanaraq səsvermədə iştirak edin!

تراختور فوتبول کلوبو (تیراختور، تیرختور) (فارسجا رسمی آد: باشگاه تراکتورسازی تبریز) گونئی آزربایجانین تبریز شهری‌نین ایران فوتبول سوپئرلیگ‌ینده‌ ایشتیراک ائدن ان اسکی فوتبول کومانداسی‌دیر. بو کلوب ۱۹۷۰ اینجی ایلده قورولموش‌دور. کلوبون ائسپونسورو گونئی آزربایجانین ان بویوک فاربیکالاریندان بیری اولان و تبریزده یئرلشن تراختور اوره‌تیمی فابریکاسی‌دیر. بو کلوب ایران و دونیا فوتبولونا بویوک اویونچولار وئرمیشدیر.^[1]

تراختور کومانداسی ۲۰۰۲-۲۰۰۳ (۱۳۸۰-۱۳۸۱) ایللره‌جن ایرانین سوپئرلیگی‌نده توپ اویناییردی، آنجاق او ایلدن آشاغا دسته‌یه سوقوط ائتدی و ۸ ایل گوزلمکدن سونرا ۲۰۱۰ (۱۳۸۸)اینیجی ایلینده یئنیدن ایرانین سوپئرلیگینه قاییتدی.^[1]

[redaktə] آد

کلوب اوز آدینی اونون رسمی ائسپونسورو اولان تبریزین تراکتور تولید ائدن فابریکاسی‌نین آدیندان گوتورموشدور. اینگلیسجه "تراکتور" کلیمه‌سینه تبریزلی‌لر اوز آغیزلاریندا "تیره‌ختور" و یا "تراختور" دئییرلر. بو سببدنده یانداشلار اوز سئویم‌لی تاخیملاری‌نی محض تبریز لهجه‌سی‌له آلقیش‌لاییرلار. حتتا یانداش‌لار ایصرارلا کلوبون آدینین فارس دیلینه اویغون شکیلده "تراکتورسازی" آدلاندیریلماسینا ائعتیراض ائتمک اوچون، کوینک‌لر و بایراق‌لارینا "تیره‌ختور" و "تراختور" یازیرلار؛ آمما پولیس‌لرده "خ" یازیلی بایراق‌لار و کوینک‌لری‌له ایستادییون ایچینه گئتمه‌یه یول وئرمیرلر.^[2]^[3]^[4]

[redaktə] تاریخچه

[redaktə] ایران ایسلام اینقیلابی‌ندان اونجه

تراختور ۱۹۷۵-اینجی ایل

تراختور ۱۹۷۶– اینجی ایلده (۱۳۵۴ ه.ش) جام-ی تخت-ی جمشیده صعود ائتدی. او ایل تراختور ۱۶ کوماندانين ایچینده ۱۶-اینجی اولوب سقوط ائتدی. اونلار بیرایلدن سونرا، ۱۹۷۸-اینجی ایلده (1356 ه.ش)، یئنی دن ایرانین سوپئرلیگی‌نده ایشتیراک ائتدی‌لر و بئشینجی اولدولار. بو ایللرده تراختورون باش مشقچی‌سی حوسئین فیکری ایدی و اویون‌چولاردان پرویز مظلومی، عابباس کارگر، ایبراهیم کیان طهماسوبی و... بو کوماندا‌دا اویناییردیلار ^[5].تراختور ۱۹۷۹–اینجی ایلده‌ده (۱۳۵۷ه.ش) سوپئرلیگده حاضیرایدی و یاریشمالار دورمادان اونجه ۹-اونجوایدی. بو ایلده ایران ایسلام اینقیلابی باش توتدوغوندان یاریشمالار دوردورولدو ^[6]. بو کوماندا ۱۹۷۸ – اینجی ایلده (1356 ه.ش) حذفی جام دا فینالا چاتدی آنجاق ملوان بندر انزلی کومانداسینین اونونده اوتوزوب و ایکینجی یئری توتدو^[5].

