قوروه بولگه‌سی

قوره بولگه سی یا آزربایجان قوروه سی و یا قوره-ی گروس کوردوستان ایالتی ندا یئرلشیب. قوروه شهری بو بولگه نین مرکزی دیر.

اینظیباطی سینیرلار

قوروه بولگه سی 4300 کیلومئتر-ی موربع ساحه ایله، دورد بولوم دن عیبارتدیر. مرکزی بولوم، چاردولو، ائیلاق و سیریش آباد بو بولگه نین بولوم لری دیر.دهگلان، سیریش آباد، دیزج و تاپیران (دلبران) قوروه بولگه سی نین اونملی شهرلری دیرلر. .

جوغرافیایی موقئع

بو بولگه قوزای دان بیجار گروس بؤلگه‌سی ، دوغودان هابئله گونئی دوغودان همدان بؤلگه‌سی ، گونئی دن سونقور بؤلگه‌سی ، و باتی دان و قوزای باتی دان سنندج و کامیاران بولگه لر ایله قونشوردور.

قوروه نین آدی

قورا، قوره، قروا ، قوربا ؛ تورکجه سوزجوک و یئنی یارپاق، یئنی گویه رمیش آغاج، هابئله سو داشیماق اوچون چرم -ی قاب و مونقول دیلی نده 3 سایی آنلامیندادیر.

دیل و مذهب

قوروه بولگه‌سی‌نین اهالی‌سی‌ ایصالتن آزربایجان تورک‌لری‌دیرلر. سونرادان كوردلرده بو بولگه‌یه كوچوب‌لر. حال حاضیردا آزربایجان تورک‌لری اكثریت‌ده اولاراق كوردلرده بو بولگه‌ده یاشاییرلار. مذهب ساری‌دان‌دا بو بولگه‌نین اكثرییت‌ی موسلمان‌دیرلار.

قوروه ده تورکجه آدلار

آختاتار (آغ تاتار)، جان باغی (چان باغی)، قوری چای (قورو چای)، گوجه کند (گؤیجه کند)، گزل قایه (قیزیل قایا)، گیلکلو (گیله کلی)، چمقلو (چوماقلی)، قشلاق (قیشلاق)، قرآغل (قارا آغیل)، اوج بلاغ (اوچ بولاق)، بایتمر (بای دمیر)، یمق (یاماق)، قزلجه کند (قیزیلجا کند)، مالوجه (مالیجا)، علی وردی کریم آباد (علی وئردی)، یکه چای (یئکه چای)، یالقوز آغاج (یالقیز آغاج)، بابا گرگر (دده قورخوت)، باغلوجه (باغلیجا)، بهارلو (باهارلی)، داش کسن (داش کسه ن)، قوجاق، قصلان (قاسیلان)، باشماق، شاه قلی (شاه قولو)، چاغر بلاغ (چاغیر بولاق)، قره بلاغ (قارابولاق)، شاه بلاغی (شاه بولاغی)، نیاز بلاغ (نییاز بولاق)، قاملو (قاملی)، قره بلاغ (قارابولاق) خان، آق داغ، ساری گونئی، ...

اهالی

قوروه بولگه سی نین 199.622 مین نفر اهالی سی وار. 1385-اينجي ايلين نوفوس سايي‌سي اساسيندا.

گورمه‌لی و گزمه‌لی یئرلر

فرهاد آبادکورپوسو، شیدا-ی نازار مقبره سی، باباگورگور بوقعه سی (یاتیری) ، قاسیلان (قصلان) حامامی، فرهاد تاش قایالیغی، دنیز بولاغی، ریضوان پارکی و... بو بولگه نین گورمه‌لی و گزمه‌لی یئرلریندیرلر.

قایناق لار