Ağır atletika
Qaydaları [redaktə]
Ağır atletikada idmançılar iki proqram üzrə çıxış edirlər. Bu, tədricən və təkanla qaldırmaqdır. Birinci proqramda idmançı ştanqı əvvəlcə yerdən yuxarı qaldırır, sonra qollarını açaraq ağırlığı başı üzərinə qaldırır. Bütün bunları o, yalnız əzələlərinin gücü ilə etməlidir. Bu zaman idmançı azca çöməlib, bədəni ilə yorulmuş qollarına kömək edərsə, hakimlər işıq yandırıb, bu hərəkəti hesaba almayacaqlar.
Təkanla qaldırma da iki hərəkətdən ibarətdir: idmançı çöməlib, ştanqı birdən-birə birnəfəsə başı üzərinə qaldırır, yalnız bundan sonra qalxıb düzəlir. Qüvvət və sərtliyin belə birləşməsi idmançıya ikinövlü mübarizənin ümumi hərəkətlərində çox böyük bir çəkini qaldırmaq imkanı verir. Əlavə edək ki, yarışda birinci yerə çıxmaq üçün ştanqçı ağır atletikanın iki növünün ümumi hesabında daha çox çəki qaldırmalıdır.
Tarix [redaktə]
Ağır atletika Olimpiya Oyunlarına ilk dəfə 1896-cı ildə daxil edilmişdir. Ancaq o vaxtlar yarışlar başqa qaydalar üzrə keçirilmişdir.Qalib gəlmək üçün idmançı ştanqı bir,sonra isə iki əli ilə qaldırmalı idi.Maraqlısı budur ki,çıxış edənlərin hamısı eyni çəkidə yarışmışdı.İllər keçəndən sonra qanunlar indiki hala salınıb və indi idmançılar bir yox, on çəki dərəcəsi üzrə yarışırlar.
Azərbaycan ağır atletikası tarixndə ən böyük uğur 1997-ci ildə Tailandda keçirilən dünya çempionatında qazanılmışdır.64kq çəkidə çıxış edənAsif Məlikov üçüncü yeri tutaraq bürünc medala layiq görülmüşdür.