[redaktə] ۱۹۸۰ (۱۳۶۰) ایل‌لرینده

۱۹۸۰-اینجی ایل‌لرده ایران لار عیراق آراسیندا دویوش باشلاماق‌لا، ایرانین سوپئرلیگی تعطیل اولدو و تکجه ایالتی یاریشمالار کئچیریلیردی. او زامان‌لار تراختور تبریزین فوتبول لیقاسیندا اویناییردی. ۱۹۸۷-اینجی ایلده (۱۳۶۵ ه.ش)، تراختور و ماشین سازی فوتبول کلوب‌لارینین اویونچولاریندان تشکیل اولونان دوغوآزربایجان ایالتینین کومانداسی، ایالتی فوتبول اویونلاریندا فینالا چاتدی، اوتوزوب ایکینجی اولدو. او ایللرده احد شیخ لاری، حوسئین قوی فکر، قولام‌ریضا باغ‌آبادی و امیرداداش ضیایی تراختورون آدلیم اویونچولاریندان‌ایمیش‌لار. بو اویونچولار ایرانین میللی فوتبول کومانداسیندادا اویناییردیلار. بو ایللرین سونوندا واسیلی قوجا، رومانیالی مشقچی‌سی تراختورا گلدی ^[5]. ۱۹۹۰ (۱۳۷۰) ایل‌لری و ۲۰۰۰ (۱۳۸۰) ایل‌لرینین اولی واسیلی قوجا، تراختورون پایه کوماندا‌لارین نظارت آلتینا آلدی و کلوبون اساس ایشلرینه خیدمت ائتدی. تراختور ده‌ییشیلدی و اوغورلو ایللر کئچیرددی. ^[5]^[7]. اونلارین ایرانین سوپئرلیگینده بیرینجی قوروپ‌دا ایستیقلال و کیشاورز کومانداسیندان اوسته بیرینجی اولدولار، آنجاق پلی آف اویونوندا پاس کومانداسینا اوتوزوب اوچونجو اولدولار^[8] . بو سونوج، تراختورون ان بویوک اوغورو ساییلماقدادیر. بو ایللرده کریم باقیری، سیروس دین موحممدی و حوسئین خطیبی تراختورون اویونچولاری‌ایمیش‌لر^[5]. ایسماعیل حیلالی و علی باغمیشه بو کوماندا‌دان ایرانین میللی فوتبول کومانداسی‌نا یول تاپدی‌لار. 1995-اینجی ایل‌ده (1373)، تراختور جام حذفی‌نین فینالینا ایکینجی دفعه اولاراق یول تاپدی، آنجاق بهمن کومانداسی‌نین اونونده اوتوزوب ایکینجی اولدو. بو ایلدن سونرا کوماندانین کیلیدی اویونچولاری کوماندادان گئتدی‌لر و بئله‌لیک‌له کوماندانین ضعیف‌له‌مه‌سی باشلادی. موحممد حوسئین ضیایی، قوجانین یئرین توتدو و کوماندانین اویونچو-مشقچی‌سی اولدو. تراختور ۲۰۰۱– اینجی ایل‌ده (۱۳۷۹)، لیگ‌ده سونونجو اولدو، بونا باخمایاراق ایرانین فوتبول فئدراسیونونون حوکموایله، سوپئرلیگده قالدی. تراختور ۲۰۰۳-۲۰۰۲(۸۱-۸۰) ایلینده ریضاوطنخواه و ماحمود یاوری نین مشقچی‌لییی‌له یئنی‌دن لیگ‌ده سونونجو اولدو و آشاغا دسته‌یه سقوط ائتدی ^[5].

[redaktə] بیرینجی دسته‌ده اولان ایللر: ۲۰۱۰-۲۰۰۳(۱۳۸۸-۱۳۸۱)

سیروس دین موحممدی

تراختور یئددی مووسومو ایران فوتبولونون بیرنیجی دسته‌سینده کئچیرددی و ائلییه بیلمه‌دی سوپئرلیگده اویناسین. تراختور بو یئددی ایلده، تکجه بیر سئری پلی‌آفا چاتدی و شیرین فراز کیرمانشاه کومانداسینا اوتوزماق‌لا سوپئرلیگه قالخا بیلمه‌دی. بو ایل‌لرده ائرنئست میدئندروپ، فرشاد پیوس و احد شیخ لاری تراختورون باش مشقچی‌سی‌لریندن اولوب‌لار. سوندا فراز کمالوند ۲۰۱۰-۲۰۰۹ (۸۸-۱۳۸۷ ه.ش) مووسومونده تراختورو سوپئرلیگه قایتاردی ^[5].

