فاطما عالييه توپوز

Vikipediya, açıq ensiklopediya
Keçid et: naviqasiya, axtar
Fatma Aliye Topuz
Fatma Aliye.JPG
Doğum tarixi: 9 oktyabr 1862(1862-10-09)
Doğum yeri: İstanbul, Osmanlı İmperiyası
Vəfatı: 13 iyul 1936 (73 yaşında)
Vəfat yeri: İstanbul, Türkiyə

فاطما عالييه توپوز (9 اکيم 1862 - 13 تموز 1936). تورک ادبيياتي نين و ايسلام جوغرافياسي نين ايلک قادين رومانچيسي اولاراق تانينير. (ظفر خانيم 1877 ايلينده ياييملاديغي عشق- وطن آدلي بير رومان موجودسا دا يازارين تک روماني اولدوغواوچون ظفر خانيم دئييل، بئش رومان ياييملايان فاطما عالييه خانيم ايلک رومانچي عنوانيني آلميشدير.)

دوغوم و اوشاقليغ[redaktə]

9 اکيم 1862ده ايستانبولدا آنادان اولدو . تاريخچي احمد جودت پاشا ايله آدوييه خانيمين قيزيدير. ياشاديغي دؤنمدهقادينلارين ائييتيمينه اؤنم وئريلمه ديگيندن اؤزل بير ائييتيم آلماسادا آغابئي علي سدات بئين ائوده موعلليملردن آلديغي درسلري دينله مه سي سايه سينده اؤزونو يئتيشديرميشدير. فرانسيزجايا اولان ماراغي اورتايا چيخماسي اوزرينه فرانسيزجا درسلري آلميش و بو ديلي چوخ ياخشي دوزئيده اؤيرنميشدير.

گنجليك[redaktə]

فاطما عالييه خانيم، 17 ياشيندا ايکن (1879) قيريم ساواشينداكي ساوونماسي ايله اون قازانان غازي عوثمان پاشانين قارداشياوغلو کول آغاسي فايک بئي ايله ائولندي و دؤرد قيزي اولدو (خديجه، عايشه، عيصمت، نعمت).ائوليليگي نين ايلک 10 ايلينده آنجاق ائشيندن گيزلي اولاراق کيتاب اوخويا بيلن فاطما عالييه خانيم، ائشي نين بو قونوداکي توتومونون دگيشمه سيندن سونرا اونون ايذني ايله چئويرمه ايشينه باشلادي. ادبي ياشانتيسي 1889 ايلينده جورج اوهنئت (George Ohnet) – ين "Volonte "آدلي رومانيني "مرام" آدييلا چئويرمه سي ايله باشلادي. بو روماني " بير خانيم " ايمضاسييلا ياييملانميشدير. بو باشاريسييلا باباسي نين ديققتيني چکن فاطما عالييه خانيم، اؤزوندن درس آلماغا، فيکير تارتيشمالاري ائتمه اولاناغينا قوشموشدو. " بير خانيم " ين گؤسترديگي چابالار، اونلو يازار احمد ميدحت افندي طرفيندن "ترجومان-حقيقت " قزئتينده اؤيولدو و يازار اونو اؤز معنوي قيزي اولاراق قبول ائتدي. فاطما عالييه خانيم، بو ايلک چئويريسيندن سونراکي چئويريلرينده " موترجيم- مرام " تاخما آديني قوللاندي.

ياراداجيليق[redaktə]

1891 ايلينده احمدميدحت افندي ايله بيرليکده "خيال و حقيقت" آدلي روماني يازدي. رومانين قادين آغزيندان اولان كسيميني فاطماعالييه خانيمين، كيشي آغزيندان اولان كسيميني احمد ميدحت افندي نين قلميندن چيخميشدي . اثر، بير قادين و احمد ميدحت ايمضاسييلا ياييملاندي. بو روماندان سونرا ايکيلي اوزون سوره مکتوبلاشميش و بو مکتوبلاري ترجومان-حقيقت قزئتينده ياييملانميشدير.

فاطما عالييه خانيم، 1892ايلينده "مخدرات" ((Muhadarat آدلي ايلک رومانيني اؤز آدييلا ياييملادي. بو رومانيندا بير قادينين ايلک محبتيني اونوتاماياجاغي اينانجيني چوروتمه يه چاليشدي. 1899 ايلينده ياييملانان "اودي " (Udi) آدلي رومانيندا گؤروي اوزرينه گئتديگي حلبده ياشامينا تانيق اولدوغو بيرقادين اوديني آنلاتدي. بو کيتابدا موتسوز بير ائوليليک قوران بديعه نين حيکايه سي دؤنمينه گؤره چوخ يالين بير ديلله آنلاتميشدير. رشاد نوري گونتکين، ادبيياتا ايلگينيسيني گوچلنديرن ياپيتلار آراسيندا له له سسيندن دينله ديگي رومانلاردان سونرا فاطما عالييه خانيمين "اودي" رومانيني سايار. اثرلرينده قادين گؤزو ايله ائوليليک، ائشلر آراسينداکي اويوم، عئشق و سئوگي قاورامي، بيربيريني تانيياراق ائولنمه نين اؤنمي كيمي اؤنملي قونولاري ايشله ين فاطما عالييه خانيمين ديگر رومانلاري "رفعت" (Ref'et)، "انين" (Enin )، "لوايح- حيات" (Levayih-i Hayat) آدلاريني داشير. يازار رومانلاريندا بيره يلشمه چاباسيندا اولان، چاليشان، پول قازانان، كيشي يه احتيياج دويمايان قادين قهرمانلار يارادير.

