(Everything I Do) I Do It for You

Vikipediya, açıq ensiklopediya
Keçid et: naviqasiya, axtar

"(Everything I Do) I Do It for You" – Brayan Adamsın yazdığı və ifa etdiyi mahnı.

Bu mahnı Brayan Adamsın 1991-ci ildə çıxardığı Waking up the Neighbours albomunda yer almış və Robin Qud (1991) filminin saundtreki olmuşdur. Bütün dünya üzərində böyük bir çart uğuru olan mahnı, ABŞda 7 həftə, İngiltərə tarixində 16 həftə (Britaniya çartları tarixində ən uzun müddət nömrə birdə qalan mahnı) və 9 həftə Kanadada nömrə bir hiti oldu və ümümilikdə 30 ölkədə zirvəyə qədər qalxdı.

1992-ci il Gremmi Mükafatları mahnı "Film üçün Yazılmış Ən Yaxşı Mahnı" nominasiyanda mükafat aldı eləcə də "İlin Mahnısı" mükafatına namizəd göstərildi. Mahnının instrumental halıda Adamsa Gremmi qazandırdı, bununla yanaşı mahnı Ən Yaxşı Mahnı Oskar Mükafatına namizəd göstərildi. Qızıl Qlobus və daha bir çox mükafatına namizəd göstərilmiş/qazanmış mahnı Adamsdan sonra bir çox müğənni tərəfindən oxundu.

Mahnı Billboard'ın Bütün Zamanlar Top 100 listi.ndə 16-cı sırada yer aldı. Mahnı BBC tərəfindən 1991-ci ilin ən mühüm hadisələrindən biri kimi qeyd olundu. 1998-ci ildə bir konsertdə Brayan mahının Kanadalı ulduz Selin Dion ilə duet etdi.

Yazılış və arxaplan[redaktə]

Filmin təqdimatı üçün mahnı yazmaq fikri ilk Maykl Kamenə aid idi. O, Keyt Buş, Enni Lennoks və Lisa Stransfildə təklif göndərdi ancaq rədd cavabı aldı. Morgan Creek Recordsdan Devid Kerşenbaum 80cı illərdə A&M Recordsdə birlikdə işlədiyi Brayan Adamsı dəvət etdi. Mahnının musiqisi Maykl Kamen tərəfindən demək olarki hazırlanmışdı. Artıq Adams sözləri yazmalı idi. Brayan mahnının sözlərini Kamen ve Robert Con Lunc ilə birlikdə 45 dəqiqə ərzində yazdı. Əslində əvvəl fikir mahnını başqa bir müğənninin oxuması idi. Ancaq axırda Luncun qərarı ilə Brayan tərəfindən ifa olundu. Mahnını Londonda studyada ilk dəfə qeyd edildi.

Maykl Kamen və film kompaniyası mahnının musiqisində deyişikliklər etmək istəyirdilər, ancaq Adams icazə vermədi. Mahnını yazanlar Kamen, Adams və Lunc olaraq qeyd olundu. Belə ki, mahnı film bitdikdən sonra gələn yazılarda çalınmağa başladı daha sonra həm filmin saundtrek albomunda həmdə Adamsın çıxarddığı uğurlu bir albom olan ‘’Waking up the Neighbours’da istifadə olundu.

Mahnının yüksək dərəcəli uğuru prodüserləri xoşbəxt etdi. Adams, mahnının bu dərəcə böyük bir hit olmağını gözləmədiyini dilə getirdi. 2005-ci ildə Adams Anthology adlanan yeni albomu haqqda verdiyi reportajda "Bəzən bir mahnını yazandan sonra, sizdə bir hiss əmələ gəlirki nəsə çox yaxşı bir şey alınıb. Və bu məndə baş vermişdi" deyə mahnıdan bəhs etdi. Həmin ili mahnını İspan dilindədə ifa edən Adams, mahnının hər üç xitlər kolleksiyası albomunda (So Far So Good, The Best of Me, Anthology) yer verdi. Mahnını tez-tez konsertlerində ifa edən Adamsın mahnısı həmçinin Columbia Records tərəfindən buraxılan Əsrin Ən Yaxşı Mahnıları adlanan albomdada ilk mahnı idi.

Uğur[redaktə]

’’’Waking Up the Neighbours’’’ albomuna əlavə edilən son üç mahnıdan biri olan (Everything I Do) I Do It For You, bütün dünya üzərində böyük bir hitə çevrildi ve otuz ölkədə zirvəyə qalxdı, və həftələrlə enmədi. 1991-ci ilin ən çox satılan mahnısına çevrilməsindən başqa, tarixdə ən çox satan mahnılardan biri hesab olunur.

ABŞda mahnı 7 həftə nömrə birdə qaldı və mahnı 3 milyona qədər satdı və beləcə "We Are the World" mahnısından sonra ən çox satılan ikinci mahnıya çevrildi. Mahnı həmçinin həftələrlə ən çox satılan mahnı rekordunu qırdı. Ona görə ki, 17 həftə ABŞ Sinql Çartlarında mahnı yenə də nömrə birdə idi.

Birləşmiş Krallıqda isə mahnı 1.53 milyon ətrafında satdı və 1984də Live Aid-dən bəri ən çox satılan mahnı oldu. Mahnı eləcədə 16 həftə nömrə birdə qalaraq İngiltərə tarixində çartlarda ən çox qalan mahnı oldu. Bundan əvvəl ən çox 1955ci ildə Slim Uitmanın "Rose Marie" mahnısı idi. Ümümilikdə mahnı Avropanın bütün ölkələrində zirvəyə yerləşdi. Belə ki mahnı Brayanın o vaxtları çıxan "Waking up the Neighbours" albomunun satışlarına da təsir etdi. Mahnı daxil olduğu bütün Billboard listlərində nömrə bir hiti oldu.

Video Klip[redaktə]

Klip əsasən meşədə keçir. Adams və qrupu meşədə mahnını ifa edirlər. Eləcə də bəzi anlarda Adams sahildə gəzərkən görünür. Klipdə Robin Qud filminin əsasən məhəbbət anları daşıyan səhnələri ekrana gəlir. Belə ki, aktyorlardan Kevin Kostner, Meri Elizabet Mastrontonio, Kristiyan Sleytr və Morqan Friman klipdə görülür. Klipdə bir neçə mükafat almışdır. Video saytı Youtubede ən çox baxılan Brayan Adams klipidir.

External links[redaktə]