[redaktə] سوپئر لیگه قالخماق

تراختور ۸۸ – ۸۷ مووسومو ایران فوتبولونون بیرنیجی دسته‌سینده اوینایان سونونجو اویونوندا ۱۵.۰۰۰ یانداش‌ین حوضورویلا ائلیه بیلدی آلومینیوم-ی هورموزگان کومانداسین ۲ قول‌لا اوتا و ۵۴ خال‌لا موستقیم صورتده ایرانین سوپئرلیگ‌ینه قالخا. بو ایل‌ده ناصیر شفق تراختورون پرئزیدئنتی و فراز کمالوند بو کوماندانین باش مشقچی‌سی ایدی. بو اویوندا تراختورون قول‌لارین امیر موحیببی و مسعود ابطحی وورموشدولار. او ایل شاهین بوشئهر فوتبول کلوبو، تراختورون دالیجا قره به قره گلیردی و سون اویوندا 2 هئچه دئیهیم-ی اهوازی اوتسادا ائلیه بیلمدی تراختورو قاباق‌لاسین، و تکجه پلی‌آفا یئتیشدی. ^[9]

[redaktə] سوپئرلیگه قالخان‌دان سونرا

تراختور سوپئر لیگه قالخان‌دان سونرا اول ایل‌ده (ایرانین سوپر لیگینین ۹-اونجو دوررو) یئددینجی ^[10] و ایکینجی ایل (ایرانین سوپر لیگینین ۱۰-اونجو دوررو) بئشینجی روتبه‌نی قازاندی. همین ایل تراختور کومانداسی اخلاق ساری‌دان ان یاخشی کوماندا سئچیلدی ^[11] ^[12].

[redaktə] یانداش‌لار

تراختورون یانداش‌لاری ایران فوتبول کلوب‌لاری یانداش‌لاری آراسیندا ان چیلغین‌لاری ساییلیرلار. حاضیردا بو کلوب ایراندا یاشایان تورک‌لرین کیملیک موباریزه‌سینین سیموول‌لاریندان بیرینه چئوریلیب‌دیر. کلوبون یانداش‌لاری سئویملی تاخیم‌لارینا حتتا گئدیش اویون‌لاریندادا، تراختورون قوناغی اولدوغو تاخیمین ایستادییونونا آخیشماق‌لا، بویوک یاردیمچی اولورلار؛ اوزل‌لیکله تئهرانین ایستیقلال و پیروزلیق فوتبول تاخیم‌لاری‌لا گئدیش اویون‌لاریندا، تئهرانین 100 مینلیک آزادلیق ایستادییونونا توپلاشان یانداش‌لارین ان آزی یاریسی تراختورو آلقیش‌لاییر.

ایراندا فوتبول ایستادییونونا تاماشاچی توپلاماق رئکوردودا تراختورا مخصوص‌دور. ایرانین یوکسک فوتبول لیقاسینین اویون‌لاری چرچیوه‌سینده تراختورون تبریزین دوغما سهند ایستادییونوندا شیرازین موقاویمت سیپاسی فوتبول کلوبونا قارشی کئچیردیگی اویوندا استادییونون توتوموندان داها آرتیق یانداش گلیب و بعضی قایناق‌لارا گوره، سایی ۱۱۰میندن ۱۵۰مین آراسی اولان بو یانداش‌لار، اوز دوغما تاخیم‌لارینی حتتا قیراغداکی تپه‌لرین اوستونه چیخاراق، آلقیش‌لاییب‌لار. تبریزین سهند ایستادییونو (یادیگار ایمام) بو تاخیمین هر اویونونا تاماشا ائتمک اوچون، اورتام دورومدا ۶۰مین نفر یانداش توپلاشیر. رسمی آمارلار اساسیندا تراختور یانداش‌لاری ۱۳۸۷-۱۳۸۸و۱۳۸۹-۱۳۹۰ اینجی ایلده ایران تاخیم‌اری آراسیندا ان چوخ تماشگرلی تاخیم تانیندی.^[13]^[14] ^[15]

[redaktə] قادین یانداش‌لار

تراختورون قادین یانداش‌لاری.