فاطما عالييه خانيم، ادبي اثرلري نين يانيسيرا قادين سورونلاري ايله ايلگيلي ده اثر وئرميشدي. قادينلارا مخصوص قزئتده قادين سورونلارينا ايليشکين مقاله لر يازميش و گله نکسل گؤروشلردن قوپمادان قادين حاقلاريني ساوونموشدور. 1892ده ياييملانان "نيسوان- ايسلام" آدلي کيتابيندا آوروپالي قادينلارا ايسلامدا قادينين دورومونو آنلاتميش و رومانلاريندا داها مودئرن قادين قهرمانلار يارادان يازار، بو کيتابتا، مقاله لرينده اولدوغو كيمي، اسکي گله نکلري ساووندو.

1893 ايلينده احمد ميدحت افندي طرفيندن يازيلان "بير عوثمانلي قادين يازارين دوغوشو" آدلي کيتاب بيلينيرليگيني آرتيردي. بو کيتاب احمد ميدحتين فاطما عالييه ني آنلاتديغي يازيلاري و فاطما عالييه نين دوغرودان اؤزونو آنلاتديغي مکتوبلاريندان اولوشماقدادير. فاطما عالييه مکتوبلاريندا بيتمک توکنمز بيلمز اؤيرنمه جوشغوسونو آنلادير.

فاطما عالييه خانيمين ادبييات ديشيندا اوغراشي آلانلاريندان بير باشقاسي ايسه يارديم جمعييتلري ايدي؛ 1897 ايلينده عسکرعاييله لرينه يارديم آماجييلا "نيسوان-عوثمانييه ايمداد جمعييتي" آدلي بير درنک قوردو. بو درنک، اؤلکه ده کي ايلک رسمي قادين درنکلريندن بيريسيدير. فاطما عالييه خانيم، هيلال-احمر جمعييتي نين ده ايلک قادين اويه سيدير.

1914 ايلينده يازديغي "احمد جودت پاشا و زاماني" سون ياپيتيدير. بو رومانيندا مشروطييت سونراسي سياسال ياشامي اورتاياقويماغي آماچلاميشدير. رسمي تاريخ ئتزلرينه موخاليف اولماسي، ادبييات دونياسيندا ديشلانماسينا يول آچميشدير.

ايلک تورک قادين رومانچي اولما اؤزلليگي ايله آوروپا و آمريکا باسينيندا بيله سيندن سؤز ائديلن فاطما عالييه خانيمين " نيسوان- ايسلام " آدلي اثري فرانسيزجا و عربجه، " اودي" آدلي روماني فرانسيزجايا چئوريلميشدير. اميل ژولير(Emile Julyar) آدلي بير فرانسيز يازاري نين " دوغو و باتي قادينلاري " آدلي کيتابيني فرانسيز قزئتلرينه يازديغي بير مکتوبلا ائلشديرمه سي پاريسته بؤيوک يانکي اويانديرميشدي. اثرلري 1893 ايلينده شيکاگودا دونيا قادين كيتابخانا سي کاتالوگوندا سرگيلنميشدير.ايکينجي مشروطييت ايللرينه قدر يايغين بير اونو اولماسينا راغمن زامانلا اونودولموشدور.

فاطما عالييه خانيم، سوي آدي قانونوندان سونرا توپوز سوي آديني آلدي.

فاطما عالييه 13 تموز 1936 تاريخينده ايستانبولدا وفات ائتدي. جنازه سي فريکؤي مزارليغينا دفن ائديلميشدير.

فاطما عالييه خانيمين آدي، ايستانبول بئي اوغلودا و چانکايا آنکارادا بيرر خيابانلارا وئريلميشدير. ايلک عوثمانلي قادين فئمينيستلريندن امينه سمييه نين باجيسي، تيياترو و سينما اويونجوسو سونا سئلئنين خان ننه سيدير.

ديگر اثرلري :[redaktə]

• رومان: رفعت (1898)، اودي (1899)، انين (1910)

• ياشام اؤيکوسو و تاريخ آلينينداکي ياپيتلاري: نامداران- زنان- ايسلامييان (اونلو ايسلام قادينلاري) (1892)، تراجوم- احوال- فلاسيفه (فلسفه چيلرين ياشاملاري) (1900)

• آيريجا فاطما عالييه اوزرينه احمد ميدحتين فاطما عالييه خانيم ياخود بير موحارريره-اي عوثمانيينين نشاتي (1893) آدلي بير اينجله مه سي واردير.

• فاطما عالييه خانيمين بييوگرافيسي، فاطما کارابيييک بارباروس اوغلو طرفيندن اوزاق اؤلكه:فاطما عالييه (2007) آدي آلتيندا کيتابلاشديريلميشدير.[1]

قايناق[redaktə]

  1. http://tr.wikipedia.org/wiki/Fatma_Aliye_Topuz