یانارداغ

استراتوو ولکانین ائن کسییی:
1. بؤیوک ماگما کامراسی 2. یئراوست قاتی 3. کانال 4. بونؤوره 5. یاتاق 6. بوداق یول 7. ولکاندان یارانان کول قاتی 8. یان طرف	9. ولکان زامانی یاران لاوا قاتی 10. بوغاز 11. پوسکوردوجو قیف 12. لاوا آخینی 13. آغیزلیق 14. کارتئر 15. سویوق کول

رینژانی ولکانین پوسکورمه سی - 1994

یانارداغ (اینگیلیسجه:volcano) – خاریجه لاوا (lava) ، ولکانیک گازلار ، داشلار (ولکانیک بومبالار) پوسکوردن ، یئر کوره سینین اوست قاتیندا یارانان ژئولوژی ستروکتور (struktur) دور. ولکان یئرین داخیلینده باش وئرن ژئولوژی دییشیک لیک نتیجه سینده ماگمانین خاریج ائدیلمسی ایله مشایعت اولونور.

ولکان سؤزو قدیم یونان اود الله ی (od allahı) ولکانین آدیندان گؤتورولموش دور.

ولکانلا مشغول اولان علمه ولکانولوژیا دئییلیر.

ولکان لار فورما (شیت و یا ستراتوولکانلار(stratovulkanlar)) ، آکتیو (حرکتده اولان ، یاتان ، سؤنموش) ، یئرینه گؤره (یئراوستو ، سوآلتی ، بوزآلتی ) و غیره. اولاراق تصنیف لشدیریلیرلر.

یئرین 100 کیلومتر درین لییینده تخمینا 1000 و 13000 درجه سیلسیوس آراسیندا دما مؤوجود دور. بو ایستی لییین تاثیریندن اریمیش داش قاریشیغی اؤزولو پلاستیک فورمایا مالیک ماگمایا چئوریلیر. دامجی فورمالی ماگما 50 کیلومتر درین لییینه ییغیلیر. تضییق چوخالدیقجا ماگما یاریقلارلا حرکت ائدره ک لیتوسفرایا داخیل اولور. بو یوللا یئرین اوزونه چیخمیش ماگمایا لاوا دئییلیر.

ولکان پارتلاییشی زامانی تکجه کؤزه رنمیش مایع لر یوخ هم ده برک و گاز حالیندا اولان ماده لر خاریجه چیخیر. اکثر حاللاردا ولکان لار کونوس (مخروط) شکلینده اولورلار. ولکانین فورماسی باشقا شکیل لرده اولا بیلیر.

پوکورمه دن سونرا ولکانین آکتیولییی یا دایانیر ؛ یا دا او مین ایللر بویو "مورگوله ییر" (mürgüləyir). بو زامان ولکانین اؤزونده و اطرافیندا اولان اراضی لرده ماگماتیک اؤزه یین سویوماسی ایله مشایعت اولونان آکتیولیک ساخلانیلیر. بئله آدلانان ، پوست ولکانیک(postvulkanik) دؤور باش وئریر.

بورایا فومارول (fumarol)، ترم (term) ، قیزئرلری (qeyzerləri) میثال گؤسترمک اولار.

Vulkan bu məqalənin Azərbaycan dili əlifbasının latın qrafiki ilə yazılmış qarşılığıdır