ایراندا قادین‌لارا فوتبول اویون‌لارینا تاماشا ائتمک اوچون ایستادییونا گئتمک قاداغان‌دیر. بهانه کیمی ایستادییون‌لاردا کیشی فوتبول یانداش‌لاری‌نین بعضن اخلاق‌دان کنار یامان‌لار سسلندیرمه‌سی گؤسته‌ریلیر. آنجاق تراختور یانداش‌لارینین ایران فوتبول کلوب‌لاری یانداش‌لاری آراسیندا همده ان نظملی-اینتیظاملی یانداشلار ساییلیرلار. بونا گوره‌ده کلوبون قادین یانداشلاری ایستادییونا گیرمک قاداغاسی اولدوغونا گوره، سئویملی تاخیم‌لارینی اویون‌لارینا ایستادییون اطرافینداکی تپه‌لرین اوزرینه چیخاراق، تاماشا ائدیرلر. آمما بو عنعنه‌نین باشقا شهرلرده‌ده یاییلاجاغیندان تشویشه دوشن پولیس، سون واخت‌لار بونا قارشی جیددی موباریزه آپاریر؛ حتتا تاخیمین بیر نئچه قادین یانداشی‌ حبس ائدیلمیش و اونلاردان بیر داها فوتبول اویون‌لارینا تاماشا ائتمک اوچون اطراف تپه‌لره قالخمایاجاق‌لاری حاققیندا ایلتیزام آلیندیغدان سونرا، آزاد بوراخیلمیش‌لار.^[16]^[17]

[redaktə] شوعارلار

تورک دیلینده مدرسه، اولمالیدیر هرکسه.

تراختورون یانداش‌لارینی بعضن ایسپانییانین کاتالونییا ایالتی‌نین بارسئلونا فوتبول کلوبونون یانداش‌لاری‌له موقاییسه ائدیریرلر. کاتالان دیلی ایسپانییادا قاداغان اولوندوق‌دان سونرا، بارسئلونانین یانداش‌لاری بو تاخیمین هر ائو اویونوندا دوغما نییوکامپ ایستادییونونا آخیشاراق، کاتالانجا میللی شوعارلار سسلندیرمه‌یه باشلامیش‌لار. حاضیردا ایران تورک‌لریده هم تراختورون همده تبریزین باشقا فوتبول کلوب‌لاری —بلدییه و گوستریش پولاد اسپور فوتبول کلوبولاری-نین ائو اویون‌لاریندا ایستادییون‌لاردا میللی شوعارلار سسلندیریرلر. تراختورون غلبه قازانماسیندان و یا مغلوب اولماسیندان آسیلی اولمایاراق، اونلار سئویم‌لی تاخیم‌لارینی آلقیش‌لاییرلار. حتتا تاخیم اوزو قول یئیه‌نده استادییوندا "عئیبی یوخ، عئیبی یوخ" سسلری ائشیدیلیر. تراختورون یانداش‌لاری‌نین تئز-تئز سسلندیردیک‌لری بعضی شوعارلار بونلاردیر:

یاشاسین آزربایجان.

یئل یاتار، توفان یاتار، یاتماز تراختور بایراغی.

آزربایجان وار اولسون، ایسته‌مه‌یه‌ن خار اولسون.

آزربایجان یوردوموز، تراختور بوزقوردوموز.

تورک دیلینده مدرسه، اولمالی‌دیر هر کسه.

تئهراندا کئچیریلن اویون‌لاردا بعضن تئهران کلوب‌لاری‌نین یانداش‌لارینین تورک‌لره قارشی سسلندیردیکلری ایریقچی شوعارلارا تراختور یانداش‌لاری‌نین وئردیک‌لری جاوابین نتیجه‌سینده، تبریز تاخیمی جزالاندیریلیب و ائو اویون‌لاری‌نین بیر نئچه‌سینی یانداش یاردیمی اولمادان، تاماشاچیسیز ایستادییوندا کئچیرمه‌لی اولوب‌دور.^[18] ^[19] ^[20]^[21]

[redaktə] اورمو گؤلو

تراختور و اورمو گولو.

