2011-ci il İraq iğtişaşları

Vikipediya, açıq ensiklopediya
Keçid et: naviqasiya, axtar

Təhlükəsizlik işçiləri nümayişçilərə atəş açaraq azı bir nəfəri öldürüb və 30-a qədər nümayişçini yaralayıb. Yüzlərlə iraqlı Kut şəhərində yerli hökumət binasına hücum edib. Onların başlıca şikayəti ictimai xidmətin keyfiyyətsizliyindən qaynaqlanır. Təhlükəsizlik qüvvələri ilə toquşma zamanı azı bir nəfər həlak olub.

2000-dən çox insan bu gün nümayişlərə qatılaraq Vasit vilayətində korrupsioner rəsmilərin vəzifələrindən azad edilməsini tələb ediblər. Bəzi nümayişçilər hökumət idarələrini daşa basmış və binaların həyətində yanğınlar törətmişlər. Rəsmilər təhlükəsizlik işçilərinin nümayişçilərə atəş açaraq azı bir nəfəri öldürdüklərini və 30-a qədər nümayişçini yaraladıqlarını bildiriblər.

İraqlılar son günlərdə müxtəlif şəhərlərdə kiçik miqyaslı nümayişlər keçirərək elektrikin və başqa kommunal xidmətlərin yaxşılaşdırılmasını tələb edirlər. Nümayişlər ərəb dünyasının başqa yerlərində keçirilən hökumət əleyhinə nümayişlərlə eyni vaxta təsadüf edir. [1]

İraqda dünəndən başlamış antihökumət nümayişləri zamanı 12 nəfər həlak olub. 10 nəfər ölkənin şimal şəhərlərində, 2 nəfər isə qərbdə – Anbar vilayətində güllələnib. Nümayişçilər paytaxt Bağdad başda olmaqla, bir sıra şəhərlərdə küçələrə çıxıb. Paytaxtda hərbçilər mitinqçilərə qarşı su şırnaqları və rezin dəyənəklərdən istifadə edib. Digər ərəb ölkələrindən fərqli olaraq, iraqlılar hələ ki, hakimiyyətin istefasını tələb etmir. Əsas tələblər korrupsiyanın aradan qaldırılması, iş yerlərinin açılması, ərzaq, içməli su, elektrik enerjisi çatışmazlığının aradan qaldırılmasıdır. [2]

Bağdad küçələrində genişmiqyaslı nümayişlər başlanıb. Paytaxt küçələrinə axışan minlərlə insan "Neft – oğrular yox, xalq üçündür!", "Demokratiyaya hə!" şüarları səsləndirir. Ölkənin bir sıra rayonlarından da insanlar aksiyada iştirak etmək üçün Bağdada üz tutub. Kütlənin böyük hissəsi Azadlıq meydanına toplaşıb. Nümayişçilər korrupsiya ilə mübarizə, təhlükəsizliyin təmini, əməkhaqqının artırılması, yaşayış və məişət şəraitinin yaxşılaşdırılması kimi tələblər səsləndirir. Aksiyalarla əlaqədar olaraq, Bağdadda nəqliyyat vasitələrinin hərəkəti qadağan olunub. Qadağanın günün axırınadək qüvvədə olacağı bildirilir. [3]

İstinadlar[redaktə]

  1. İraqda nümayişlər olub
  2. İraqda "qəzəb günü": 12 nəfər həlak oldu
  3. İraqda yeni "nifrət günü"