تراختورون یانداش‌لاری تکجه اوز دوغما تاخیم‌لارینی آلقیش‌لاماق‌لا کیفایتلنمه‌ییب، آزربایجانین بوتون توپلوم‌سال سورون‌لاری‌نا اوز موناسیبت‌لری‌نی بیلدیرمه‌یه، حاق‌سیزلیق‌لارا قارشی ائعتیراض سس‌لرینی اوجالتماغا چالیشیرلار. حاضیردا بئله سورون‌لاردان بیری، گونئی آزربایجانین سیموول‌لاریندان بیری ساییلان اورمو گؤلونون گئت-گئده قوروماسی‌دیر. تراختورون ۱۳۸۹اونجو ایلینده کئچیردیگی ائو اویون‌لاری‌ندان بیرینده ایستادیوم‌دا "اورمو گؤلو سس‌له‌نیر، سوسوزام هارای هارای" شوعاری سس‌له‌ندی. بونون نتیجه‌سی اولاراق، ۱۳۹۰اینجی ایلین فروردین آیینین اون‌اوچونده تبریزدن، اورمودان و گونئی آزربایجانین دیگر بؤلگه‌لریندن اولان یوزلرله تراختور یانداشی‌نین هر بیری اورمو گولونون اوستونده‌کی کورپودن گوله بیر قاب سو توک‌دولر. بوندان سونرا اورمو گؤلونه گلن هر بیر آدام جیددی پولیس یوخلانیشیندان کئچیریلیر و بعضی معلومات‌لارا گؤره بو گونه‌جن‌ بو کامپانییایا قوشولماق ایسته‌یه‌ن ۱۰۰دن آرتیق تراختور یانداشی مووققتی گؤز آلتینا آلینیب‌دیر.^[22]

[redaktə] مارش‌لار

تراختور ایران‌دا اوزونه‌ مخصوص مارش و ماهنی‌لاری اولان ایلک فوتبول کلوبودور. بو مارش‌لاردان "باریش کور قوروپو"نون یازیب ایفا ائتدیگی "یاشا، یاشا تراختور" ماهنی‌سی فوتبول کلوبو طرفیندن رسمی مارش کیمی قبول ائدیلمیش‌دیر:

	یاشا، یاشا تراختور تراختور فوتبول کلوبونون رسمی ماهنیسی، مسعود امیرسئپئهر یازیب و باریش کور قروپویله بیرلیکده ایفا ائتمیشدیر
Bu faylın oxunmasında problem var? Bax media kömək.

یاشا، یاشا تراختور،

داییم یاشا تراختور،

یوردوموزون ایفتیخاری‌سان،

آذر ائلین قهرمانی‌سان،

یئل‌لر یاتار، توفان یاتار،

یاتماز تراختور بایراغی،

سوک داغ‌لاری، آت قول‌لاری،

آرخانداییق بیز تراختور،

سن جانیمیز، سن عئشقیمیز،

آل قانیمیزسان تراختور.

[redaktə] اویون‌چولار

1390-1391 لیگی:

نومره‌سی	موقئع	آدی	نومره‌سی	موقئع	آدی
۱	قاپی‌چی	عابباس موحممدی	۱۴	مودافیعه‌چی	سئیید موحسئن حوسئینی
۲	مودافیعه‌چی	امیر حوسئین صادیقی	۱۵	مودافیعه‌چی	فردین عابیدینی
۳	مودافیعه‌چی		۱۶	مودافیعه‌چی	موصطافا ایکرامی
۴	یاریم‌مودافیعه‌چی	احمد آل-ی نعمه
۵	هوجوم‌چو	ائشپیتیم آرفی	۱۸	مودافیعه‌چی	موصطافا حققی‌پور
۶	یاریم‌مودافیعه‌چی	مئهدی کیانی	۱۹	مودافیعه‌چی	داوود دانیش‌دوست
۷	مودافیعه‌چی	مورتاضا اسدی	۲۰	هوجوم‌چو یاریم‌مودافیعه‌چی	رودریقو توسی
۸	یاریم‌مودافیعه‌چی	فرزاد آشوبی	۲۱	یاریم‌مودافیعه‌چی	مئهرداد نوری
۹	هوجوم‌چو	علی علیزاده	۲۲	هوجوم‌چو	مسعود ایبراهیم‌زاده
۱۰	یاریم‌مودافیعه‌چی	سیاوش اکبرپور	۲۳	یاریم‌مودافیعه‌چی	فلاویو ایمانوئل لوپئز
۱۱	هوجوم‌چو	موحممد حسن ایبراهیمی	۲۴	یاریم‌مودافیعه‌چی	موحممد لوطفی
۱۲	قاپی‌چی	مئهدی ثابیتی	۲۵	یاریم‌مودافیعه‌چی	موحممد قالانویی
۱۳			۲۸	یاریم‌مودافیعه‌چی	ائحسان حاج‌صفی

[redaktə] مشقچی‌لر

[redaktə] ایندی‌کی اوندرلیک

موقئع	کادر
ایداره‌چی(باشقان)	موحممد حوسئین جعفری
نظارت‌چی	حسن آذرنیا
باش مشقچی	امیر قالانویی
بیرینجی مشقچی	ستتار همدانی
ایکینجی مشقچی	قولامریضا باغ‌آبادی
تئکنیک باشقانی	امیر حاجی‌ریضایی
قاپی‌چی‌لار مشقچی‌سی	کریم بوستانی
بادی بیلدینگ مشقچی‌سی	بیاض پورممی
لوجیستیک	احمد ابهران

[redaktə] ایداره‌چی‌لر

[redaktə] سونوج‌لار

تخت‌جمشید جامی:

تخت‌جمشید جامی ۵۵ – ۵٤: روتبه ۱۶
تخت‌جمشید جامی ۵۷ – ۵٦: روتبه ۵

آزادیگان جامی:

آزادیگان جامی ۷۱ – ۷۰: روتبه ۱۰
آزادیگان جامی ۷۲ – ۷۱: روتبه ۶
آزادیگان جامی ۷۳ – ۷۲: روتبه ۸
آزادیگان جامی ۷٤ – ۷۳ : روتبه ۱۵
آزادیگان جامی ۷٦ – ۷۵ : روتبه ۱۱
آزادیگان جامی ۷۷ – ۷٦ : روتبه ۹
آزادیگان جامی ۷۸ – ۷۷ : روتبه ۱۱
آزادیگان جامی ۷۹ – ۷۸ : روتبه ۶
آزادیگان جامی ۸۰ – ۷۹ : روتبه ۱۲

سوپئرلیگ:

سوپئرلیگین بیرینجی دوورو ۸۱ – ۸۰: روتبه ۱۴

بیرینجی دسته‌نین لیگی:

بیرینجی دسته‌نین لیگی ۸۲ – ۸۱: روتبه ۳
بیرینجی دسته‌نین لیگی ۸۳ – ۸۲: روتبه ۸
بیرینجی دسته‌نین لیگی ۸٤ – ۸۳: روتبه ۵
بیرینجی دسته‌نین لیگی ۸۵ – ۸٤: روتبه ۲
بیرینجی دسته‌نین لیگی ۸٦ – ۸۵: روتبه ۱
بیرینجی دسته‌نین لیگی ۸۷ – ۸٦: روتبه ۴
بیرینجی دسته‌نین لیگی ۸۸ – ۸۷: روتبه 1

سوپئرلیگ:

سوپئرلیگین دوققوزونجو دوورو ۸۹– ۸۸: روتبه ۷
سوپئرلیگین اونونجو دوورو ۹۰– ۸۹: روتبه ۵

حذفی جام:

۱۳۵۵: روتبه ۲
۱۳۷٤: روتبه ۲

[redaktə] تراختور فوتبول کلوبونون فوتبول آکادئمیاسی

موردادآیی‌نین ایکینجی بولوموندن، فوتبول آکادئمیاسی‌نین قورماغی اوچون پلان‌لار توکولوب و حاضیرلیق‌لار آپاریلیب و شهریور آیی‌نین 1 -یندن (1390/2011) رسمی صورت‌ده کیلاس‌لاردا آد یازماق باشلانیب. مئهرآیی‌نین 8-ایندن 120 اویرنجی‌له آکادئمیانین باشلانیش توره‌نی کئچیریلیب.

تراختور فوتبول کلوبونون فوتبول آکادئمیاسی ایران‌دا، آسیا فوتبول کونفئدراسیونون قانون‌لاری اساسیندا تشکیل تاپمیش ایلک آکادئمیادیر. ^[23].

[redaktə] رسیم‌خانا

سهند ایستادییونو
یاشاسین تراختور
كیچیك قیز
تورك دیلینده مدرسه
قادینلار-تراختور
تراختور یانداشلاری و اورمو گولونون قوروماسینا اعتیراض
تراختورون یانداشلاری
Fevral.26, 2010, Tirəxtur və Tehranın İstilazın futbol komandalrının yarışı, Təbrizin Səhənd stadionu, Tirəxturun yanlıları Xocalı soyqırımı şəhidlərinin xatirini anırlar.

[redaktə] قایناق‌لار

↑ ^1,0 ^1,1 تراکتورسازی تبریز به لیگ برتر فوتبال ایران صعود کرد، خرداد ۱۳۸۸، خبرگزاری جمهوری اسلامی
↑ تراختور کیست؟
↑ http://elmanturarn.mihanblog.com/post/44 تراختور یا تراکتور؟
↑ سرخابی هستید یا طرفدار تراختور؟
↑ ^5,0 ^5,1 ^5,2 ^5,3 ^5,4 ^5,5 ^5,6 حدادپور، مهدی. "تراختور... شیرِ". روزنامه ورزشی گل. ۲۰ خرداد ۱۳۸۸.سال چهارم شماره ۹۶۲، صفحه ۵
↑ کتاب ۳۴ سال با پرسپولیس (از سال ۴۷ تا سال ۸۱)نویسنده: صداقت، فرهاد، چاپ اول، تبریز، شهریور ۱۳۸۱، صفحه ۹۱ تا ۹۴، شابک 964-06-1693-1
↑ گزارش ویژه درباره پدیده سالتراکتورسازی و هوادارانش ۲۹ اسفند ۱۳۸۸، رستمی، حمید
↑ کتاب: ۳۴ سال با پرسپولیس (از سال ۴۷ تا سال ۸۱) صداقت، فرهاد،چاپ اول، تبریز،شهریور ۱۳۸۱،ص ۱۰۸،شابک 964-06-1693-1
↑ تراکتور سازی تبریز به لیگ برتر صعود کرد
↑ لیگ برتر نهم از نگاه آمار
↑ تراکتور سازی بهترین تیم لیگ دهم
↑ گزارش انضباطی لیگ دهم؛ تراکتور سازی تیم اخلاق شد
↑ تبریزی‌ها رکورد حضور تماشاگر را شکستند، ۱۷ بهمن ۱۳۸۸، خبرگزاری فارس
↑ عزیزمحمدی: تراکتور رکوردار تماشاگران لیگ برتر است، ۲۸ فروردین ۱۳۸۹، فوتبال سه
↑ تراکتورسازی پرتماشاگرترین تیم لیگ برتر فوتبال شد، خبر گزاری مهر، مه۲۰۱۱
↑ زنان و کودکان تماشاگران ویژه تراکتورسازی و پرسپولیس، 27 فروردین 1389، خبرآنلاین
↑ حضور تعدادی از هواداران زن تراکتورسازی تبریز در بازی رفت روز جمعه، یاری‌یول، تبریزسسی
↑ محرومیت تراکتور دلیل اصلی کاهش آمار تماشاگر در لیگ برتر
↑ جعفری :داخل فدراسیون جریانی است که نمی‌خواهد تماشاگران تراکتور بخشیده شوند
↑ محروميت تماشاگران تراکتورسازي بخشيده نشد
↑ نامه عباسی به کفاشیان برای بررسی رفع محرومیت تماشاگران تراکتور
↑ شعار زیبای هواداران تراکتور
↑ آکادمي فوتبال تراکتورسازي افتتاح شد، کد خبر : 52655 زمان ارسال : سه‌شنبه 12/07/1390 10:40

تراختور...شیرِ، نویسنده: حدادپور، مهدی، نشریه=روزنامه ورزشی گل، تاریخ ۲۰ خرداد ۱۳۸۸، سال چهارم، شماره ۹۶۲، صفحه ۵

[redaktə] ائشیگه باغلانتی

[sitat_qeyd-.D8.AC.D9.85.D9.87.D9.88.D8.B1.DB.8C-0] 1,0 ^1,1 تراکتورسازی تبریز به لیگ برتر فوتبال ایران صعود کرد، خرداد ۱۳۸۸، خبرگزاری جمهوری اسلامی

[sitat_qeyd-1] تراختور کیست؟

[sitat_qeyd-2] ttp://elmanturarn.mihanblog.com/post/44 تراختور یا تراکتور؟

[sitat_qeyd-3] سرخابی هستید یا طرفدار تراختور؟

[sitat_qeyd-.D8.AD.D8.AF.D8.A7.D8.AF-4] 5,0 ^5,1 ^5,2 ^5,3 ^5,4 ^5,5 ^5,6 حدادپور، مهدی. "تراختور... شیرِ". روزنامه ورزشی گل. ۲۰ خرداد ۱۳۸۸.سال چهارم شماره ۹۶۲، صفحه ۵

[sitat_qeyd-5] کتاب ۳۴ سال با پرسپولیس (از سال ۴۷ تا سال ۸۱)نویسنده: صداقت، فرهاد، چاپ اول، تبریز، شهریور ۱۳۸۱، صفحه ۹۱ تا ۹۴، شابک 964-06-1693-1

[sitat_qeyd-goal-6] گزارش ویژه درباره پدیده سالتراکتورسازی و هوادارانش ۲۹ اسفند ۱۳۸۸، رستمی، حمید

[sitat_qeyd-7] کتاب: ۳۴ سال با پرسپولیس (از سال ۴۷ تا سال ۸۱) صداقت، فرهاد،چاپ اول، تبریز،شهریور ۱۳۸۱،ص ۱۰۸،شابک 964-06-1693-1

[sitat_qeyd-8] تراکتور سازی تبریز به لیگ برتر صعود کرد

[sitat_qeyd-9] لیگ برتر نهم از نگاه آمار

[sitat_qeyd-10] تراکتور سازی بهترین تیم لیگ دهم

[sitat_qeyd-11] گزارش انضباطی لیگ دهم؛ تراکتور سازی تیم اخلاق شد

[sitat_qeyd-12] تبریزی‌ها رکورد حضور تماشاگر را شکستند، ۱۷ بهمن ۱۳۸۸، خبرگزاری فارس

[sitat_qeyd-13] عزیزمحمدی: تراکتور رکوردار تماشاگران لیگ برتر است، ۲۸ فروردین ۱۳۸۹، فوتبال سه

[sitat_qeyd-14] تراکتورسازی پرتماشاگرترین تیم لیگ برتر فوتبال شد، خبر گزاری مهر، مه۲۰۱۱

[sitat_qeyd-15] زنان و کودکان تماشاگران ویژه تراکتورسازی و پرسپولیس، 27 فروردین 1389، خبرآنلاین

[sitat_qeyd-16] حضور تعدادی از هواداران زن تراکتورسازی تبریز در بازی رفت روز جمعه، یاری‌یول، تبریزسسی

[sitat_qeyd-17] محرومیت تراکتور دلیل اصلی کاهش آمار تماشاگر در لیگ برتر

[sitat_qeyd-18] جعفری :داخل فدراسیون جریانی است که نمی‌خواهد تماشاگران تراکتور بخشیده شوند

[sitat_qeyd-19] محروميت تماشاگران تراکتورسازي بخشيده نشد

[sitat_qeyd-20] نامه عباسی به کفاشیان برای بررسی رفع محرومیت تماشاگران تراکتور

[sitat_qeyd-21] شعار زیبای هواداران تراکتور

[sitat_qeyd-22] آکادمي فوتبال تراکتورسازي افتتاح شد، کد خبر : 52655 زمان ارسال : سه‌شنبه 12/07/1390 10:40

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]

[23]

تراختور فوتبول کلوبو

Mündəricat